Roma 14:3 - Buki Kimaasabaina

³ Kaga liliuna ana tokáika taabu sediyao awoinu kaka ana tokáika sikubuuyevēdi. E kidi go awoinu kaka ana tokáika nakae. Taabu sediyao kaga liliuna ana tokáika sitaakinōidi kidi toogoyoidi. Kaga unana? Kina Yaubada iuyaonedi, tauna kidi nakae itoboinedi siuyaonedi.

Roma 14:3 ပူးပေါင်းရင်းမြစ်များ

Madiu 18:10

Ami dodōkana. Guna tonumisayao nuwotookaidi taabu kokubuuyevēdi. Ame alatuuwokoimi konōve: Guna tonumisayao nuwotookaidi idi tuta liliuna Tamagu guma yábana matana goi sikaaiyaka. [

Madiu 9:14

E ina tovatotowanayao sima Yeisu silumadade sidigo kadi, ‘Kai be nakae kidi Parisi kadiiyakímwana Yaubada manuna go, kom im tovatotowanayao manakae geya sidiyakimoneta?’

Luke 18:9

E tomota maniyedi toinidi sinumisedi bego kidi go, sediyao sikaolilivedi. E amo tauyadi nakae Yeisu livalakaibala ame ilatuwokoidi idigo kana,

Guinuwa 10:34

E Pita ivatowo ivatétala idigo kana, ‘Bogina ayagoidoko bego Yaubada matana goi boda liliuda tavavasa. Tuwo kai Diyuu iuyaonema go, ametava geya,

Guinuwa 10:44

Pita nava ibobóbwara go, Baloma Kimaasabaina ina totaiyakekayao liliudi yaidi goi isiu.

Guinuwa 28:2

Ago toni kasayadi kai simataogeogema dedevina toina. Nakae siuyaonema be nakae ima yeu sidimili. Idi mataogaogayana moitamo dedevina. Amo tutayana ikuwokúwana, e gogou kakámasa.

Roma 11:15

Guna nuwonúwana ame nakae: Diyuu Yaubada sikatae. Ago idi kataeyana pasina da poyapoya ikabivekovekomneidi, tauna nava tutayana Diyuu iuyaonemneidi, moe ana kaigigita tauyadi tokámasa yaidi goi sitaoyamna maa yawoidi.

Roma 14:1

E kidi go idi numisa ina guinuwa goi siineneta kouyaonēdi go, geya bego kokaumakimaki idi nuwonúwana ituli ituli manudi.

Roma 14:10

E komi awoinu kaka ana tokáika manakae? Kaga unana semiyao kaga liliuna ana tokáika kotaakinoidi kidi toogoyoidi? O komi kaga liliuna ana tokáika, kaga unana semiyao awoinu kaka ana tokáika kokubuuyevedi? Kita madabokida Yaubada matana goi bei tataoya ina kaba takínona manuna.

Roma 14:13

Tauna geya tuwaina sedao tatakinoidi kidi toogoyoidi, go sem kolovīna bego ame koguinuwe: Semiyao adi kaba sapákwana nakae adi kaba goyo taabu kooyatōidi.

Roma 14:15

Neta komi avami ana káika pasina semiyao nuwodi imou, e ikámasa taabu avami goi kokaaigoyāidi.

Roma 14:21

Neta anina geya takanikani o geya tanimnim o ava kaba kapusi tuwaina sedao yaidi goi geya taguinuwedita bego sedaoyadi idi numisa goi tavakapusiyedi, e moe guinuwayadi dedevidi.

Roma 15:7

Ame pasina tauna sedao kouyaonēdi nakae bogina iuyaonemi Yaubada ana taimámina manuna.