Pilipai 2:9 - Buki Kimaasabaina

⁹ Tauna Yaubada ikilagasi toina be nakae you gagaina ivini go, youyana you liliudi ikalisavedi.

Pilipai 2:9 ပူးပေါင်းရင်းမြစ်များ

Aba Vatowo 3:15

Go vakaleya kom be vavinayana nauyayanaimi goi bei ayato. Kom im boda be tauyana ina boda nakae bei sivaakaleya. Ago kina ina bodayana bei dabam ikaumotui go, tauyana aegedugeduna kom bei kukalimotui.’

Madiu 11:27

Ikawanoi ikavava, tomota yaidi goi idigo kana, ‘Kaga liliuna Tamagu nimagu goi bogina iyatoidi. Tamaguyana anetava yau Natuna iyagoidokoigu. Yau agutava Tamagu ayagoidoko go, avatauwa neta akinavedi bei Tamagu avatulukoidi, e bei siyagoidoko.

Madiu 28:18

Ago Yeisu ibala ima ilatuwokoima idigo kana, ‘Lovina madabokina yábana goi be nakae poyapoya goi Yaubada Tamada bogina ivadamane yau yaigu.

Luke 10:22

Ikawanoi ikavava, seventituyadi (72) ilatuwokoidi idigo kana, ‘Kaga liliuna Tamagu nimagu goi bogina iyatoidi. Tamaguyana anetava yau Natuna iyagoidokoigu. Yau agutava Tamagu ayagoidoko go, avatauwa neta akinavedi bei Tamagu avatulukoidi, e bei siyagoidoko.’

Iyoni 13:3

Ago Yeisu bogina iyagoi bego kaga liliuna ana lovina Tamana bogina ivadamane Tauyana yaina goi be nakae Yaubada goi ima nakae bei ikaluvilamna ina Tauyana yaina.

Iyoni 17:11

Aiyuwoina kidi manudi akaawanoi unana yau bei awokoim, tuwo poyapoya ame goi geya tuwaina bei akaaiyaka go, tauyadi bei sikaaiyaka. Tauna manudi akaawanoi. Tamagu e, amo tauyadi im togaga boi kuuvinigu goi kukalīdi kumatakavatēdi bego sieboda tayamo nakae kita taeboda tayamo.

Iyoni 17:12

Tutayana yau kidi taiyao, im togaga boi kuuvinigu goi akalidi amatakavatedi. Amatakavatedi, geya tayaamo yaidi goi itagau geya, dedevidi go, tayamo toito moitamo inonoina vailaivata manuna. Moeko goi ina talavaita itoboine imalatomotamna.

Iyoni 17:5

Tuwo ame tuta, Tamagu e, bei akaluvilamna ao go, matam goi im togaga ana káeyana kuvagitakomnēigu nakae boi ada káeyana tayamo tutayana nava poyapoya ame geya ana madaginamo.

Guinuwa 5:31

Ame Tauyana kina Yaubada ikilagasi tutayana ikailagasi wowoina basekoina kakataina goi itusobu go, ivayoko Yáwana ana Tokaimatana be nakae Toyava, e bei kita Isileli tubunao itoboineda tatugavila go, Yaubada ida goyoyadi inuwotaoidi.

Epeso 1:10

Ina nuwonúwana ame nakae: Tutayana ina upa boi iyatoyato bogina isowóduwo, dogoi liliuna yábana goi be poyapoya ame goi ikabidi, yaina goi ilamgogomneidi, e madi spwagógana Guyau taiyao sieboda tayamo go, Tauyana dabadi.

Kolose 1:18

Tauyana wowona moe kita ana totugugunayao go, dabada moe Tauyana. Tauyana yawana vau ana kaba vatowo; tokámasa yaidi goi Tauyana totubukumgo bego kaga liliuna goi Tauyana toosakina.

2 Tesalonáika 1:12

Ima kawanoiyana nakae bego yawoimi goi ida Tomoya Yeisu ina togaga ana káeyana kovagiitakoe be nakae komi nakae yoimi ikilaagasidi. Moe nakae itoboine unana ida Yaubada be ida Tomoya Yeisu idi kanuwóiya yaida goi ikaaiyaka.

Iberiu 1:4

Tauna itaoyakukuidi unana Tauyana yoina Yaubada bogina ivinivini anerose yoidi ikalisavedi.

Iberiu 1:9

Kibóbwata manuna nukotom ikabi go, apipilova kukaolilive. Moe pasina Yaubada, moe kom im Yaubada, amta bogina ikinavem go, kinavayana goi uyáwana gagaina kubabane be nakae semowo kutaoyakukuidi.’ Same 45:6-7

Iberiu 12:2

Ida lokoinayana ame nakae: tadumaakavāte; Tauyana ida numisa ana Tokaimatana be ana Tokimatuwo. Tauyana matana goi aba uyáwana ikaaiyaka, tauna kerose ana gedageda goi itogaga go, keroseyana ana omayamaya itanisi. Ikavava, ituko ina yábana go, kébana esaesa wowooinina moe Yaubada kakataina goi itusobu.

Iberiu 2:9

E koroto tayamo tagite, Tauyana tuta kaakupina goi Yaubada ina anerose sobuyekoidi goi ikaisobuye. Moe Tauyana . Ina kámasa ana gedageda pasina Yaubada ikilagasi taimámina be wowoina ivini, e bei Yaubada ina kanuwóiya goi kita tomota liliuda manuda ámasa ilotowo.

1 Pita 3:22

Tauyana bogina ituko ina yábana goi mana lovina be mana togaga wowoina basekoina Yaubada kakataina goi iitusobu go, be yábana osasaina ana tovakumgoyao be ana totogagayao bogina sikatetagonedi Tauyana ina lovina goi.

2 Pita 1:17

Boi Tamana Yaubada wowoina be taimámina ivini tutayana níyana tayamo Tauyana ana káeyana tomoeeyalina goi kanove idigo kana, ‘Ame Tauyana Natugu, guna kakaya, auyaaonedoko.’

3 Iyoni 1:7

Moitamo. Tauyadi sivanibiníbita asa liliudi goi Guyau sitaalavaite go, geya tayaamo vaita sikawanoiye yaidi unana amo tauyadi geya sinumiseta.

Nuwogau 1:5

Iya Yeisu .’ Yeisu imatakooiyeda, tuwo ikaikaina pasina ida goyo ana togaga goi italigeida.

Nuwogau 11:15

Amo ikavava, anerose ainima aiyuwoina ina síula iuwe, e yábana goi níyana gagaidi sidigo kadi, ‘Ame tuta da poyapoya idi lovina bogina ikavava! Ida Tomoya bogina sietokalibúbuna. Bei sikalibubuna vata: Ame tuta be nakae tuta simamaima.’

Nuwogau 19:16

Go ana kwama maanawena goi be nakae dibuwatuna goi yoina sigini kadi, ‘ liliudi adi Tokalibúbuna be nakae tomoyamoya liliudi adi Tomoya.’

Nuwogau 3:21

Avatauwa komi neta kootogaga, bei atagonemi yau taiyao kebagu esaaesaina goi tatulaga talovina nakae boi yau atogaga, e Tamagu kebana esaaesaina goi yau taiyao katulaga kaalovina.

Nuwogau 5:12

niyadi gagaina goi sivesivesi kadi, ‘Lamiyana boi bogina sikaumate itoboine togaga, esaesa, nanamsa, alika, wowoina, taimámina be nakae auyagu ibaabanedi!’