Roma 10:16 - Buki Kimaasabaina

¹⁶ Valayana tomota liliudi sinove go, maniyedi geya sikabikaoneyeta. Moe nakae Aiseya ina livala. Tauyana idigo kana, ‘Yauwe, Geya vatau tayaamo talavaita ina pakonayana manuna kanove bei inumise.’ Aiseya 53:1

Roma 10:16 ပူးပေါင်းရင်းမြစ်များ

Madiu 13:14

Kidi goi Aiseya ina talavaita imalatomotamna. Tauyana idigo kana, “Bei kotaiiyakeka go, geya koyagoiyeta. Bei kogitagita go, geya kogitadokoneta.

Iyoni 10:26

Go komi geya yau guna sipiyao geya, tauna geya konumiseguta.

Guinuwa 28:24

Go ina bóbwara goi maniyedi itamyabidi sinumisa go, maniyedi geya sinumiseta.

Roma 1:5

Yeisuyana goi anuwóiya kababane o tadigo kada, ‘Ikawoima, e kai ina vamoleyanayao’ bego Tauyana yoina manuna kana liliudi yaidi Vala Dedevina katalavaite, e madi numisa sikabikaone.

Roma 11:17

E alovayana toina moe Isileli tubunao nakae go, laonina maniyedi Yaubada ikiguyalidi ikalavedi. Ago komi Totuyoyowo nuumisaimi oribe alovaina woiwoi laonina nakae ikabimi, e Yaubada ina kalovayana goi isavimi, tuwo komi nakae itoboinemi lamna bwaena dedevina toina konim.

Roma 16:26

Go Valayana ame tuta bogina ikaiwoduwe, e Yaubada Tokaiyako vata ina lovina goi go, idi gínina goi katalavaite Totuyoyowo liliudi yaidi bego madi numisa sikabikaone.

Roma 2:8

Go avatauwa neta aditava idi yala manudi sipoisógana be nakae Yaubada ana sikapipilave go, kaga neta Yaubada iikatae moe sisabookuliye, e tauyadi yaidi goi Yaubada ina egamogamogu gagaina bei ikaiwoduwe

Roma 3:3

Go tubudaoyadi maniyedi geya sikapipilave. Moe manuna manakaeda tanuwonúwana? Kada, ‘Diyuu maniyedi adi kawoiyana goi geya aba numisa geya, tauna Yaubada nakae geya aba numisa geya’?

Roma 6:17

E komi boi goyo ina pakonayao go, ame tuta ituli. Ima vatulúkwana konove go, vatulukwanayana Yaubada nuwomi goi itapate ikaidamanemi vatulúkwana ana tapata ana lovina goi, e nuwomi madabokina goi kokabikaone, e ikaigavilemi. E moe manuna Yaubada yaina akauyagu.

Galetiya 3:1

Iyaa! Komi da Galetiya yaaluwoimi! Ami kaigigita nakona tomota tayamo ibolatemi, e nuwomi ikiwowonidi! Kaga unana tovatulukwana polapola koonovedi? Boi ina kámasa kerose goi ana yagoina bogina ataligeidoko yaimi, e bogina koyagoidoko ina kámasa goi manakaena ivaiteda.

Galetiya 5:7

Numisa ana kenao vavalákuna nakae. Boi mainao vavalakunayana goi kolokooina dókana. Go avatau ilokoinabodebodemi, tauna mooitamoina geya kokabikaoneyeta?

2 Tesalonáika 1:8

yeu sabeninimina ikalinibisidi go, sisou simamaima. E ina sowoduwoyana goi avatauwa neta Yaubada geya siyagoiyeta be nakae ida Tomoya Yeisu Valena Dedevina geya sikabikaoneyeta, bei ikatumapudi.

Iberiu 11:8

Eberamo ina numisa goi Yaubada ina duduwo ikabikaone, tuwo ina kasa ikalave go, ina asa tayamo goi. Asayana giyakainava bei ikabi ina kaba lovina. Tuwo toinina ina kasa ikalave go, geya iyagoiyeta nako inonoina.

Iberiu 4:2

Ida matoitayana itoboine. Amo tokapipilovayadi ina waiwasi manuna bogina tanove go, neta geya tanumisedokoeta, kita tauyadi nakae, geya ivaitedeta.

Iberiu 5:9

Tuwo tutayana Yaubada ikimatuwe, Tauyana kita ana tokabikawanayao liliuda ada yava vata unana.

1 Pita 1:22

Yawoimi bogina kokimasabedi imi kabikáwana Yaubada ana yaina goi bego itoboinemi matakoi mooitamoina goi semiyao nuumisaidi komatakooiyedi. Tauna tuta liliuna atemi maavadaina goi semiyaoyadi komatakooiyēdi

1 Pita 2:8

Aiyuwoina kana, ‘Gurewayana aba sapákwana nakae aba satupe.’ Aiseya 8:14 Tauyadi isaapakoidi unana Yaubada ina livala sikapiipilave. Tauyana igimilovina bego idi kapipilova pasina gurewayana bei isapakoidi.

1 Pita 3:1

Komi vevina nakae. Kokatetaagonēmi toinimi monemiyao yaidi goi bego monemiyaoyadi nakona ame tuta Yaubada ina livala geya sikabikaoneyeta go, neta kotugaumo, bei imi guinuwa dedevidi kaka goi itoboinemi nuwodi kokobaledi sinumisa.