Roma 13:11 - Buki Kimaasabaina

¹¹ Nakae koguinūwe go, tuta ame tayagoi bego tuta ana toboine bogina ima, e ida masisi goi tataoya, matada silala. Bogina koyagoi. Boi mainao tanumisa, ada Toyava ina tuta aluvilamna nava toina go, maliyalina tamo tamo ikapoonapona.

Roma 13:11 ပူးပေါင်းရင်းမြစ်များ

Iyona 1:6

Tuwo kapiteni isou ima Iyonayana iwoini, idigo kana, ‘Iyaa! Kom kaga kumasisiye? Kutāoya! Kupodēda im yaubada yaina! Nakona moe yaubadayana bei inoveda, e geya tavailaita!’

Madiu 16:3

Go nobuyana neta gaota isabenínima, e bou itaoya, komi kami, “Ame bei kelavagoyo.” E yábana ana kaigigita itoboinemi kodovatusidi bei ana yagoina koyagoi go, kaga kaga sisowóduwo tuta ame goi Yaubada iguuinuwedi adi kaigigita geya itoboinemita kodovatusidi bei adi yagoina koyagoidi!

Luke 21:28

E tutayana moe dogoiyadi nakae bei sisowóduwo, koyagoi giyakainava Yaubada bei italigeimi, tauna mami lotuta be mami katepatu kotaoya dōkana.’

1 Korinta 10:11

E amo dogoiyadi siisowóduwo tubudao yaidi goi moe kita ida kaba gita. E tetalayadi Mosese iginidi bego kita tuta ana kaba lukavava goi takaaiyaka ikatumatalida ida sinapu manuna.

1 Korinta 15:34

Matami ilāla be konuwonuwana dōkana, e imi goyo goi tuwo, kosayāta. Maniyedi yaimi goi kotaiyaakekedi go, tauyadi Yaubada sitamogemogeye. Moe alatuwokoimi bego agieomaemaemi.

Epeso 5:14

Moe moitamo. Mavada kaga liliuna ikaiwoduwedi. Tauna tonumisa sidigo kadi, ‘Tomasisi e! Im masisi goi kutāoya! Nakae tokámasa yaidi goi kutaoyāmna go, itapasigim.’

Yemesa 5:8

Komi nakae. Ida Tomoya giyakainava bei ikaluvilamna ima, tauna kootogāga be imi numisa goi kokaatepātu.

1 Pita 4:7

E dogoi liliudi idi tuta ana kaba lukavava bogina ikaponapona. Tauna imi sinapu be imi nuwonúwana kokabikuunuīdi, e bei itoboinemi kokawanoi dókana Yaubada yaina.

2 Pita 3:11

Amo dogoiyadi madabokidi Yaubada bei imtulidi amo nakae, tauna kita ava sinapu itoboineda? Ame nakae: Itoboineda ida sinapu kimaasabaina nakae yábana sinapuna goi taaketoiya

2 Pita 3:9

Tauyana geya ivamumugoneta bego ina katótula iguinuwe nakae tomota sinuwonúwana vamumúgana manuna, go sem kita yaida goi imeesayágana. Geya latuwona tomota tayamo ivailai, go sem latuwona tomota liliudi situgavila.

1 Iyoni 2:18

Natugowo, ame bogina poyapoya ana tuta ana kaba lukavava. Boi konove bego Guyau ana kaleya imamaima go, ame tuta Guyau ana kaleyayao badabadaidi bogina siisowóduwo. Moeko goi taayagoi ame poyapoya ana tuta ana kaba lukavava.

Nuwogau 1:3

Buki ame ina livala Yaubada goi sima. Tuwo ana tokatuyaivayao be nakae ana totaiyakekayao neta ina livala sikabikaaonedi, e adi dedevina bei sibabane. Moitamo. Tuta ikaponapona dogoiyadi buki ame goi bei sisowóduwo, tauna livalayana konōve be kokabiikaōne.

Nuwogau 22:10

Tuwaina kana, ‘Taabu buki ame ana talavaitayadi kuuvamōudi. Moitamo. Giyakainava bei sisowóduwo.

Nuwogau 22:12

Yeisu idigo kana, ‘Konovēgu! Giyakainava bei ao ami katumapu avedi akaiguyauyedi yaimi nakae imi guinuwa adi kakainaki.

Nuwogau 22:20

Moe livalayadi adi totalavaita idigo kana, ‘Moitamo! Giyakainava bei ao!’ E nakae! Tomoya Yeisu, kūma!