Pilipai 3:18 - Buki Kimaasabaina

¹⁸ Bogina koyagoi. Boi tuta badabadaina bogina alatuuwokoimi go, ame tuta magu táiya nakae alatuwokomneimi maniyedi tonumisa polapola yaimi sikaaiyaka; tauyadi ana kerose ana kaleyayao idi ketoiya goyogoyo pasina.

Pilipai 3:18 ပူးပေါင်းရင်းမြစ်များ

Luke 19:41

Yeisu ibóbwara ikavava, inonoina go, tutayana Yerusalema ivakakana, asayana igite, manuna itáiya

Guinuwa 20:19

Yau ida Tomoya ina magu nuwotokai be magu táiya be nakae magu mou akabiikaone. Mouyadi unana kidi Diyuu silosinapuyegu, e mouyadi sivinigu.

Roma 9:2

Abóbwara moitamo bego ategu goi guna nuwomou gagaina be nakae guna kategeda geya sikavaveta.

1 Korinta 1:18

Guna livalayana moe moitamo. Bóbwara adi nanamsa be Yeisu ina kámasa kerose goi valena geya itoboinedita situyuwo. Gwa. Keroseyana valena kidi vailai ana kenao goi siiketoiya sinove, sinuwonúwana bego valayana geya ana yagoinamo go, kita yava ana kenao goi taaketoiya tanove, valayana moe Yaubada ina togaga ada yava manuna.

1 Korinta 6:9

Nakona geya koyagoiyeta toogoyoidi geya adi kaiguyaumo sinaena. Taabu kokatuubaūmi. Tomasisi goyogoyo, yaubada polapola adi tosakululu, toroerata, tauyadi koroto koroto taiyao simasisi,

2 Korinta 11:13

Moitamo. Tomota amo tauyadi nakae moe geya Yeisu ina vamoleyanayao moitamo geya. Kidi toguinuwa polapola. Kai ina vamoleyanayao sitapatema bego tomota sikatubaudi.

2 Korinta 11:29

Avatau neta ineneta, ina nenetayana yau nakae alotowo. Avatau neta siyana ivakapusiye goyo goi, tovakapusiyana manuna yau gamogu igoyo toina.

2 Korinta 2:4

Amo letayana magu yogedageda gagaina be magu kategeda gagaina be magu táiya gagaina agini. Ago letayana aetune iwo geya bego kokategeda geya, go sem bego guna gagaina yaimi goi koyagoi.

Galetiya 1:7

Go moe valayana geya kada mooitamoina geya! Go tomota maniyedi nukotomi sikiwoowonidi be nakae sipooikíkina Guyau Valena Dedevina sisobale.

Galetiya 2:14

Kidi sitavilei goi go, yau geya, go sem tutayana agite idi sinapu goi Vala Dedevina ana vatulúkwana mooitamoina ana kenao sivasulaigi, e tomota liliudi matadi goi Kepasiyana akamatanako adigo kagu, ‘Kepasi, kom Diyuu ae? U nakae. Go tuta maniyena Totuyoyowo idi sinapu kusabookuliye go, Diyuu ida sinapu geya ae? U nakae. Tauna manakae Totuyoyowo numisaidiyadi kulovinaedi simaladiyuu bego itoboinedi Diyuu taiyao sikabivekoveko? Kom baagalim! Moe nakae geya itoboinemta kuguinuwe!

Galetiya 2:21

Kidi Atukedayana siinumise Yaubada ina kanuwóiya sikatae go, yau geya akataeyeta. Moe moitamo. Neta Yaubada ina Katukeda ana guinuwa goi ivayokoida kita kiboobosida ina kanasíuna manuna, e moe nakae ikamasa beso.’ E moe nakae Pita alatuwoko.

Galetiya 5:21

matakikiwo, aumata, bwae toogagaina goi siyaluwo, uyawana owáowana be nakae ava sinapu ame dogoiyadi nakae. Boi akatumatalimi go, tuwo aiyuwoina akatumatalimneimi bego avatauwa neta dogoiyadi siguuinuwedi, e goi geya sisiuta.

Galetiya 6:12

Amo korotoyadi sitaamyabimi ina kámasa kerose goi pasina. Ame tauna pasina korotoyadi latuwodi komi sakavaimi kokupoidi.

Galetiya 6:14

Go yau geya kada tayaamo kaga manuna bei agágasa amo nakae geya, geya toina! Go sem yau nava auyawana gagágasa kaga ida Tomoya Yeisu Guyau ina guinuwa kerose goi manuna. Ina kamasayana pasina kaga yau sowogu moe geya basabasaidimo da poyapoya yaidi. E kaga kidi sowodi moe geya basabasaidimo yau yaigu.

Epeso 4:17

E ame alatuwokoimi be nakae guna spwagógana ida Tomoya taiyao pasina akatumatalimi: Geya tuwaina kidi geya sinumiseta idi ketoiya nakae kooketoiya. Tauyadi idi nuwonúwana geya basabasainamo.

1 Tesalonáika 4:6

Masisi goyogoyoina manuna taabu semiyao kobaagalīdi, e monediyao kotubanibanidi. Boi bogina kagimilatuwokoimi be kakatumatalimi neta moe dogoiyadi koguuinuwedi, e goyoyadi liliudi adi tokatumapu, moe , bei ami liuna ivinimi.

2 Tesalonáika 3:11

Lovinayana unana valemi bogina kanove bego maniyemi suumoyaimi, nakae paisewa geya, geya toina, go sem koketooiya beso tomota idi paisewa goi koyoobosedi. Tauna lovinayana kavinimneimi.

2 Pita 2:10

E moe moitamo toina neta Yaubada ina lovina siikatae go, latuwodi bego sakavaidi adi yalagau goyogoyoidi sisabokuuliyedi. Kidi tovatulukwana polapolayadi Yaubada geya simatoiteyeta be nakae nuwaatuedi! Geya simatoiteta yábana osasaina toolagaidi sitagiwoidi.

Yuda 1:13

Amo tauyadi aivaya gagaidi siitalasa nakae go, mosamosa silaseseli. E kidi nakae, unana idi sinapu goi mosamosa kaka sisowóduwo. Adi kaigigita súluwo nakae. Suluwoyadi silokoina besobeso go, kidi nakae enao totoomoina bogina sivasulaigi, tauna geya itoboinedeta idi vatulúkwana tanumise. Ago idi kasa Yaubada bogina ikatubayasi go, asayana kokonótuya toina. Amoko goi bei sikaiyako vata.