Roma 1:21 - Buki Kimaasabaina

²¹ Unana siyagoi Yaubada ikaaiyaka go, tuwo ina togaga ana geya sikamoitamoeyeta nakae itoboinedi. Nakae yaina geya sikauyaguta, go sem idi nuwogau goi tauyadi geya basabasaidimo be nuwodi yaaluwoidi bogina sikamamaníwana. Tauna geya itoboinedita sivakibala idi kapipilova manudi.

Roma 1:21 ပူးပေါင်းရင်းမြစ်များ

Aba Vatowo 6:5

E Yauwe ikandosobu tomota idi goyo igitedi sivakaigaga be nakae tuta liliuna idi nuwogau liliudi nuwodi goi sigoyo.

Aba Vatowo 8:21

E yoguyogu aiigabudi mainidi dedevina ituko ina Yauwe yaina, e maininayana inove dedevina toina, ivauyaone go, toinina inuwonúwana kana, ‘Tomota idi yalagau nuwodi goi sigoyo adi bíbina kunu goi go, tuwo tomotayadi idi guinuwa pasidi geya tuwaina bei poyapoya abugoyai. Nakae geya tuwaina bei kaga liliuna maa yawoidi amtulidi nakae ame bogina aguinuwe.

Iyoni 3:19

E takinonayana unana ame: Mavadayana bogina ima poyapoya ame goi go, tomota nuwodi geya ikabiyeta, go sem mamaníwana nuwodi ikabi. Idi nuwokabiyana moe idi guinuwa goyogoyoidi pasidi.

Guinuwa 26:18

Kutalavaitegu, e bei mamaníwana situgavile go, mavada simeko. Aiyuwoina Kaleya ina lovina sikalave go, Yaubada simeko. Moeko idi goyo adi nuwotao bei sibabane go, Yaubada ina bodao sisiukoidi, moe idi numisa yau yaigu goi Yaubada ikimasabedi kina ina bodao”, Tomoyayana kaena.

Roma 1:19

Yaubada ina egamogamoguyana ikaiwoduwe unana kaga neta itoboineda tayagoi Yaubada manuna bogina imavada tauyadi yaidi goi unana Tauyana bogina ikaiwoduwe yaidi, tauna bogina siyagoi.

Roma 1:28

Kidi Yaubada sidovatusi go, silovina bego Tauyana ana nanamsa moe geya basabasainamo yawoidi manudi, tuwo sikatae, e tauna nakae Tauyana itagonedi toinidi nuwodi goyogoyoidi yaidi goi be kaga geya itoboineyeta yaidi, e tuwo siguuinuwedi.

Roma 11:10

Nuwodi kukiwowonīdi, bei geya itoboinedita siyagoi. Go kukiwowonīdi.’ Same 69:22-23

Roma 15:9

be nakae Yaubada ina togaga ana káeyana sikamoitamoe ina nuwokapisi manuna. Moe nakae Gínina Kimaasabaina ame bogina idige kana, ‘Moe pasina Totuyoyowo yaidi goi bei akamoitaamoem be magu vesi yoim akilagasi!’ Same 18:49

2 Timoti 3:2

Moitamo. Amo tutayana tomota idi sinapu bei ame nakae: Toinidi simatakooiyedi, esaesa silokonako, gaagasidi, nuwaatuedi, digopopooisidi, tamadiyao be sinadiyao sikapipilavedi, geya idi kauyagumo, kaga liliuna kimaasabaina Yaubada yaina sikibaibailidi,

1 Pita 1:18

Moe nakae itoboine unana bogina kooyagoi bego boi yawoimi ana kenao geya basabasainamo tubudao goi ima, e kenaoyana yaina goi Yaubada itateteda. Go geya kada esaesa nakae o goura kaavavaidi goi itateteda geya,

1 Pita 2:9

E komi sem Yaubada ina boda kiinavaimi; komi ina tonuwalayao mami lovina be boda kimaasabaimi Tauyana umana; komi Yaubada toinina ina , e bei itoboinemi Tauyana ina guinuwa kaausaraidi kotalavaitedi. Boi komi mamaníwana goi kokaaiyaka go, iduduwemi koma ina mavada kaausaraina goi kokaaiyaka.

Nuwogau 14:7

Livalayana niyana gagaina goi itaalavaite idigo kana, ‘Mami matoita Yaubada ina togaga ana kokamoitamōe! Takínona ana tuta bogina ima be tomota liliudi da poyapoya itakinoidi. Tauna kotugavīla go, Tauyana ina togaga ana káeyana kokamoitamōe! Tauyana yábana, poyapoya, négwasa be nakae bwae liliudi imadagidi, tuwo yaina kosakulūlu!’

Nuwogau 15:4

Yauwe, kom im sinapu kiboobosidi bogina kukaiwoduwedi tomota yaidi. Tauna tomota liliudi bei sima sisakululu yaim. Tauna avatau bei geya imatoitemta? Geya! Kom amta . Tauna avatauwa bei geya sitaimaminemta? Geya!’