Roma 3:22 - Buki Kimaasabaina

²² Ina kibobwatayana moe aba numisa ina kabikáwana goi ikaiwoduwe kita ana tonumisayao madabokida manuda. Moe moitamo. Madabokida tavavasa Yaubada matana goi.

Roma 3:22 ပူးပေါင်းရင်းမြစ်များ

Luke 15:22

Go tamanayana ina ilatuwokoidi idigo kana, “Woilīmi kōna kwama maanawena dedevina kokābi kōme natugu kovalōsi! kokābi, nimana goi kovalilīvi be sendoro kokabīdi aena goi kovalilivīdi!

Guinuwa 11:12

E ilatuwokoigu idigo kana, “Korotoyadi taiyao kōna go, taabu kunaanayūwo.” E ana go, segowo ame adi tainima tayamo nakae taiyao kana Totuyoyowo ina vada goi kasiu.

Guinuwa 15:9

Ivatulukoida bego kina matana goi kita Diyuu be kidi Totuyoyowoyadi tavavasa ame nakae: Atedi inikidi idi numisa pasina boi nakae kita ida numisa pasina ateda inikidi.

Guinuwa 3:16

Numisa Yeisu yoina goi pasina, tauna ame topemyana kogitegite be nakae kooyagoi, e Yeisu yoina ina togaga ikitogage. Go numisa Yeisu goi tababane, e moe numisayana koroto ame bogina ikidedevinedoko go, bogina kogite.

Roma 1:17

Manakaeda tayagoi Valayana moe Yaubada ina togaga? Ame nakae: Vala Dedevinayana sinaena goi Yaubada ina kibóbwata ana pasina go, kita tonumisa manuda. Moe Gínina Kimaasabaina nakae idige kana, ‘E kina numisa goi iiketoiya.’ Abekuki 2:4

Roma 10:12

Bogina koyagoi. Kita tavavasa; enao tayamo goi madabokida ada yava tababane. Ida Tomoya tayamo; e Tauyana tomota liliuuda ida Tomoya. Tauyana Toesaesa; bei liliuda neta taduduwe, e yaida goi ikaiguyau gagaina.

Roma 10:4

Moe moitamo. goi imalatomota, e bei avatauwa neta Tauyana sinumise, Yaubada matana goi kidi kiboobosidi.

Roma 2:1

Yaubada ina egamogamogu bei moitamo isowóduwo toogoyoidi yaidi. Tauna tomota, komi tamo tamo neta semiyao kotakinoidi liuna manuna kami, ‘Itoboine tauyadi Yaubada ina liuna sibabane’, e geya itoboinemita imi goyo manudi kovakibala. Moe moitamo. Imi takinonayana moe nakae toinimi kotakinoimi liuna manuna. Bogina koyagoi. Komi totakinonayami imi guinuwa igoyo tauyadi nakae!

Roma 3:30

unana Yaubada tayamo toito. Tauna kita Diyuu sakavaida kuuponidi ida numisa pasina ivayokoida kita kiboobosida be nakae Totuyoyowo sakavaidi geya adi kupwanamo nakae; idi numisa goi ivayokoidi kidi kiboobosidi.

Roma 4:16

Yaubada ina katótula Eberamo ivini moe ina numisa pasina unana ame: Bego atotulayana moe Yaubada ina kanuwóiya kaka goi, e bei ina katotulayana kita Eberamo ina bodao liliuda moitamo tababane. Geya kada kidi Atukedayana ana toguinuwa aditava geya, go sem avatauwa neta idi numisa Eberamo ina numisa nakae, tauyana madabokiida tubuda nakae.

Roma 8:1

Tauna ame tuta kita goi Yaubada geya itakinoideta kita toogoyoida, tauna liuna geya ivinideta.

Roma 9:30

E tauna mae guna livalayadi manudi manakaeda? Ame nakae: Totuyoyowo enao geya silusaleyeta bego kidi kiboobosidi Yaubada matana goi go, tuwo moe sibabane. Go moe numisa goi sibabane.

1 Korinta 12:13

Moitamo. Madabokidakova Baloma Kimaasabaina tayamo goi bogina , madabokidakova Yaubada bogina Baloma Kimaasabaina goi ivanimda ikaaiyaka yaida.

1 Korinta 4:7

Avatau ivayokoimi komi toosakimi? Geya! Ava kaiguyau yaimi goi Yaubada geya ivinimita? Geya! Geya tayaamo aiguyau toinimi kokabi, go sem madabokina Tauyana ivinibesoimi. Tauna komi manakae kouyawana gagágasa nakae neta geya ivinibesoimita?

Galetiya 2:16

E kita Diyuu nuumisaida bogina tayagoi geya vatau tayaamo Yeisu aba numisa ina kabikáwana pasina. Moe bogina tayagoi. Tauna kita Diyuu Totuyoyowo nakae; Guyau Yeisu yaina bogina tanumisa bego ina kabikawanayana pasina Yaubada ivayokoida kita kiboobosida ina kanasíuna manuna. Go moe geya Yaubada ina Katukeda ana guinuwa pasina ivayoko kita kiboobosida geya. Moe moitamo. Atukedayana ana guinuwa pasina geya vatau tayaamo Yaubada ivayoko kina kiboobosina ina kanasíuna manuna.

Galetiya 2:20

E geya tuwaina yau yawoigu aloovinae go, Guyau yaigu goi ikaaiyaka yawoiguyana iloovinae. E yawoigu ame tuta sakavaigu goi akaaiyaka moe guna numisa Yaubada Natuna yaina goi akaaiyaka unana Tauyana imatakoiyegu, tuwo toinina ikasale ámasa goi, yau guna katumapu.

Galetiya 3:22

Go moe nakae geya iguinuweyeta, go sem Gínina Kimaasabaina tomota liliudi poyapoya goi ikaukabolidi, goyo ina togaga ogalaoina goi sikaaiyaka bego Yeisu pasina kaga Yaubada boi ikaatotule Eberamo yaina ivinida kita ina tonumisayao.

Galetiya 3:28

Tomota liliuda tavavasa be nakae geya tayaamo aliupa ikaaiyaka bego ilivisida ta boda be ta boda. Aliupayadi nakae Diyuu be Totuyoyowo, kidi be kidi taliigavidi, koroto be vevina. Ame aliupayadi bogina sikavava unana madabokida ida spwagógana Guyau Yeisu taiyao pasina bogina taeboda tayamo.

Epeso 3:12

Kita ida spwagógana Tauyana taiyao pasina itoboineda mada katepatu be mada tagona Yaubada tanoko Guyauyana aba numisa ina kabikáwana pasina.

Pilipai 3:9

o tadigo kada, ‘Yaubada bei idovatusigu, e igitegu yau spwagoogonigu Guyauyana taiyao.’ Ame nakae: Yau kiboobosigu Yaubada nuwona goi geya kada ina Katukeda ana kabikáwana pasina geya, go sem moe Guyau ina guinuwa pasina. Yau kiboobosigu unana Tauyana ivayokoigu nakae guna numisa pasina.

Kolose 3:11

Yawoida vauyadi goi geya tayaamo tavilei ikaaiyaka geya. Nakae Giriki o kaga liliuna itobukukuyuidi be nakae liliuda yaida goi ikaaiyaka.

Yemesa 2:23

Moeko goi Gínina Kimaasabaina ina talavaita imalatomota; talavaitayana idigo kana, ‘Eberamo inumisa Yaubada yaina, e ina numisayana Yaubada igite, ikamoitamoe bego kina Eberamoyana moe Yaubada nuwona ana tokibóbwata.’ Aba Vatowo 15:6 Tauna Yaubada idigo kana, ‘Eberamo yau siyagu.’