Pilipai 2:8 - Buki Kimaasabaina

⁸ go, toinina inuwotokai ame nakae: Yaubada ikabikaonedoko go, ina kabikawanayana goi toinina ikasale ikámasa! Ego ina kamasayana kerose goi moe aba omayamaya!

Pilipai 2:8 ပူးပေါင်းရင်းမြစ်များ

Madiu 17:2

Maeko goi Tauyana ana kaigigita ikanagavila, nakae maisina inínima níyala nakae go, ana kwama sivapopowou, poowoudi toina mavada tayamo nakae.

Madiu 26:39

Ibóbwara ikavava, ivayavakova ikanakabobo go, ikawanoi Yaubada yaina kana, ‘Tamagu, manakae? Itoboine bego gedageda keigaina ame geya ababaneyeta? Go yau geya guna nuwonúwana geya, go sem kom im nuwonúwana kuguinūwe.’

Madiu 26:42

Sivayuwoina ivayavamna ina ikawanoi idigo kana, ‘Tamagu, neta geya tayaamo enao ikaiyaka bego gedageda keigaina ame akalave, e bokoyo go tuwo im nuwonúwana bei aguinuwe; keigayana anim.’

Luke 9:29

Tuwo Yeisu ikaawanoi go, maisina ana kaigigita ituli. Ana kwama sivapopowou nakae sinamanámala.

Iyoni 10:18

Geya vatau tayaamo itoboine yawoigu ikabi, go sem yau toinigu yawoigu akasale ámasa goi. Magu lovina akasale, magu lovina ababanemnei. Moe lovinayana yau Tamagu ivinigu.’

Iyoni 14:31

go sem itoboine da poyapoya siyagoi bego Tamagu amataakoiye. Nakae nakonakae Tamaguyana ikatumaataligu, nakae aguuinuwe. Kotāoya be ame dadavayana takalāve.’

Iyoni 15:10

Neta guna lovina kokabikaaonedi, guna matakoiyana goi kokaaiyaka. Moe yau nakae; Tamagu ina lovina bogina akabikaonedi, e ina matakoi goi akaaiyaka.

Iyoni 4:34

E Yeisuyana kana, ‘Yau avagu moe bego guna Toetuna ina nuwonúwana aguuinuwe be nakae ina paisewa alukavave.

Guinuwa 8:33

Tomota sigieomaemae go, ana takínona geya ipalupaluta. E Tauyana geya natunamo go, yawoina poyapoya ame goi ikavava. Tauna avatau itoboine Tauyana natunao ivatetelidi? Geya.’ Aiseya 53:7-8

Roma 5:19

Koroto tayamo ina kapipilova goi tomota liliuda tamalatogoyoida, e nakae koroto tayamo ina kabikáwana goi liliudakova ivayokoida kita kiboobosida.

2 Korinta 8:9

Imi vininabeso itoboine. Ida Tomoya ada kaba gita. Ina kanuwóiya bogina tayagoi bego Tauyana boi mainao toesaesa go, kita manuda ietokai bego kita amo Tauyana ina tokaiyana goi bei taesaesa.

Galetiya 3:13

E kina go ima Yaubada ina Katukeda ana mou goi itateteda ame nakae: Itoboineda mouyana tababane go, kina Guyauyana itagona kerose goi situpatuko ikámasa, kita ada katumapu. Moeko goi kina mouyana ibabane go, kita geya. Moitamo mouyana ibabane nakae Gínina Kimaasabaina itaalavaite, idigo kana, ‘Avatau neta alova goi sikosaine, e tauyana Yaubada ina takínona moumouna goi ikaaiyaka.’ Atukeda 21:23

Taito 2:14

Tauyana toinina ikasale ámasa goi, kita ada katumapu, bego ida kapipilova tamo tamo goi itateteda. Aiyuwoina ikimavadeda bei kita Tauyana ina toinina umana, mada salau latuwoda guinuwa dedevidi taguinuwedi.

Iberiu 12:2

Ida lokoinayana ame nakae: tadumaakavāte; Tauyana ida numisa ana Tokaimatana be ana Tokimatuwo. Tauyana matana goi aba uyáwana ikaaiyaka, tauna kerose ana gedageda goi itogaga go, keroseyana ana omayamaya itanisi. Ikavava, ituko ina yábana go, kébana esaesa wowooinina moe Yaubada kakataina goi itusobu.

Iberiu 12:4

Toogoyoidi sivakaleyemi bogina kovadókana go, imi vadokanayana goi nava ikaikaimi geya idauta.

1 Pita 2:24

Tutayana Yeisuyana kerose goi situpatuko, toinina wowona goi ida goyo ana liuna ilotowoidi bego ida goyoyadi yaidi takámasa go, ma kiboobosida taaketoiya. Tauna Tauyana ana kaipíyama kiyauna pasidi ida goyo goi kita tadedevina.

1 Pita 3:18

Kina nakae bogina sivatayamo iyogedageda ida goyo pasidi. Tauyana Yaubada nuwona ana tokibóbwata ikámasa kita tokapipilova manuda bego itoboine imeda Yaubada yaina. Ame nakae: Sakava ana dadava goi sikaumate go, baloma ana dadava Yaubada ikaitáoe Tauyana maa yawoina.