Roma 3:5 - Buki Kimaasabaina

⁵ E tomota maniyedi sidigo kadi, ‘Yaubada tuta liliuna iliiuneda ida kapipilovayadi manudi. Tauna ida kapipilovayadi goi tomota itoboinedi sigitedoko Yaubada ina bóbwara ikibobosidi.’ Neta ida kapipilova goi Yaubada ina kibobwata ikaiwoduwe, manakaeda? Kada, ‘Yaubada ibágala tutayana ida kapipilovayadi pasidi ina egamogamogu goi iliuneda’? (Ame nakae tomota maniyedi idi nuwonúwana.)

Roma 3:5 ပူးပေါင်းရင်းမြစ်များ

Aba Vatowo 18:25

Go moe geya nakae im sinapu geya. Iyaa! Neta toogoyoidi tokibóbwata taiyao kumtulidi, moe ana kaigigita tauyadi matam goi sivavasa. Ago kom kai da poyapoya ama totakínona; itoboinem kutakinona vavasa ae?’

Roma 12:19

Guna kaloyao, taabu tomota idi goyo yaimi goi kokatuumapūdi, go sem Yaubada kotagōne ina egamogamogu goi ikatumapudi nakae ina nuwonúwana. Moe nakae Yaubada ina livala goi Mosese igini, kana, ‘“Goyo ana katumapu moe yau guna kaba lovina. Bei tomota idi goyo yau akatumapudi”, kaena.’ Atukeda 32:35

Roma 2:5

E mami dabakasa geya latuwomi kotugavila, tauna Yaubada ina egamogamogu ana maliyalina goi o tadigo kada, ‘Ina takínona kivaavasaina ikaiwoduwe’, e ina egamogamoguyana kovaituwe bei kolotowodoko.

Roma 3:19

E tayagoi bego kaga liliuda Yaubada ina kotu goi ida goyo tatalaseyanedi.

Roma 3:7

E nakona tomota tayamo ikaumakimaki idigo kana, ‘Neta yau geya aba numisa geya go, ame guna sinapu goyogoyoinayana goi Yaubada ana tagitedoko be nakae takinane Tauyana aba taimámina, e moeko goi Tauyana bogina avaite. Tauna geya itoboineyeta itakinoigu yau toogoyoigu bei liuna ababane ae?’

Roma 4:1

Tauna manakaeda? Eberamo bogina tadovatusi go, kaga tababane, kina tubuda sakava ana dadava goi? Geya, ae?

Roma 5:8

E moe moitamo go, Yaubada toinina ina matakoi yaida goi ivatulukoida bego kita nava toogoyoida go, tuwo manuda Guyau ikámasa.

Roma 6:1

E tauna manakaeda? Kada, ‘Goyo taguuinuwe bego Yaubada ina kanuwóiya ivaaituwe yaida’?

Roma 6:19

Kita tomota ida kaba gita goi avatulukoimi komi imi nuwonúwana taameyaidi pasidi. Moitamo Tauyana ida Tomoya. Boi mainao talaimi kokaasaledi kaga goyogoyoidi be apipilova yaidi, tuwo dogoiyadi goi komi paakonimi. Moeko goi imi kapipilova kovaituwe. Go ame tuta talaimiyadi kokasalēdi Yaubada yaina, e bei komi Tauyana ina pakonayao kibóbwata manuna. Moeko goi komi bei kimaasabaimi Tauyana umana.

Roma 7:7

E tauna manakaeda? Kada, ‘Yaubada ina Katukeda moe goyo’? Geya, geya toina! Go sem neta ina Katukedayana geya, e geya itoboineguta goyo ayagoi. Neta Atukedayana goi geya tayamo lovina kana, ‘Taabu koyaalagāu’, bei yalagauyana geya ayagoiyeta.

Roma 8:31

E tauna manakaeda ame dogoiyadi manudi? Ame nakae: Yaubada ipaaisewa ada dedevina manuna, tauna avatau itoboine bei itogagasaveda? Geya!

Roma 9:30

E tauna mae guna livalayadi manudi manakaeda? Ame nakae: Totuyoyowo enao geya silusaleyeta bego kidi kiboobosidi Yaubada matana goi go, tuwo moe sibabane. Go moe numisa goi sibabane.

1 Korinta 15:32

Boi Epeso goi akaaiyaka go, tomota woiwoi nakae avayaviyedi go, kita tomota ida nuwonúwana goi moe kaga kaaigiyana? Geya. Neta kita tonumisa nava bei ámasa goi geya tataoyamneta, ame tuta itoboine ida sinapu nakae tomota maniyedi idi bóbwara kadi, ‘Mada uyáwana takāika be tanīm! Itomo nakona bei takámasa.’ Aiseya 22:13

1 Korinta 9:8

Manakae? Yau guna bóbwara unana moe tomota idi nuwonúwana goi abobóbwara gea nakae ivatulukoida? Yaubada ina Katukedayana ivatulukoida ae?

2 Korinta 6:4

Go sem kakamoitamoema kai Yaubada ina tovaitayao, tauna dogoi liliudi goi toinima kavagitakoima yaimi be itoboinemi konumisema go, dogoiyadi liliudi goi kamesayágana gagaina. Dogoiyadi ame nakae: Ima mou goi, o ima gedageda goi, o ima kaiyakomou goi,

2 Korinta 7:11

Moitamo. Kogita? Imi nuwomouyana nakae Yaubada latuwona go, nuwomou ina guinuwa yaimi goi kopoisógana bego kokabikaonegu. Go poisógana kaka geya, go sem toinimi kotasigimi. Go tasígina kaka geya, go sem tauyana ina goyo manuna koegamogamogu. Go egamogamogu kaka geya, go sem komatoita. Go matoita kaka geya, go sem kokatukuwonegu. Go atukúwana kaka geya, go sem lulumi ilíbwata manugu. Go líbwata kaka geya, go sem mami salau tauyana ina goyo koliune. Kaga liliuna goi bogina kovagitakoimi bego tauyana ina goyo manuna komi geya ami pikwanamo.

Galetiya 2:18

Guna nuwonúwana ataligei. Atukedayana ana guinuwa moe aliupa nakae Diyuu be Totuyoyowo yaida goi. Neta aliupayana boi bogina atauwe go, niga ayowomnei, e moe nakae Atukedayana ivayokoigu bego yau Atukeda ana tokapipilova!

Galetiya 3:15

Segowo, aba gita tayamo aguinuwe. Aba gitayana moe kita tomota ada dadava goi. Neta boda aiyuwo taiyao tomota matadi goi sikanasíuna, e anasiunayana aiyako vaatayaina, tauna geya vatau tayaamo itoboine anasiunayana iligei o ikatusavi geya, go sem ikaiyako vata nakae mainao sikanasíuna. E aba gitayana moe kita tomota ida sinapu anasíuna manuna go, Yaubada ina kanasíuna Eberamo yaina nakae.

Nuwogau 15:3

Tauyadi Yaubada ina vesina siivesiye kadi, ‘O . Im guinuwa gagaidi be nakae kaausaraidi! Kom boda liliuma ima , im kenao kiboobosidi be nakae mooitamoidi!

Nuwogau 18:20

Níyana tayamo anove idigo kana, ‘Komi yábana ana tokaiyakoyao, Yaubada ina kimasabayao, ina be nakae ina , Asayana Yaubada bogina itakino asa goyogoyoina, tauna imi gedageda asayana goi koobabane Yaubada bogina ikatumapu. Tauna asayana ina vailai manuna komi kouyāwana!’