Pilipai 4:5 - Buki Kimaasabaina

⁵ Imi mesayágana kovagitakōe tomota liliudi yaidi. Ida Tomoya giyakainava bei ima!

Pilipai 4:5 ပူးပေါင်းရင်းမြစ်များ

Madiu 6:25

Tuwaina Yeisu kana, ‘Moe pasina tauna ame alatuuwokoimi konōve: Yawoimi manudi taabu konuwokuubukūbu kami, “Kaga bei kakáika?” O nakae kami, “Kaga bei kanim?” O wowomi manudi kami, “Kaga bei kalosi?” Yawoida moe dogoi gagaina namlieta awoinu ae? Nakae wowoda dogoi gagaina namlieta kwama ae?

Madiu 6:34

E tauna taabu konuwokuubukūbu itomo manuna ava mou nakae bei sisowóduwo. Ada mou maliyalina ame goi bogina yoiyada go, itomo ana mou moe itomo manuna.’

Luke 21:34

E korugwausīmi, govila bei nukotomi siwówana uyawana owáowana pasina o nim ginagina pasina o imi kaiyaka pasina konuwokubukubu, e guna maliyalinayana ivatoopa yaimi goi

1 Korinta 16:22

Avatauwa komi neta ida Tomoya geya komatakoiyeta, Yaubada itoboine ikatubolatemi. Ima Tomoya, kūma!

1 Korinta 6:7

Tutayana semiyao koekotuyedi, e madabokimikova Yaubada matana goi bogina toinimi kobugoyaimi. Neta ami tobugoyoyao be ami tovaobunayao yaidi goi to kotogagamo!

1 Korinta 8:13

E tauna neta anuwonúwana bego awoinu tayamo pasina siyagu bei avakapusiye, e awoinuyana geya tuwaina akanikani, govila bei siyaguyana avakapusiye.

1 Korinta 9:25

E tovavalákuna liliudi kaga liliuna goi toinidi sivakakonekonedi. Amo tauyadi nakae siguuinuwe bego adi vaiwówana saaolina sibabane go, kita taguuinuwe bei ada vaiwówana aiyako vaatayaina tababane.

2 Korinta 10:1

E yau Paulo magu sakululu be magu mesayágana nakae, toinigu akawanoi makimaki yaimi. Ame yau Paulo tomota maniyedi siidigegu bego matooisigu neta taiyao takaiyaka go, magu katepatu leta goi neta atumasaba.

Taito 3:2

Geya tayaamo tomota sitaagiwoi, madi tuboina be madi sakululu. Nuwotokai sivagitakoedoko tomota madabokidi yaidi.

Iberiu 10:25

Taabu ida tugúguna ida Tomoya manuna takaalavēdi nakae tomota maniyedi idi sinapu, go sem sedao atedi tavapatupatūdi go, mada salau nakae taguuinūwe unana imamaima.

Iberiu 10:37

Moe nakae idige kana, ‘Nava tuta giyaina tuwaina Tauyana imamaima bei ima go, geya mgoninamo.

1 Pita 1:11

Tokabivalavalayadi atedi goi boi Balomaina ikaaiyaka igimitalavaita yaidi Guyauyana manakaena ina gedageda bei ilotowoidi go, namlieta Yaubada ina togaga ana káeyana ivagitakoedi Tauyana yaina. Ago tokabivalavalayadi silumadádana, latuwodi bego siyagoi ava tuta dogoiyadi bei sisowóduwo o ava kaba kinana goi itoboinedi siyagoi dogoiyadi bei sisowóduwo.

1 Pita 4:7

E dogoi liliudi idi tuta ana kaba lukavava bogina ikaponapona. Tauna imi sinapu be imi nuwonúwana kokabikuunuīdi, e bei itoboinemi kokawanoi dókana Yaubada yaina.

Nuwogau 22:20

Moe livalayadi adi totalavaita idigo kana, ‘Moitamo! Giyakainava bei ao!’ E nakae! Tomoya Yeisu, kūma!

Nuwogau 22:7

Iya go idigo kana, ‘Konōve! Giyakainava bei ao! Avatau neta buki ame ana talavaita ikabikaaonedi, e ana dedevina bei ibabane.’