Roma 1:16 - Buki Kimaasabaina

¹⁶ Moitamo, guna nuwonúwana bego Vala Dedevinayana atalavaite yaimi. Valayana manuna geya aomaemaeta. Valayana moe Yaubada ina togaga tonumisa liliuda ada yava manuna! Yavayana moe mainao kita manuda namlieta komi Totuyoyowo manumi.

Roma 1:16 ပူးပေါင်းရင်းမြစ်များ

Maki 8:38

Moitamo. Ame tuta boda Yaubada situgavile be nakae kidi goyo sinadi go, avatauwa neta omayamaya pasina yau silawoiwoiyegu be nakae guna livala silawoiwoiyedi, nava tutayana Tomalatomota Tamana ana kimaasabaidi taiyao, e nakae bei ilawoiwoiyedi.’

Luke 9:26

Moitamo. Avatauwa neta yau silawoiwoiyegu be nakae guna livala silawoiwoiyedi, nava tutayana Tomalatomota bei ima ana kimaasabaidi adi káeyana tomoeeyalina ivagiitakoedi, e nakae bei ilawoiwoiyedi.

Iyoni 7:35

E tuwo kidi Diyuuyadi sidigo kadi, ‘Bei nako goi ina, e kita geya itoboinedeta tababane? Manakae? Bego ina sedao Diyuu boi bogina sigala sina idi kasa liliudi goi be Totuyoyowoyadi ivatulukoidi ae?

Guinuwa 3:26

Tauna Yaubada ina ikinave go, ietune ima mainao kita yaida bego ikaipakuyeda ame nakae: Kita liliuda ida sinapu goyo goi bei ikaigavileda.’

Roma 10:17

Tauna numisa ana kenao ame nakae: Tomota sinumisa unana Valena sinove go, Valenayana sinove tomota idi talavaita pasina.

Roma 15:19

aba kinana kainaaopaidi adi togaga goi be nakae Yaubada Balomaina ina togaga goi. Tauna Yerusalema goi ina Ilurikoni parovinsi goi Guyau Valena Dedevina bogina atalavaiteyabe sinove.

Roma 15:29

E ayagoi bego tutayana ao, ina yabobona yaigu goi bei avinimi ami dedevina manuna.

Roma 2:9

ame nakae: Goyo ana toguinuwa tamo tamo yogedageda be ategeda bei sibabanedi; mainao kita .

Roma 4:11

namlieta baige kina Yaubada ilatuwoko aba kinana tayamo iguinuwe. Aba kinanayana moe sakava ana kúpwana. Moe aba kamoitamo bego tauyana kiboobosina Yaubada matana goi. Go Eberamoyana mana numisa tutayana sakavaina nava boi geya ana kupwanamo. Nakae Yaubada iguinuwe bei avatauwa neta sakavaidi geya adi kupwanamo go, sinumisamo, e tauyadi liliudi tubudi moe Eberamo. Moeko goi idi numisayana Yaubada igite, ikamoitamoe, e tauyadi nuwona ana tokibobwatayao.

1 Korinta 15:2

e imi numisa Valayana goi Yaubada iyavemi, neta Valayana boi bogina yaimi goi ataalavaite koyoisikavate. Go neta imi numisa dogoi besobeso, e geya.

1 Korinta 2:2

Moitamo. Boi bogina alovina dogoi tayamo toito yaimi goi bei atalavaiteyamo. Dogoiyana moe be nakae ana tupatúkwana kerose goi adi yagoina. E moe atalavaitedi.

1 Korinta 2:4

Guna livala o guna talavaita ana vala moe geya kada toinigu guna nanamsa goi atamyabimi geya, go sem ina togaga ana kamoitamo goi ataalavaita

1 Korinta 9:12

Ituli ta vamoleyanava kotabubulidi go, itoboine toina kai nakae kotabubulima kidi nakae. Go geya katagonemita kotabubulima, go sem dogoi liliudi goi kamesayágana, govila bei Valena Dedevina ana sanúnuwo kasanabode.

1 Korinta 9:18

Tauna kaga guna vaiwówana? Bego tutayana Vala Dedevina atalavaite yaimi, itoboinegu avinibesoimi. Tauna yau magu lovina bei itoboinemi kotabubuligu go, geya alovinaemita nakae koguinuwe.

2 Korinta 2:12

E boi ana Tarowasi goi Valena Dedevina ana talavaita manuna. E ida Tomoya ina togaga goi totom ikatupáeva yau manugu bego valayana atalavaite yaidi go,

2 Korinta 4:4

Amo tauyadi geya sinumiseta. Poyapoya ame ina yaubada nuwodi ivapatudi, e mavada Vala Dedevina goi geya sigiteyeta. Vala Dedevinayana ame manuna: , Tauyana Yaubada ana tapata.

2 Korinta 9:13

Moe imi guinuwayana goi imi numisa ana kamoitamo isowóduwo. Tauna bei Yaubada ina togaga ana Valena Dedevina kokabikaone, kokamoitamoe be nakae komi kaaiguyaumi imi vininabeso da Yerusalema tookaidi kovinidi be nakae ituli ta tonumisava kovinidi.

Galetiya 1:7

Go moe valayana geya kada mooitamoina geya! Go tomota maniyedi nukotomi sikiwoowonidi be nakae sipooikíkina Guyau Valena Dedevina sisobale.

1 Tesalonáika 2:13

Aiyuwoina kai kakaauyagu Yaubada yaina goi tuta liliuna unana ame: Bego tutayana Tauyana ina livala boi yaimi goi kataalavaite konove go, kouyaone geya kada tomota ina livala geya, go sem livalayana kokamoitamoe bego moe Yaubada ina livala mooitamoina. Livalayana nakae komi tonumisa yaimi goi bogina ipaaisewa.

1 Timoti 1:11

Vatulukwana dokanayana unana moe Yaubada ina togaga ana Valena Dedevina. Valayana moe Tauyana tubooinina be nakae kaakesaina bogina inumisegu ataalavaite.

2 Timoti 1:12

Guna paisewayana pasina tauna ame guna mou ababanedi go, mouyadi pasidi ogu geya imaemaeta. Moitamo. Guyau Yeisu aanumise; Tauyana bogina aayagoi. Go ayagoidoko Tauyana itoboine Vala Dedevina boi inuumisegu bego aruugwausi bei iiyause ana kadókana maliyalina gagaina ima.

2 Timoti 1:16

Ago Onesiporo geya iomaemaeta yau guna kaiyaka deri goi pasina, go sem tuta liliuna yawoigu ilisilisi. Tauna guna kawanoi ida Tomoya yaina bego Onesiporoyana mana bodayauwo inuwokapisiyedi.

2 Timoti 1:8

E tauna taabu om imaayamāya ida Tomoya Yeisu valena kutaalavaite. Aiyuwoina ida Tomoyayana valena ana talavaita pasina yau deri ana tokaiyaka go, tuwo taabu kuomaeemāegu, go sem Yaubada ina togaga goi guna mou ana talavaita manuna kusīuko.

Iberiu 4:12

Yaubada ina vala bogina taanove moe maa yawoina. Nakae maa myana be sisi nakae isosoina toina namlieta sisi liliudi sooinidi matadi aiyuwo nakae. Sisiyana itoboine isiu ina luluda sabalina goi be ada savi goi. E Yaubada ina livala nakae. Itoboine isiu ina nuwoda be balomaida goi. Tuwo itoboine nuwoda ina nuwonúwana be ina nuwogau idovatusidokoidi.

1 Pita 4:16

Go neta komi yoimi Guyau ina tosabokuliyao go, imi numisa pasina gedageda koobabane, e taabu omi imaayamāya, go sem ame yoimiyana kokamooitamōe be Yaubada ana káeyana tomoeeyalina kovagiitakōe.