Roma 14:1 - Buki Kimaasabaina

¹ E kidi go idi numisa ina guinuwa goi siineneta kouyaonēdi go, geya bego kokaumakimaki idi nuwonúwana ituli ituli manudi.

Roma 14:1 ပူးပေါင်းရင်းမြစ်များ

Madiu 12:20

Geya vatau tayaamo neenetaina duriduri taguuyalina nakae o rampa ana wiki kaakupina nakae ikatae, go sem inuwokapisiyedi. Nakae bei iguinuwe ana kadókana Yaubada ina takínona vavasa amo lavayana bei ikaiwoduwedoko.

Madiu 14:31

E kina Yeisuyana mainao nimana ibisisobu, tauyana iyoisi idigo kana, ‘Kom to moitamo geya kunumisedokoiguta ae? Kaga unana kunanayuwo?’

Madiu 18:10

Ami dodōkana. Guna tonumisayao nuwotookaidi taabu kokubuuyevēdi. Ame alatuuwokoimi konōve: Guna tonumisayao nuwotookaidi idi tuta liliuna Tamagu guma yábana matana goi sikaaiyaka. [

Luke 17:2

Neta gurewa gagaidi sikabidi, nukotodi goi sisikoidi go, tauyadi silavedi sisou sina négwasa goi sisalili, moe adi dedevina sibabane, govila bego ame guna tonumisayao yaidi goi tayamo toosobuna sivakapusiye.

Iyoni 13:20

Ame moitamo, tauna ame alatuuwokoimi konōve: Tutayana aetunemi tomota yaidi, avatauwa neta siuyaaonemi, e yau nakae siuyaaonegu. E avatauwa neta yau siuyaaonegu, agu toetuna nakae siuuyaone.’

Guinuwa 28:2

Ago toni kasayadi kai simataogeogema dedevina toina. Nakae siuyaonema be nakae ima yeu sidimili. Idi mataogaogayana moitamo dedevina. Amo tutayana ikuwokúwana, e gogou kakámasa.

Roma 11:15

Guna nuwonúwana ame nakae: Diyuu Yaubada sikatae. Ago idi kataeyana pasina da poyapoya ikabivekovekomneidi, tauna nava tutayana Diyuu iuyaonemneidi, moe ana kaigigita tauyadi tokámasa yaidi goi sitaoyamna maa yawoidi.

Roma 14:2

Ame nakae: Tomota maniyedi idi numisa goi siyagoi itoboinedi kaga liliuna siikanidi go, tomota nenetaidiyadi awoinu kaka sikakáika.

Roma 14:21

Neta anina geya takanikani o geya tanimnim o ava kaba kapusi tuwaina sedao yaidi goi geya taguinuwedita bego sedaoyadi idi numisa goi tavakapusiyedi, e moe guinuwayadi dedevidi.

Roma 14:3

Kaga liliuna ana tokáika taabu sediyao awoinu kaka ana tokáika sikubuuyevēdi. E kidi go awoinu kaka ana tokáika nakae. Taabu sediyao kaga liliuna ana tokáika sitaakinōidi kidi toogoyoidi. Kaga unana? Kina Yaubada iuyaonedi, tauna kidi nakae itoboinedi siuyaonedi.

Roma 15:1

E kita totogaga mada tasíkwana kidi geya idi togagamo idi neneta goi tavaitedi go, adetava geya tavauyaonedeta.

Roma 15:7

Ame pasina tauna sedao kouyaonēdi nakae bogina iuyaonemi Yaubada ana taimámina manuna.

Roma 4:19

Geya tayamo tuta Eberamo ina numisa ineneta. Tauyana ana tala giyakainava tayamo andedi (100) bogina, e bogina iyagoi wowona kaamasina be nakae Sera kaagalina.

1 Korinta 9:22

Tutayana toneneta yaidi goi akaaiyaka, guna sinapu nakae neta yau aneneta bego itoboinegu atamyabidi sinumisa. Tomota madabokidi apanaitedi bego guna sinapu liliudi goi nakona maniyedi adi yava sibabane.

Pilipai 2:29

E tauna ida Tomoya taiyao pasina tauyana mami uyáwana kouyaōne go, avatauwa neta ame tauyana nakae, kowowoinēdi.

1 Tesalonáika 5:14

E kakatuliwolemi, segowo, suumoyaidi kokatusiinapūdi silítuwo, tomota nukotodi itopa kovapatuupatūdi, tomota neenetaidi kovaaitēdi be nakae tomota liliudi yaidi goi koaaramāitana.

Iberiu 5:14

Ego awoinu moe tomatuwo manudi. Amo tauyadi idi matuwo goi nuwodi poolalaina dovatusi ina sinapu bogina sigiepanaisi be itoboinedi sidovatusi dókana nako dogoi dedevina, nako goyogoyoina.

2 Iyoni 1:10

Avatauwa neta siwo yaimi go, moe vatulukwanayana geya sivatulukoneta, e tauyadi imi vada goi taabu kouyaaonēdi be nakae taabu kokaauyāgu yaidi.