Roma 3:19 - Buki Kimaasabaina

¹⁹ E tayagoi bego kaga liliuda Yaubada ina kotu goi ida goyo tatalaseyanedi.

Roma 3:19 ပူးပေါင်းရင်းမြစ်များ

Iyoni 15:25

Go sem livala ame idi Gínina Kimaasabaidi goi siginigini itoboine imalatomotamna, idigo kana, “Geya unanamo go, sikaolilivegu.” Same 35:19; 69:4

Iyoni 8:9

E kidi go totaiyakeka tamo tamo sivatowo Yeisu siikalave go, kidi tomoyamoya sigimina. Tuwo boda nauyayanaidi goi Tauyana be vavinayana aditava sikaaiyaka.

Roma 1:20

Manakaena ikaiwoduwe? Boi poyapoya ana madágina kunu goi go, ima ame tuta nakona Tauyana ina sinapu, nakae ina togaga aiyako vaatayaina be nakae aderina, geya tagitedita. Ago ina madágina liliudi goi itoboineda tagitedokoidi, tauna togoyoidiyadi geya itoboinedita idi kapipilova manuna sivakibala.

Roma 3:2

Kita Diyuu moe ada dedevina gagaina toina! Dogoi badabadaidi Yaubada iguinuwedi kita Diyuu yaida goi go, dogoi gagaina moe tubudao ikawoidi bei ina katótula Eberamo yaina sikabikaonedi be sitalavaitedi tomota liliudi yaidi.

Roma 3:23

Madabokiida, Diyuu be Totuyoyowo, bogina tagoyo, e Yaubada ana tomoeeyalina tapoikiki bego yaida goi itakanukanunu go, geya itoboinedeta.

Roma 3:4

Geya, geya toina! Yaubada aba numisa, sopana be ina guinuwa sivavasa! Nakona tomota liliudi sipola o tadigo kada, ‘Sopadi be idi guinuwa ituli ituli’ go, tuwo Yaubada aba numisa, sopana be ina guinuwa sivavasa! Moe moitamo ina liuna manuna nakae. Moe tayagoi unana boi nimatu goi Devida igini ina goyo ana liuna manuna. Yaubada ina liunayana manuna Devida Yaubada ilatuwoko kana, ‘Tomota bei sikamoitamoem bego kom im bóbwara im liuna manuna kukibobosidi. Nakae im kotu goi tomota geya itoboinedita sitakinoim kadi, “Im lovina liuna manuna kom geya kukivavaseta.”’ Same 51:4

Roma 3:9

Tauna manakaeda? Kita Diyuu kidi Totuyoyowo Yaubada matana goi tadedevinasavedi? Geya, geya toina! Mae bogina atalavaita tomota liliuda, Diyuu be nakae Totuyoyowo, sinapu goyo ina togaga iyowóida.

1 Korinta 1:29

Moe nakae iguuinuwe bei geya vatau tayaamo itoboine Yaubada matana goi toinina manuna iuyawana gagágasa kana, ‘Yaubada ikinavegu unana yau maa yoigu.’

Galetiya 3:10

Moe moitamo. Yaubada ina Katukeda ana guinuwa tomotaidi liliudi Yaubada ina takínona moumouna goi sikaaiyaka, tauna geya itoboinedita Tauyana ina kaipaku sibabane. Gínina Kimaasabaina nakae idige kana, ‘Avatauwa neta lovina liliudi Yaubada ina Katukeda bukina goi geya siyoisikavatedita nakae geya siguinuwedita, tauyadi Yaubada ina takínona moumouna goi sikaaiyaka.’ Atukeda 27:26

Galetiya 4:21

Avatauwa komi neta latuwomi bego Yaubada ina Katukeda ikaukaabolimi ame kolatuwokōigu: Kaga Atukedayana ilatuuwokoida koyagoidoko gea geya?

Galetiya 4:5

Moe bego kai Atukedayana ana lovina sikaukaabolima itatetema bego ivanatunema.

Galetiya 5:18

E neta Baloma Kimaasabaina ivaakededa, Yaubada ina Katukeda geya ikaukabolideta.