Roma 15:19 - Buki Kimaasabaina

¹⁹ aba kinana kainaaopaidi adi togaga goi be nakae Yaubada Balomaina ina togaga goi. Tauna Yerusalema goi ina Ilurikoni parovinsi goi Guyau Valena Dedevina bogina atalavaiteyabe sinove.

Roma 15:19 ပူးပေါင်းရင်းမြစ်များ

Madiu 12:28

Go yau Yaubada Balomaina ina togaga goi dimoni avataapiyedi, tauna bogina imaiyaba yaimi.

Iyoni 4:48

Go iya Yeisu idigo kana, ‘Neta aba kinana kainaaopaidi geya kogitedita, e bei geya konuumisegu.’

Guinuwa 1:8

go sem itoboine koyagoi tutayana Baloma Kimaasabaina iwo yaimi goi, togaga bei kobabane, e komi bei guna totalavaitayao Yerusalema goi nakae Yudiya ana dadava madabokiina goi, ana dadava goi be nakae asa liliuna poyapoya ame goi.’

Guinuwa 13:14

E kidi go Paulo ma senao Periga sikalave go, sina Antiyoki goi, moe parovinsi Parugiya sinaena go, parovinsi Pisídiya kikina. ana maliyalina sina kidi Diyuu idi kaba tugúguna goi sisiu situsobu.

Guinuwa 13:51

E kidi go Paulo be Banabasi asa kaukauna aedi goi sisapinunuidi. Moe idi katumátala Diyuuyadi yaidi bego Yaubada itavileiyedi. Sisapinúnuwo ikavava, asa Antiyoki sikalave go, sina asa Ikoniyam.

Guinuwa 14:10

Tuwo niyana gagaina goi idigo kana, ‘Aeyapayapam goi kutaoya dōkana!’ Tuwo mainao korotoyana ipela, ivatowo iketoiya.

Guinuwa 14:25

Pampíliya sinaena sina asa Periga goi Vala Dedevina sitalavaite. Ikavava, sitaoya siiwo sina asa Atáliya.

Guinuwa 14:6

e Yeisu ina vamoleyanayaoyadi livala sinove, tuwo sisiya sina Lukaonia asaidi moe Lustira be Debi be nakae asa kikidi.

Guinuwa 15:12

E boda madabokina situgau, tuwo Banabasi be Paulo sitaiyaakekedi tutayana silumavívita Yaubada manakaena iepaisewedi aba kinana kainaaopaidi siguinuwedi Totuyoyowo yaidi.

Guinuwa 16:18

E moe nakae maliyalina tamo tamo iguuinuwe. E Pauloyana bogina ikawowoteya gagaina. Tuwo itugavila go, dimoniyana ilatuwoko idigo kana, ‘Yeisu yoina goi alovinaem, tauyana goi kusowōduwo kusīya!’ E amo tutayana goi mainao isowóduwo.

Guinuwa 17:10

E kidi go Paulo be Sailasi sediyao nuumisaidi mainao silovina sabamgo goi adi taiyuwokova sietunedi sina asa Bereya. Tuwo moitamo nakae siguinuwe. Tuwo sima Bereya goi sisiu sina Diyuu idi kaba tugúguna goi sisiu.

Guinuwa 17:15

E Paulo senaoyadi taiyao sima mamaya goi oga sisowoya sikailova sina asa Ateni goi. Amoko goi Paulo lovina tayamo ivinidi idigo kana, ‘Kōna Sailasi be Timoti kolatuwokōidi woilidi sima.’ Ilatuwokoidi ikavava, senaoyadi ivalavedi go, sikaluvilamna sina idi kasa.

Guinuwa 18:1

Ame dogoiyadi sikavava, Paulo itaoya Ateni ikalave go, ina Korinta goi.

Guinuwa 18:19

Sinonoina, sina Epeso goi sisou, Pirisirayana be Akuilayana ikalavedi go, kina iyava ina Diyuu idi kaba tugúguna goi Yeisu Valena manuna ikaugeogéona Diyuuyadi yaidi.

Guinuwa 19:1

E tutayana Apolosi Korinta goi ikaaiyaka, Paulo Galetiya ana dadava goi be nakae Parugiya ana dadava goi bogina ivanibiníbita, e isou iiwo ina Epeso goi maniyedi ibabanedi.

Guinuwa 20:20

Geya tayaamo vatulúkwana imi numisa ana dedevina manuna avagagalakoimi. Tomota matadi goi be nakae amitava imi vada tamo tamo goi madabokina atalavaitedi yaimi be nakae avatulukoimi.

Guinuwa 20:6

E kai go kaketoiya kana Pilipai goi. Amoko goi kakáika. Ikavava, oga kasowoya kakailova maliyalina ainima goi kalokoina kama Tarowasi goi kavaiu, kasou. Kasou, semao kababanedi go, amoko goi maliyalina ana badabada ainima aiyuwo kakaaiyaka.

Roma 15:13

E akawanoi Yaubada yaina, Tauyana talootutae, bei iguinuwe nakae idige. Guna kawanoiyana ame nakae: Bego imi numisa pasina uyáwana be tuboina goi ivakayaodeidokoimi be ina togaga goi imi lotutayana ivaituwe.

Roma 15:16

Ivinigu bego yau manuna bego Totuyoyowoyadi neta sinumisa, kidi yau guna vininabeso nakae Yaubada iuyaonedi unana Baloma Kimaasabaina bogina ikimasabedi Yaubadayana umana.

Roma 15:24

tauna aalotuta bego ao namlieta bei ana Sipeini. Guna nuwonúwana bego tutayana anonoina Sipeini, mainao ao agitemi be nakae ma nimatoogu koetunegu ana Sipeini. Go mainao latuwogu bego komi taiyao mada uyáwana takabivekoveko.

1 Korinta 2:4

Guna livala o guna talavaita ana vala moe geya kada toinigu guna nanamsa goi atamyabimi geya, go sem ina togaga ana kamoitamo goi ataalavaita

2 Korinta 12:12

Yaubada nimana goi magu mesayágana vamoléyana ana kiyakiyaya aguinuwedi yaimi goi bei komi koyagoi yau moitamo Guyau ina vamoléyana tayamo. Kiyakiyayayadi moe aba kinana kainaaopaidi be nakae .

Galetiya 3:5

E tauna ame nakae: Yaubada Balomaina ikaiguyauye yaimi be nakae yaimi goi iguuinuwedi go, kaga pasina amo dogoiyadi iguuinuwedi? Ina Katukedayana ana guinuwa pasina gea Vala Dedevinayana ana talavaita konove konumise pasina? Valayana ana numisa pasina ae?

Kolose 1:25

Totugugunayami manumi yau bogina amalatovaita, nakae Yaubada bogina ikawoigu komi ami dedevina manuna bego ina Vala madabokina tomota liliudi yaidi goi atalavaite.

1 Tesalonáika 1:5

Ami kinavayana kaayagoi unana tutayana ikamoitamoedoko yaima goi. Moe bogina kooyagoi unana kai boi kakaaiyaka yaimi goi, e ima guinuwa madabokina bogina kogite moe ami dedevina manuna.

2 Timoti 4:17

E kina go ida Tomoyayana iitaoya yau taiyao, ikitogagegu bego Vala Dedevina atalavaitesave, e tobuna goi iyavegu.

1 Pita 1:12

Tauyadi yaidi Yaubada ikaiwoduwe bego livala sitalavaaitedi geya toinidi adi dedevina manuna geya, go sem komi ami dedevina manuna. E Yaubada Balomaina Kimaasabaina bogina ietune ima latuwodi toina bego siyagoidokoidi.