Roma 16:2 - Buki Kimaasabaina

² Tauyana akamoitamoe bego ida Tomoya goi tauyana kouyaone nakae komi Yaubada ina kimasabayao itoboinemi. Ago Pibeyana neta kaga ikiseyeseye, e kovāite. Tauyana tovaita tayamo; e tomota badabadaidi be nakae yau bogina ivaitema.

Roma 16:2 ပူးပေါင်းရင်းမြစ်များ

Madiu 25:40

Go tokalibubunayana bei idigo kana, “U, moe moitamo go, ame alatuuwokoimi konōve: Tutayana moe guinuwayadi koguuinuwedi siyagu tayamo yaina, nakona tauyana nuwotookaina, e moe nakae yau yaigu koguuinuwedi.”

Guinuwa 9:13

Go kina Ananiyasiyana idigo kana, ‘Tomoya, amo korotoyana valena tomota badabadaidi sivaateteli bogina anove. Boi Yerusalema goi goyo gagaina iguinuwe im kimasabayao yaidi.

Guinuwa 9:15

E kina Tomoyayana ilatuwoko idigo kana, ‘Kutāoya kūna unana ame tauyana bogina akinave yau guna kitom bei aepaisewe. Nava bei ina yaidi goi italavaitegu.

Guinuwa 9:36

E Yopa goi Yeisu ina tovatotówana tayamo yoina Tabita ikaaiyaka. Moe youyana neta takaigavile da Giriki niyadi kadi, ‘Dokasi.’ Ame vavinayana tuta liliuna guinuwa dedevidi iguuinuwedi, nakae tokai ivaaitedi.

Guinuwa 9:39

E Pita inovedi, tuwo itaoya korotoyadi taiyao sina Yopa. Tutayana sisowóduwo, Pita sime vadayana goi sisiu simwera sina vavinayana kebana goi. Maeko goi kóbuya liliudi madi táiya Pita sitaoyakobu go, kwama liliudi boi Dokasiyana nava maa yawoina igiilumidi sivatuluko.

Guinuwa 9:41

E Pitayana nimana iyosale vavinayana nimana iyoisi, ikaitáoe. Ikaitáoe ikavava, e kobuyayadi nuumisaidi be nakae Yaubada ina kimasabayao liliudi iduduwedi sima, matadi goi vavinayana maa yawoina ikaiwoduwe.

Roma 15:7

Ame pasina tauna sedao kouyaonēdi nakae bogina iuyaonemi Yaubada ana taimámina manuna.

Roma 16:15

Guna yabobona Pilologo, Yuliya, Nereya ma niuna, Olimpa be Yaubada ina kimasabayao liliudi taiyao yaidi.

Roma 16:23

Gaiyo, tauyana imataogeeogegu be nakae Yeisu ana totugugunayao liliuma itaagonema ina vada goi katugúguna, e ina yabobona yaimi. Erasto kina asa ana mani ana torugwáuta be nakae siyada Kwarato idi yabobona yaimi.

Roma 16:6

Meri, tauyana ipooisógana gagaina komi manumi, e guna yabobona yaina.

Roma 16:9

Urabano, tauyana guna tosavaiyuwo umana, e guna yabobona yaina. Guna yabobona guna kalo Stakosi yaina.

Epeso 5:3

E komi Yaubada ina kimasabayao, tauna masisi goyogoyoina, sinapu goyogoyoina liliuna be matakónana taabu koguuinuwēdi, nakae taabu kobooborēdi!

Pilipai 1:27

Go tayamo toito, komi ina kalibúbuna tomotaimi, tauna kooketōiya nakae boi bogina Guyau Valena Dedevina ivatulukoimi. Moe bego neta ao avadademi o geya, bei valemi anove bego balomaimi tayamo goi kotaoyaakavata tutayana nuwomi tayamo goi taiyao Vala Dedevina ana vatulúkwana kovaboodebode.

Pilipai 2:29

E tauna ida Tomoya taiyao pasina tauyana mami uyáwana kouyaōne go, avatauwa neta ame tauyana nakae, kowowoinēdi.

Kolose 4:10

Aristako, tauyana deri ana tokaiyako yau taiyao, ina yabobona yaimi. Banabasi nubaina Maki nakae ina yabobona yaimi. Makiyana manuna ami lovina bogina avinimi. Neta iwo, kouyaōne.

1 Timoti 2:10

Go sem latuwogu idi guinuwa dedevidi goi sipasa nakae vevina itoboinedi neta Yaubada yaina sikaasaledi.

2 Timoti 1:18

Ina vaita gagaina yaigu Epeso goi bogina kuyagoidoko. Guna kawanoi ida Tomoya yaina bego itagona takínona ana maliyalina goi Onesiporoyana nuwokapisi ibabane yaina.

Taito 2:3

Kidi go namoyamoyayao nakae. Kulatuuwokōidi idi sinapu nakae tomota kaasalaina Yaubada umana itoboine. Ame nakae: Taabu siitagīwaya be nakae taabu sinim monaamonāna. Tauyadi idi bóbwara be idi guinuwa goi naiwovau sivatuulukoidi kaga dedevina.

Pilemoni 1:12

Tauyana aetunevile iwo go, tauyana ategu.

Pilemoni 1:17

Tauna neta kom kunuwonúwana bego yau im tosavaiyuwo Yaubada ina paisewa manuna, e agu matakoi yaim goi agu gogo nakae Onesimo kwabimnēi.

2 Iyoni 1:10

Avatauwa neta siwo yaimi go, moe vatulukwanayana geya sivatulukoneta, e tauyadi imi vada goi taabu kouyaaonēdi be nakae taabu kokaauyāgu yaidi.