Roma 3:4 - Buki Kimaasabaina

⁴ Geya, geya toina! Yaubada aba numisa, sopana be ina guinuwa sivavasa! Nakona tomota liliudi sipola o tadigo kada, ‘Sopadi be idi guinuwa ituli ituli’ go, tuwo Yaubada aba numisa, sopana be ina guinuwa sivavasa! Moe moitamo ina liuna manuna nakae. Moe tayagoi unana boi nimatu goi Devida igini ina goyo ana liuna manuna. Yaubada ina liunayana manuna Devida Yaubada ilatuwoko kana, ‘Tomota bei sikamoitamoem bego kom im bóbwara im liuna manuna kukibobosidi. Nakae im kotu goi tomota geya itoboinedita sitakinoim kadi, “Im lovina liuna manuna kom geya kukivavaseta.”’ Same 51:4

Roma 3:4 ပူးပေါင်းရင်းမြစ်များ

Madiu 11:19

ima ikakáika be inimnim go, kodigo kami, “Tauyana kogite? Aikanina be nakae inim ginagina iiyaluwo. Tauyana be ituli ta toogoyoidi siyadi!” Yaubada ina nanamsa Iyoni be yau kavatulúkwana go, nanamsayana ipaaisewa tomota yawoidi goi, e guinuwayadi goi tomota siyagoi Yaubada ina nanamsa moe moitamo.’

Luke 20:16

Bei ina ikaumatedi go, ituli ta tokatogu dedevidi bei itagonedi tanuwoyana simatakavate.’ E totaiyakekayadi Yeisu ina livalakaibala sinove, sidigo kadi, ‘Iyaa! Moe nakae bei geya, geya toina!’

Iyoni 3:33

Avatauwa neta ina talavaitayana siuyaone, e sikamoitamo bego Yaubada .

Roma 11:1

Tauna manakae? Yau abobóbwara bego Yaubada ina bodao ikataedi? Geya, geya toina! Yau nakae Isileli tubuna tayamo nakae Eberamo tubuna tayamo, guna Beniyamina, e Yaubada geya ikataeguta.

Roma 11:11

Tauna manakae? Yau abobóbwara Yaubada sinumise.

Roma 3:31

Tauna neta Totuyoyowo idi numisa goi ivayokoidi kidi kiboobosidi go, moe geya Atukedayana ana guinuwa goi geya, manakae? Atukedayana ida numisa goi atauwe? Geya, geya toina! Go sem Atukedayana ayatodoko.

Roma 6:15

E tauna manakaeda? Yaubada ina Katukeda ina takínona geya ikaukabolideta, go sem ina kanuwóiya ikaukabolida. Tauna manakae? Itoboine nava tagoyogoyo? Geya, geya toina!

Roma 6:2

Geya, geya toina! Ana kaigigita kita bogina takámasa, e goyo ina togagayana bogina tatavileiye. Tauna manakaeda nava goyo ina togagayana goi takaaiyaka? Geya!

Roma 7:13

Tauna manakae? Kada, ‘Yaubada ina Katukeda dedevina go, Atukedayana goi ámasa ababane, e Yaubada yaina itavileiyegu’? Geya, geya toina! Go sem moe goyo ipaaisewa bego ina guinuwa toina isowóduwo bei ayagoi. Goyoyana Yaubada ina Katukeda dedevina iepaisewe go, ina guinuwayana goi ámasa ababane. Ame bego lovinayana goi goyo ayagoi igoyo toina.

Roma 7:7

E tauna manakaeda? Kada, ‘Yaubada ina Katukeda moe goyo’? Geya, geya toina! Go sem neta ina Katukedayana geya, e geya itoboineguta goyo ayagoi. Neta Atukedayana goi geya tayamo lovina kana, ‘Taabu koyaalagāu’, bei yalagauyana geya ayagoiyeta.

Roma 9:14

E tauna manakaeda Yaubada ina guinuwayana manuna? Kada, ‘Yaubada ina lovina Yakobo be Iso manudi geya ivavaseta’? Geya, geya toina!

1 Korinta 6:15

Manakae? Komi geya koyagoiyeta bego kita wowodayadi moe talainao? Manakae? Itoboineda Guyau talaina tayamo takabi tanave tomatagogoli goi tasipatuko gea geya? Moe geya, geya tooina!

2 Korinta 1:18

E kina Yaubada iyagoida! Ima livala yaimi goi geya kapoleta geya! Tutayana kama, ‘U, bei kao’, e ima nuwonúwana nakae bei kaguinuwe. Neta kama, ‘Geya kawoita’, nakae bei kaguinuwe.

Galetiya 2:17

E kita Diyuu latuwoda ida spwagógana taiyao pasina Yaubada ivayokoida kita kiboobosida ina kanasíuna manuna go, ina Katukeda ana guinuwa pasina geya. Moeko goi bogina takamoitamo bego kita toogoyoida Totuyoyowo geya sinumiseta nakae; tanumisa bego Yaubada ivayokoida kita kiboobosida. Ana kaigigita Yaubada ina Katukeda takapipilave, e Totuyoyowo taiyao takáika go, manakae? Itoboineda kada, “Guyau goyo ana tovaita”? Geya, geya toina!

Galetiya 2:21

Kidi Atukedayana siinumise Yaubada ina kanuwóiya sikatae go, yau geya akataeyeta. Moe moitamo. Neta Yaubada ina Katukeda ana guinuwa goi ivayokoida kita kiboobosida ina kanasíuna manuna, e moe nakae ikamasa beso.’ E moe nakae Pita alatuwoko.

Galetiya 6:14

Go yau geya kada tayaamo kaga manuna bei agágasa amo nakae geya, geya toina! Go sem yau nava auyawana gagágasa kaga ida Tomoya Yeisu Guyau ina guinuwa kerose goi manuna. Ina kamasayana pasina kaga yau sowogu moe geya basabasaidimo da poyapoya yaidi. E kaga kidi sowodi moe geya basabasaidimo yau yaigu.

1 Timoti 3:16

Bogina tayagoidoko yábana sinapuna ana vatulúkwana moe dedevina toina! Boi mainao vamoounina go, Yaubada bogina ikaiwoduwe. Vatulukwanayana Yeisu goi tagite ame nakae: Tauyana bogina imalasakava. ikamoitamoe Tauyana kiboobosina. sigite. Valena asa liliudi goi ina sitalavaite. Da poyapoya sinumise. Tauyana ituko ina Yaubada ana tomoeeyalina goi.

Taito 1:2

Tauna guna kawoi pasina tauyadi silotuta yawoidi vata bei sibabane. Yawana vatayana boi nimatu tuta ana kaba vatowo goi Yaubada, Tauyana geya ipolapola, ikatotule bei ivinida.

Iberiu 6:18

Dogoiyadi aiyuwo goi, moe ina katótula be toinina yoina goi, geya itoboineyeta ipola. E ina yupunayana geya ikatuvilevileta bego kita, Tauyana yaina goi taatuvásala, itoboineda takatepatu bei kaga bogina ikaatotule talotutae bei iguinuwe.

1 Iyoni 5:10

Tauna avatauwa neta Yaubada Natuna siinumise, atedi goi siiyagoi talavaitayana moe moitamo. Go avatauwa neta Yaubada geya sinumiseyeta, moe nakae Yaubada sivayoko topola unana ina talavaita Natuna manuna geya sinumiseyeta.

1 Iyoni 5:20

E nakae taayagoi Yaubada Natuna bogina ima be nakae nanamsa bogina ivinida bego Tauyana mooitamoina taayagoi be nakae Tauyana taiyao bogina taspwagógana. Tauyana moe Natuna Yeisu . Ame Tauyana Yaubada mooitamoina be nakae yawoida vata unana.

Nuwogau 3:7

Tuwaina Tauyana idigo kana, ‘Anerose ainima tayamo Tomoya ana totugugunayao Piladelipiya goi imatakaavatedi ana leta totugugunayadi manudi kugīni kam, “Yau Yeisu . Yau tubugu Devida ina ki nimagu goi ayoyoisi. Neta totom akatupáeve, geya vatau tayaamo itoboine bei ikatunibode, e nakae neta akatunibode, geya vatau tayaamo ikatupáeve. E ame nakae alatuwokoimi: