Roma 13:8 - Buki Kimaasabaina

⁸ Imi rowaga woilīmi koyotūli go, imi rowaga tayamo ikaiyako vata koyotulivatāe. Rowagayana moe tomota liliudi komatakoiyēdi. Neta tamatakoiyedi, e ana masi bogina takibobosidoko.

Roma 13:8 ပူးပေါင်းရင်းမြစ်များ

Madiu 7:12

E tauna nakonakae latuwomi bego tomota siguinuwe yaimi, e komi nakae tauyadi yaidi kogimiguinūwe. Ame adi vatulúkwana adi masi.’

Iyoni 13:34

Lovina vau avinimi bego semiyao komatakooiyedi. Nakonakae bogina amatakooiyemi, komi nakae semiyao komatakooiyēdi.

Roma 13:10

Tomatakoi goyo geya iguinuweyeta siyana yaina goi. Tauna neta tomota tamatakoiyedi, Yaubada ina Katukeda takibobosidoko.

Roma 13:7

Tomota liliudi idi maisa taaemāisi. Neta moe takisi, e yaidi goi taatakīsi. Neta moe kónana ana takisi, e yaidi goi taatakīsi. Neta moe taimámina, e yaidi goi tataaimāmina. Neta wowoina, e tawowooinēdi.

Galetiya 5:14

Ame moitamo. Yaubada ina Katukeda goi lovina liliudi itoboineda talamgogoidi livala tayamo goi. Livalayana kana, ‘Siyami komataakoīye nakae toinimi komatakooiyemi.’ Vininabeso 19:18

Kolose 3:14

E moe sinapuyadi kolosidi ikavava, namlieta baige kolōsi. Matakoiyana goi taspwagogana dókana.

1 Timoti 1:5

E guna lovinayana unana, moe bego tomota simatakooiyedi. Go idi matakoiyana itoboine atedi maavadaidi goi be nuwodi geya isabutukoidita goi be nakae idi numisa dókana goi.

Yemesa 2:8

Neta tookaidi kogieomaemaedi, moe sinapu igoyo. Ida goi ivinida kana, ‘Siyami komataakoīye nakae toinimi komatakooiyemi.’ Vininabeso 19:18 Neta amo lovinayana kokiibobosi, e moe guinuwa dedevina koguuinuwe.

1 Iyoni 3:10

Ame nakae itoboineda taayagoi bego avatauwa Yaubada natunao go, avatauwa Totagíwaya natunao: Avatauwa neta guinuwa dedevidi geya sikibobosidita be nakae avatauwa neta siyadi geya simatakoiyeyeta, e tauyadi geya Yaubada ina bodao geya.