Roma 13:10 - Buki Kimaasabaina

¹⁰ Tomatakoi goyo geya iguinuweyeta siyana yaina goi. Tauna neta tomota tamatakoiyedi, Yaubada ina Katukeda takibobosidoko.

Roma 13:10 ပူးပေါင်းရင်းမြစ်များ

Madiu 7:12

E tauna nakonakae latuwomi bego tomota siguinuwe yaimi, e komi nakae tauyadi yaidi kogimiguinūwe. Ame adi vatulúkwana adi masi.’

Iyoni 13:34

Lovina vau avinimi bego semiyao komatakooiyedi. Nakonakae bogina amatakooiyemi, komi nakae semiyao komatakooiyēdi.

Roma 13:8

Imi rowaga woilīmi koyotūli go, imi rowaga tayamo ikaiyako vata koyotulivatāe. Rowagayana moe tomota liliudi komatakoiyēdi. Neta tamatakoiyedi, e ana masi bogina takibobosidoko.

Galetiya 5:14

Ame moitamo. Yaubada ina Katukeda goi lovina liliudi itoboineda talamgogoidi livala tayamo goi. Livalayana kana, ‘Siyami komataakoīye nakae toinimi komatakooiyemi.’ Vininabeso 19:18

Yemesa 2:8

Neta tookaidi kogieomaemaedi, moe sinapu igoyo. Ida goi ivinida kana, ‘Siyami komataakoīye nakae toinimi komatakooiyemi.’ Vininabeso 19:18 Neta amo lovinayana kokiibobosi, e moe guinuwa dedevina koguuinuwe.