Roma 1:23 - Buki Kimaasabaina

²³ Yaubada aiyako vaatayaina ina togaga ana káeyana sikalave go, toinidi idi nuwonúwana goi idi yaubadayao adi tapata kaavavaidi tokwalu nakae siwodugudi, e yaidi goi sisaakululu. Tokwaluyadi moe tomota maisiyadi, mánuwo maisiyadi, yoguyogu maisiyadi be kaga daladalaidi maisiyadi.

Roma 1:23 ပူးပေါင်းရင်းမြစ်များ

Guinuwa 10:12

Arekoyana yatana goi yoguyogu, bolitavanu be woiwoi ituli ituli, be moteta ituli ituli be nakae mánuwo ituli ituli sikaaiyaka, maniyedi vaatabudi, maniyedi taagonaidi.

Guinuwa 17:29

Kita moitamo Tauyana natunao, tauna geya itoboineyeta tanuwonúwana kada, “Yaubada moe o gurewa maisiyana.” Moe nakae geya. Dogoiyadi geya yawoidimo tokwalu nakae go, tokwaluyadi tomota idi kabitam goi be idi nuwonúwana goi simadagidi. Tauna Tauyana geya goura o siriba o gurewa maisiyana geya.

Roma 1:25

Ago Yaubada ana Nanamsa Mooitamoina sikalave go, pola goi sikaimapu. Tuwo Tomadágina yaina goi geya, go sem ina madágina yaidi goi sisaakululu be nakae sitaaimámina! Tomadaginayana aba yapali vata! E nakae!

1 Korinta 12:2

Bogina koyagoi bego tutayana komi boi nava yaubada polapola yaidi kosaakululu, Kaleya ivaakedemi go, moe ivasulaigimi tokwalu geya yawoidimo yaidi kosaakululu.

1 Pita 4:3

Moitamo moe itoboinemi. Komi tuta maanawena bogina idi sinapu goyogoyoidi koguuinuwedi go, ame tutayana moe sinapuyadi bogina tuwo, sikavava. Sinapuyadi moe sakava ana vikaiya owáowana, yalagau goyogoyoidi, bwae toogagaina ana nim ginagina yaluwo, uyawana owáowana, masisi goyogoyoina owáowana pati sinaena goi be yaubada polapola ana sakululu. Moe sakululuyana Yaubada ikalagiwole.

Nuwogau 9:20

Kidi go boda aiyuwoyadi kesakesaidi aba kaumata amo goi geya sikamaseta, e toinidi nimadi ina guinuwa manuna geya situgavileta o tadigo kada, ‘Yaubada polapola siwoodugudi adi sakululu geya sikalaveyeta.’ Go dogoiyadi goi, kopa goi, gurewa goi be nakae alova goi siwodugudi go, dogoiyadi geya sigitagita, geya sinowonowo, geya siiketoiya.