Roma 12:13 - Buki Kimaasabaina

¹³ Kaga neta Yaubada ina kimasabayao sikiseeyeseye kovaitēdi. Mami poisógana komataogaōga.

Roma 12:13 ပူးပေါင်းရင်းမြစ်များ

Madiu 25:35

Ame moitamo. Boi loga akámasa go, kovakanigu. Maegu iyápasa go, kovanimgu. Yau ogaoga go, kouyaonegu.

Guinuwa 10:4

E tauyana mana matoita gagaina ipotapota kana, ‘Tomoya, manakae?’ E aneroseyana idigo kana, ‘Im kawanoi Yaubada bogina inove be nakae im vaita tookaidi yaidi bogina igitedi, e iuyaonem. Moe guinuwayadi moe im vininabeso Yaubada yaina nakae, tauna inuwaisim.

Guinuwa 4:35

Yeisu ina vamoleyanayaoyadi sivinidi. Sivinidi go, tauyadi sikabidi, e avatauwa neta madi kaiyakomou, yaidi goi sikaiguyauyedi.

Roma 12:8

Neta ida kaiguyau moe kipáiwala, e takipāiwala. Neta ida kaiguyau moe nimalovalova, tanimalovalōva. Neta kita tovakumgo, mada poisógana taavakūmgo. Neta ida kaiguyau moe nuwokapisi, mada uyáwana tanuwokapīsi.

1 Korinta 16:15

E Stepana mana bodayauwo bogina koyagoidi bego tauyadi ana togiminumisayao Akeya goi go, bogina toinidi sikasaledi kita Yaubada ina kimasabayao yaida goi bego sivaiteda. E tauna akatuliwolemi

2 Korinta 9:1

Guna nuwonuwanayana tuwaina ataligei. Imi vaita Yaubada ina kimasabayao Yerusalema goi manudi geya kada kaga tuwaina itoboinegu alatuwokoimi geya, unana bogina koyagoi.

2 Korinta 9:12

Moe imi vininabesoyana Yaubada ina kimasabayao idi kaiyakomou ikalavaitedi go, geya kada vaita kaka geya, go sem imi vininabesoyana pasina Yaubada ana kauyagu gagaina ibabane.

Galetiya 6:10

E tauna neta ava tuta itoboineda, e guinuwa dedevidi taguinuwēdi tomota liliudi yaidi goi go, gagaina taguinūwe kidi ina bodayauwo yaidi goi.

1 Timoti 3:2

Tauna tauyana yawoina itoboine ame nakae: Ina sinapu goi geya ana pikwanamo. Nakae neta inai, monena anetava iyaledoko. Ina nuwonúwana be nakae ina sinapu ikabikunuidi, ina sinapu goi mana wowoina, tomataogaoga be nakae itoboine ivatulukwana dókana.

Taito 1:8

Go sem tauyadi simataaogaōga, ava sinapuva dedevidi nuwodi ikabīdi, idi sinapu sikabikunuīdi, kiboobosidi, kaasalaidi Yaubada yaina, idi yalagau sikabikunūi.

Taito 3:14

E ida bodao madabokidi kuvatulukōidi madi salau guinuwa dedevidi siguuinuwedi bei tokaiyakomou sivaaitedi, govila bei ida bodaoyadi yawoidi geya basabasaidimo.

Pilemoni 1:7

Siyagu, guna kawanoi itoboine unana im pasina uyáwana gagaina be nakae atepatu gagaina alootowoidi. Im matakoiyana goi Yaubada ina kimasabayao yawoidi bogina kulisidi. Tauna guna kawanoi goi anuwokaavatem.

Iberiu 13:16

E guinuwa dedevidi be yabobona taabu konuwooilavēdi bego koguuinuwedi. Moe vininabesoyadi Yaubada iuyaonedi.

Iberiu 13:2

Taabu mataogaoga konuwooilāve. Amo sinapuyana goi tomataogaoga maniyedi geya siyagoiyeta go, moe nakona simataogeogedi.

Iberiu 6:10

Ame moitamo. Yaubada Totakinona vavasa, tauna imi paisewa be nakae imi Tauyana yaina goi geya inuwoilavedita. Matakoiyana bogina kovagitakoe tutayana Yaubada ina kimasabayao boi kovaaitedi be nakae ame tuta nava kovaaitedi.

1 Pita 4:9

Semiyao ogaoga imi vada goi kouyaaonēdi go, taabu kokuuluīdi.

1 Iyoni 3:17

E avatau neta maa konana go, siyana igite tayamo kónana ikiseyeseye go, neta tauyana maa konana ikubuyeve, manakae? Yaubada ina matakoi atena goi ikaaiyaka gea geya? Geya!

3 Iyoni 1:5

Guna kalo, boi sedao toliwola asa tamo tamo goi sivanibiníbita, e tutayana siwowoiwo, kom geya kuyagoidita go, tuwo kuvaaitedi. Moe im guinuwayana goi kom nakae Yeisu kusabokuliyedoko.