Roma 1:8 - Buki Kimaasabaina

⁸ Mainao Yeisu ina guinuwa goi madabokimi manumi akauyagu ida Yaubada yaina. Guna kauyaguyana unana imi numisa valena inúnuwo ina poyapoya ame ana madabokina goi.

Roma 1:8 ပူးပေါင်းရင်းမြစ်များ

Madiu 24:14

Ago guna tonumisayao bei sina poyapoya ana madabokina goi sitalavaita liliudi sinove. Amo tutayana goi tuta ana kaba lukavava bei ima.

Luke 2:1

E tuta amo goi sinaena adi katuyáiva siguinuwe idi takisi manuna.

Guinuwa 11:28

E tokabivalavalayadi yaidi goi tayamo yoina Agabo. Tauyana itaoya, Baloma Kimaasabaina goi itaalavaita idigo kana, ‘Loga gagaina moitamo ina kaba lovina madabokina goi bei isowóduwo.’ Ame logayana isowóduwo Sisa Kiladiyasi ina lovina ana tuta sinaena.

Guinuwa 28:22

Go kai latuwoma ina bodao taviileidi manudi im nuwonúwana kutalavaite, kanove. Valedi bogina kanove bego asa liliudi goi tomota sikaogoyoedi’, tauyadi kaedi.

Roma 10:18

Nakona maniyedi sitamogemoge unana Valayana geya sinoveyeta. Go manakae? Yau abobóbwara bego kidi Isileli tubunao Valayana geya sinoveyeta? Geya! Moitamo, bogina sinove. Same goi nakae igini kana, ‘Idi talavaita ina poyapoya ame ana madabokina goi tomota sinove. O tadigo kada, “Idi livala bogina inúnuwo ina asa liliuudi goi.”’ Same 19:4

Roma 16:19

Moitamo. Imi kabikáwana valena bogina inúnuwo, e tomota liliudi sinove, tauna komi pasimi auyáwana. E latuwogu komi mami nanamsa dogoi dedevidi manudi koguinuwedokoidi go, goyo ana dadava latuwogu komi imi sinapu maavadaidi.

Roma 6:17

E komi boi goyo ina pakonayao go, ame tuta ituli. Ima vatulúkwana konove go, vatulukwanayana Yaubada nuwomi goi itapate ikaidamanemi vatulúkwana ana tapata ana lovina goi, e nuwomi madabokina goi kokabikaone, e ikaigavilemi. E moe manuna Yaubada yaina akauyagu.

1 Korinta 1:4

Komi manumi akaauyagu Yaubada yaina tuta liliuna ina kanuwóiya liliudi Yeisu goi bogina ivinimi pasidi.

2 Korinta 2:14

Go Yaubada yaina takauyagu unana tuta liliuna Tauyana yaviya ina tokalikumatana nakae ida nakae go, kai ima talavaita goi Yaubada ikaiwoduwe dadava liliudi bego tomota itoboinedi sisamkone, e bei Tauyana siiyagoi.

Epeso 1:15

Amo Yaubada ina guinuwayadi pasidi tutayana vala agiminove imi numisa imi spwagógana ida Tomoya Yeisu taiyao manuna be nakae imi kidi Yaubada ina kimasabayao liliudi yaidi manuna go, ima ame tuta, e yau nakae

Epeso 1:16

tuta liliuna guna kawanoi Yaubada yaina goi anuwaisimi be manumi akaauyagu.

Epeso 3:21

Tauna bei ina togaga ana káeyana ivagitakoe ana yapali manuna kita ana totugugunayao yaida be nakae Yeisu yaina ame tuta be nakae tuta simamaima! E nakae!

Epeso 5:20

Aiyuwoina tuta liliuna kaga liliuna manudi ida Tomoya yoina goi kokaauyāgu Yaubada Tamada yaina.

Pilipai 1:11

Ame nakae: Latuwogu bego kibóbwata keuwoina ivakayaodeimi; keuwoinayadi Yeisu Guyau ina togaga goi isowóduwo Yaubada ana taimámina be ana wowoina manudi!

Pilipai 1:3

Tuta tamo tamo akaawanoi Yaubada yaina, madabokimi manumi akaawanoi go, guna kawanoiyadi liliudi goi akaauyagu guna Yaubada yaina unana tuta liliuna konuwaaisigu. Ago guna kawanoiyadi moe magu uyáwana.

Kolose 1:3

Tuta liliuna Yaubada, Tauyana ida Tomoya Yeisu Tamana, yaina kakaauyagu tutayana komi manumi kakaawanoi.

1 Tesalonáika 1:2

Tuta liliuna Yaubada yaina kakaauyagu komi madabokimi manumi. Ima kawanoi Yaubada yaina goi kanuwaaisimi. Tuta liliuna

1 Tesalonáika 2:13

Aiyuwoina kai kakaauyagu Yaubada yaina goi tuta liliuna unana ame: Bego tutayana Tauyana ina livala boi yaimi goi kataalavaite konove go, kouyaone geya kada tomota ina livala geya, go sem livalayana kokamoitamoe bego moe Yaubada ina livala mooitamoina. Livalayana nakae komi tonumisa yaimi goi bogina ipaaisewa.

2 Tesalonáika 1:3

Semao, itoboinema tuta liliuna kakaauyagu Yaubada yaina goi komi manumi. Ima kauyaguyana itoboine unana imi numisa nava ibibíbina nakae imi sedao yaidi goi kovaaituwe.

2 Timoti 1:3

Nuwogu geya isabutukoeta tutayana ataaimámina Yaubada yaina nakae boi nimatu tubugowo sitaaimámina. Ame Yaubadayana yaina akaauyagu tutayana sabamgo be maliyalina guna kawanoi goi anuwokaavatem.

Pilemoni 1:4

Livala bogina anove Yaubada ina kimasabayao madabokidi kumatakooiyedi be nakae ida Tomoya Yeisu nava kuunumise, tauna guna kawanoi goi anuwokaavatem go, tuta liliuna akaauyagu guna Yaubada yaina kom manum.

Iberiu 13:15

Tauna Yeisuyana goi tuta liliuna ida vininabeso, moe ida yapali, takasāle Yaubada yaina. Moe ida livala keuwoidi tutayana tomota matadi goi takauyagu Tauyana yaina.

1 Pita 2:5

komi gurewa maa yawoimi nakae Yaubada ivapopoimi be ina vada imadagi go, vadayana goi Balomaina ikaaiyaka. Ago vadayana sinaena komi Yaubada ina tonuwalayao kimaasabaimi Tauyana umana bego Yeisu goi kokaasaledi Yaubada yaina, e iuyaonedi.

1 Pita 4:11

Ame nakae: Avatauwa kita neta ida kaiguyau moe talavaita, tatalavaita nakae neta Yaubada ina livala tatalavaite. Avatauwa kita neta ida kaiguyau moe vaita, Yaubada ina togaga goi tavāita. Moe bego ida guinuwa liliudi Yeisu ame tuta be nakae tuta simamaima! E nakae!