Roma 12:6 - Buki Kimaasabaina

⁶ E mada kaiguyau ituli ituli nakae Yaubada ina kanuwóiya bogina ivinida. Neta ida kaiguyau moe Yaubada ina livala takabivalevale, takabivalavāla nakae ida numisa ana kakainaki goi.

Roma 12:6 ပူးပေါင်းရင်းမြစ်များ

Madiu 23:34

Ame pasina tauna tokabivalavala be tonanamsa be nakae Yaubada ina Katukeda ana tovatulukwanayao mooitamoidi bei aetunedi siwo yaimi. Maniyedi bei kokaumatedi, maniyedi bei kerose goi kotupatukoidi go, maniyedi imi kaba tugúguna goi bei kodabidi. Ago maniyedi asa tamo tamo goi sikaaiyako bei koyogedegededi.

Madiu 25:22

E pakoninayana aiyuwoina boi mani aiyuwo tausani (2,000) iikabidi ibala ima idigo kana, “Tomoya, boi mani aiyuwo tausani (2,000) kuvinigu go, kugīte, avaituwedi. Guna vaituwoyana moe aiyuwo tausani (2,000) tuwaina.”

Luke 11:49

Ame pasina tauna boi nimatu Yaubada mana nanamsa gagaina komi manumi idigo kana, “Guna tokabivalavala be guna aetunedi siwo yaimi. Maniyedi bei kokaumatedi go, maniyedi bei koyogedegededi.”

Guinuwa 13:1

Ego Tomoya ana totugugunayao yaidi Antiyoki goi ina bodao sikabi, siuyabebe, tauna Manaeni be Erodi vada tayamo goi taiyao sibíbina. Ame tauyadi adi tainima moe tokabivalavala be nakae tovatulúkwana.

Guinuwa 15:32

E kidi go Yudasa be Sailasi adi taiyuwo nakae Yaubada ina tokabivalavalayao. Tauna tauyadi idi livala maanawena goi tonumisayao atedi sivapatupatudi be nakae sikitogagedi.

Guinuwa 2:17

“Yaubada idigo kana, ‘Nava bei tuta ana kaba lukavava goi Balomaigu asiwoi isou ina tomota liliudi yaidi goi ikaaiyaka. Tuwo natumiyao koroto be vevina guna livala bei sikabivalevale. Imi tubuwauyao bei go, imi tomoyamoyayao bei sikanamimi.

Guinuwa 21:9

Ego Pilipo ma natunao wowoiyai adi taivasi. Tauyadi Yaubada ina ; tuta liliuna ina nuwonúwana sitaalavaite.

Roma 1:11

Akatukuwonemi bei agitemi bego Baloma Kimaasabaina ina yabobona akaiguyauye yaimi, bei akitogagemi.

Roma 12:3

Guna nuwonúwana ataligei. Yaubada ina kanuwóiya boi iivinigu, tauna liliumi alatuwokoimi taabu toinimi kokilaagasīmi imi kaiguyau manudi, go sem ma nuukotomi konuwonuwana dōkana manudi ame nakae: Aiguyauyadi Yaubada ivinimi nakae imi numisa ana kakainaki goi.

1 Korinta 12:18

Go woi Yaubada wowoda imadagidi, e talainao tamo tamo wowoda goi iyatoidi nakae latuwona.

1 Korinta 13:2

Nakona yau Yaubada ina tayamo. O nakona nuwonúwana nikuunikudi be nanamsa madabokidi ayagoidi. O nakona guna numisa gagaina, nakae itoboinegu koya alovinaedi bego sina masigava. Go neta matakoi ategu goi geya, e yau geya basabasaigumo.

1 Korinta 14:1

Kopoisōgana bei tomota komatakoiyedi. E Yaubada Balomaina ina kaiguyau koyaledokōidi go, gagaina toina koyāla bego imi kaiguyau moe itoboinemi Yaubada ina nuwonúwana kokabivalevale.

1 Korinta 14:24

Ego neta madabokidakova Yaubada ina livala takabivaalevale go, kidi geya sinumiseta sisiu o nakona kidi geya adi kaiguyaumo sisiu, e ida livalayana sinove, idi goyo takamamaetalidi bei siyagoi Yaubada itakinoidi.

1 Korinta 14:29

E kidi go Yaubada ana tokabivalavala adi taiyuwo o adi taito kotagonēdi sikabivalavala. Ikavava, idi bobwarayadi boda sidovatusīdi.

1 Korinta 3:5

E imi tavilei pasina kobágala. Moe nakae kobóbwara go, yau kagu, ‘Apolosi be yau kokilaagasima go, Apolosi avatau? Yau avatau?’ Kai tovaita tauna, e ima talavaita goi konumisa. Ama taiyuwokova ida Tomoya ikawoima bei kapaisewa go, ima paisewayadi to kaguinuwedimo.

1 Korinta 7:7

E latuwogu bego tomota liliudi geya sinaita yau nakae go, ayagoi madabokimi geya itoboinemita yau nakae, go sem tomota tamo tamo adi kaiguyau Yaubada iivinidi ituli ituli, maniyedi sinai, maniyedi geya sinaita.

2 Korinta 8:12

Kaga neta ada toboine goi tavininabeso, neta mada katetagona tavininabeso, Yaubada bei iuyaone. Tauna Tauyana latuwona nakonakae yoiyada, e moe tavinibeso.

Epeso 3:5

Nuwogauyana boi ituli ta malamalágata adi tuta goi Yaubada geya ikaiwoduweyeta tauyadi yaidi go, ame tuta kimaasabaidi yaima.

Epeso 4:11

Kina ina kaiguyauyadi tomota iivinidi ame nakae: Tomota maniyedi moe Yeisu ina ana totalavaitayao, e maniyedi ina tomatakavatayao o ina tovatulukwanayao nakae.

Pilipai 3:15

Tauna liliuda yaida avatauwa neta bogina numisa goi tamatuwo, ame guna nuwonuwanayana nuwoda goi tayoisiikavāte. Ego avatauwa komi neta ituli ta nuwonúwana nuwomi goi koyoisiikavate, e Yaubada nakae bei nuwonúwana mooitamoina ikaiwoduwe yaimi.

1 Tesalonáika 5:20

o tadigo kada, ‘Balomayana ina livala tonumisa yaidi goi taabu kokaataēdi.’

2 Pita 1:20

Ame koyagoidōko: Tutayana tokabivalavala ina livala goi takatuyaivi, geya vatau tayaamo itoboine toinina ina nuwonúwana goi italigei.