Roma 12:11 - Buki Kimaasabaina

¹¹ Imi poisógana goi taabu kootamēya. , e nakae kopaaisēwa Tauyana umana.

Roma 12:11 ပူးပေါင်းရင်းမြစ်များ

Tateta 5:17

Go kina Peroyana ipodeda idigo kana, ‘Komi suumoyaimi! Moitamo toina komi suumoyaimi! Moe pasina boi kami, “Kutagonēma kana ima yoguyoguyao kagabudi kakasaledi Yauwe yaina.”

Madiu 24:12

Boda badabadaidi idi bei isáwala unana apipilova isáila.

Madiu 25:26

Go ina tomoyayana idigo kana, “Kom guna pákwana goyogoyoim be suumoyaim! Kom bogina kuyagoigu bego ituli ta koroto ibágula go, ina dibayoya yau akabi. Tauna ituli ta tomota idi paisewa goi guna esaesa ababane.

Guinuwa 18:25

Ame tauyana Tomoya ina yava ana kenao ina vatulúkwana bogina inove be nakae ikabi. Tauna mana salau kaga iiyagoi Yeisu manuna moe ivatulukwana dókana. Go Yeisu valena madabokina geya iyagoiyeta, go sem ina sayóyova tauna iyagoi.

Guinuwa 20:19

Yau ida Tomoya ina magu nuwotokai be magu táiya be nakae magu mou akabiikaone. Mouyadi unana kidi Diyuu silosinapuyegu, e mouyadi sivinigu.

1 Korinta 7:22

Moitamo. Avatau neta paakonina tutayana ida Tomoya iduduwe, e tauyana bogina taliigavina Yeisu goi. E nakae avatau taliigavina tutayana ida Tomoya iduduwe, e tauyana ina pákwana.

Epeso 4:28

Tovaináwana geya tuwaina sivaināwana, go sem sipoisōgana, e toinidi nimadi goi paisewa dedevidi siguinuwēdi bego adi vaituwo goi itoboinedi tookaidi sivaitedi.

Kolose 4:1

Komi tomoyamoya, mami takínona mooitamoina be kivaavasaina imi komatakaavatēdi Yaubada matana goi. Konuwāisi bego komi nakae mami Tomoya yábana goi.

1 Timoti 5:13

E tuwaina kobuyayadi tabe sisumoya; nakae sinonoina vada tamo tamo goi situgadogadówana go! Ago kidi sumoya kaka geya, go sem silivalasavisavi be tomota sibooboredi be nakae sikibodaboda. Ago kaga kaga sibooboredi, Yaubada ina bodao geya itoboinedita.

Iberiu 12:28

E tauna goi tasiusiu geya iikuneta, go sem ikaiyako vata. Tauna takauyāgu Yaubada yaina go, ida kauyaguyana goi mada wowoina be mada matoita tataimámina Yaubada yaina nakae bei iuyaone.

Yemesa 5:16

Tauna imi goyo koetalatalavaaitēdi go, kokaawanōi Yaubada yaina manumi, e bei kodedevina. Avatau neta tokibóbwata Yaubada matana goi, e ina kawanoi itogaga toina be nakae ipaisewa dókana.

1 Pita 1:22

Yawoimi bogina kokimasabedi imi kabikáwana Yaubada ana yaina goi bego itoboinemi matakoi mooitamoina goi semiyao nuumisaidi komatakooiyedi. Tauna tuta liliuna atemi maavadaina goi semiyaoyadi komatakooiyēdi

1 Pita 4:8

Dogoi gagaina ame nakae: pasina tomota idi goyo badabadaidi geya tanuwokavatedita, tauna mami salau semiyao tamo tamo komatakooiyēdi.

Nuwogau 2:4

Go geya kada imi sinapu madabokina dedevina yaimi geya, go sem tayamo imi sinapu akatae. Sinapuyana moe imi gimimatakoi bogina kokalave.