Pilipai 3:3 - Buki Kimaasabaina

³ Moitamo. Kidi sinuwonúwana manuna go, geya tanumiseta toinida sakavaida ina guinuwa yaina goi.

Pilipai 3:3 ပူးပေါင်းရင်းမြစ်များ

Roma 1:9

Guna kauyaguyana itoboine. Yaubada iyaagoigu manakaegu tuta liliuna guna kawanoi goi anuwaaisimi! Tauyana yaina ma kategu madabokina be magu taimámina apaaisewa Natuna Valena Dedevina ana talavaita manuna.

Roma 15:17

Tauna guna Guyau Yeisu taiyao pasina itoboinegu guna guinuwa Yaubada manuna auyawana gagágasa.

Roma 7:6

Go ame tuta Atukedayana ana takínona yaina goi Yaubada bogina italigeida unana boi Atukeda ana takinonayana ina kenao vau goi.

Roma 8:15

Yaubada Balomaina ivinida go, geya bego bei ikaluvilemneida ina liuna ana matoita goi geya. Go sem Balomainayana bogina ivinida bei ivanatuneda go, ame Balomayana goi kita taaduduwo Yaubada yaina kada, ‘, Tamagu!’

Roma 8:39

o kaga diligaemaina yábana ana dadava goi o kaga poyapoya sinaena goi o ava madágina Yaubada boi iimadagi. Moe dogoiyadi geya itoboinedita Yaubada ina matakoi yaida goi sivatumasabeda. Matakoiyana taalotowo moe ida spwagógana ida Tomoya Yeisu taiyao pasina.

Roma 9:6

E Diyuu maniyedi geya sinumiseyeta go, manakae? Yaubada ina livala yaidi goi geya imalatomoteta? Geya, imalatomota. Bogina koyagoi. Geya kada Isileli tubunao liliudi moitamo toina Yaubada ina bodao toina geya.

2 Korinta 11:18

Tomota badabadaidi yaimi sakava ana dadava goi siuyawana gagágasa, tauna yau nakae bei auyawana gagágasa.

Galetiya 5:25

Yawoida vau Balomaina Kimaasabaina goi taababane, tauna Baloma Kimasabainayana ina vakeda kiyaena tavaekūli.

Galetiya 6:16

Avatauwa neta ame guna lovinayana sisabokuliye, e Yaubada ina tuboina be ina nuwokapisi bei sibabanedi. Tauyadi tubunao toidi o tadigo kada, ‘Yaubada ina bodao mooitamoidi.’

Epeso 6:18

Ago imi kawanoi liliudi tuta tamo tamo Baloma Kimaasabaina ina togaga goi kokaawanōi go, moe pasina nukotomi goi koyauyāusa go, mami poisógana kokaawanōi kidi Yaubada ina kimasabayao liliudi manudi.

Pilipai 1:1

Komi da Pilipai Yaubada ina kimasabayao liliumi bogina kospwagógana taiyao, Yau Paulo be Timoti , e ame ami leta kaetune iwo komi liliumi be nakae imi tovakumgoyao be imi tovaitayao yaimi.

Pilipai 3:12

Geya kada moe bogina ayoisi geya o geya kada guna paisewa bogina alukavavedoko baige akámasa geya, go sem yau nava aatokuma bego itoboinegu guna taoyamna ayoisi. Moe manuna Yeisu bogina iyoisigu.

Pilipai 3:14

Magu tokuma alokoina aseivata ana alaitúwana goi bei guna vaiwówana akabi. Vaiwowanayana moe Yaubada iduduwegu yábana yawoinina manuna guna spwagógana Guyau Yeisu taiyao pasina.

Kolose 2:11

Komi nakae imi spwagógana Tauyana taiyao pasina ana kaigigita ina kámasa goi sakava sinapudi yaimi kwama bogo nakae ivalilividi ikalavedi.

Yuda 1:20

E komi go guna kaloyao, semiyao kokitoogagēdi, bei vatulúkwana kimaasabaina toina koonumise goi sitogaga. Go Baloma Kimaasabaina kootagōne ivaakedemi imi kawanoi goi.