Pilipai 3:7 - Buki Kimaasabaina

⁷ Go sem boi mainao anuwonúwana bego ame guinuwayadi sowogu be guna dedevina ababane go, ame tuta anuwonúwana guinuwayadi geya basabasaidimo Guyau pasina. Go geya kada guinuwayadi kaka geya basabasaidimo yaigu geya,

Pilipai 3:7 ပူးပေါင်းရင်းမြစ်များ

Aba Vatowo 19:17

Sivakededi asa goi siisowóduwo go, anerose tayamo idigo kana, ‘Kosīya bei yawoimi koyavedi go, taabu kokaandovīla! Kolokōina kōna koya goi, govila bei kokámasa!’

Aba Vatowo 19:26

Go Lotiyana mlina goi monena inonoina ikandovila, e imalagurewa go, gurewayana moe .

Madiu 16:26

Guna nuwonúwana ataligei. Yawoimi moe dogoi gagaina. Nakae neta poyapoya esaesaina gagaina madabokina kokabi go, yawoimi sitagau vata, e bei kaga ana dedevina? Geya. Neta yawoimi sitagau vata, geya tayaamo kaga ikaaiyaka itoboine bei yawoimiyadi kotalamapuyedi.

Maki 10:50

E moitamo ana tanigo inisi ikalave go, ikabitaotaoya ima Yeisu yaina goi.

Luke 14:26

‘Avatauwa neta sima yau yaigu bego simalatovatotówana go, idi matakoi tamadiyao, sinadiyao, monediyao, natudiyao, sediyao, niudiyao, e nakae toinidi yawoidi yaidi ivakaigaga namlieta yau yaigu, geya itoboinedita bei simalatovatotówana yau yaigu.

Luke 14:33

E tauna komi nakae. Itoboine sabokuli manuna konuwonúwana. Go neta geya kotagoneta bei konami liliudi kokalavedi, geya itoboinemita komalatovatotówana yau yaigu.

Luke 16:8

Tuwo tomoyayana ina torugwáuta polapolaina ina guinuwa valena inove, ina kabitam manuna iyapaliye. Unana da poyapoya idi guinuwa goi madi kabitam gagaina toinidi idi bodao yaidi namlieta kidi mavada goi sikaaiyaka idi kabitam. Tauna torugwautayana iyapaliye.

Guinuwa 27:38

E kakáika bogina gamoma, kana madabokina sikesa kakabidi kalavedi sisou négwasa bego oga ikakapu.

Iberiu 11:26

Ina nuwonúwana neta ina omayamaya ilotowo, moe esaesa gagaina namlieta da Itipita idi esaesa. Bogina koyagoi. Yábana vaiwowonina manuna imasimasi.