Roma 3:11 - Buki Kimaasabaina

¹¹ Geya vatau tayaamo iyagoi nako dedevina. Geya vatau tayaamo isokikina Yaubada yaina geya.

Roma 3:11 ပူးပေါင်းရင်းမြစ်များ

Madiu 13:19

Avatauwa neta Yaubada ina kalibúbuna valena sinove go, geya siyagoiyeta, e tauyadi poyapoya enao goi nakae. Poyapoyayana goi kutukutu sisou go, kina Togoyoinayana ima kaga boi tobágula iibaguli tauyadi nuwodi goi, e ineboidi.

Roma 1:22

Tauyadi toinidi sipásima bego madi nanamsa go, kidi siyaluwo.

Roma 1:28

Kidi Yaubada sidovatusi go, silovina bego Tauyana ana nanamsa moe geya basabasainamo yawoidi manudi, tuwo sikatae, e tauna nakae Tauyana itagonedi toinidi nuwodi goyogoyoidi yaidi goi be kaga geya itoboineyeta yaidi, e tuwo siguuinuwedi.

Roma 3:10

Moe nakae Gínina Kimaasabaidi sidige, kadi, ‘Geya vatau tayaamo kiboobosina Yaubada matana goi, geya toina!

Roma 3:12

Madabokidi Yaubada situgavile. Nakae tauyadi geya basabasaidimo Tauyana yaina. Geya vatau tayaamo yabobona iguinuwe, geya toina! Same 14:1-3; 53:3

Roma 8:7

Avatauwa neta nuwodi siyatoyato sakava goi, e Yaubada sivakaleye. Kaga unana? Nuwodi geya sikasaleyeta Yaubada ina Katukeda goi. Moe kaga unana? Unana geya itoboinedita! Tauna geya sikasaleyeta Atukedayana goi.

Taito 3:3

Im kavilavilayana itoboine. Kita tonumisa boi nimatu tauyadi geya sinumiseta nakae, Yaubada tatamogemogeye. Nakae kita kapipiilovaida be nakae sulaaigida, ida vikaiya liliudi be uyawana owáowana liliudi , ida kaiyaka madabokina goi kita goyo ana toguinuwa be vakipiikipida, tomota sikaoliliveda go, kita nakae sedao takaolilivedi.

1 Iyoni 5:20

E nakae taayagoi Yaubada Natuna bogina ima be nakae nanamsa bogina ivinida bego Tauyana mooitamoina taayagoi be nakae Tauyana taiyao bogina taspwagógana. Tauyana moe Natuna Yeisu . Ame Tauyana Yaubada mooitamoina be nakae yawoida vata unana.