Pilemoni 1:24 - Buki Kimaasabaina

²⁴ Maki, Aristako, Demasi be Luke nakae idi yabobona yaim; tauyadi Yeisu ina tosavaiyuwoyao yau taiyao.

Pilemoni 1:24 ပူးပေါင်းရင်းမြစ်များ

Guinuwa 12:12

Ago bogina iyagoi anerose ivaite, tuwo ina Meri ina vada. Ame Meriyana moe Iyoni sinana. Iyoniyana youyuwoina moe Maki. Amoko goi tomota badabadaidi bogina siitugúguna go, nava sikaawanoi.

Guinuwa 12:25

E kidi go Banabasi be Saulo idi paisewa Yerusalema goi bogina ikavava, tuwo sikaluvila sina Antiyoki go, Iyoni taiyao. Tauyana youyuwoina moe Maki.

Guinuwa 13:13

E Paulo ma senao asa Papo goi sikailova. Sikailova, silokoina sina Pampíliya dadavina goi sivaiu, sisou siyava sina asa Periga goi. E kina go Iyoni ikalavedi go, ikaluvila ina Yerusalema.

Guinuwa 19:29

Aiyuwoina boda nuwodi siwówana sivamgemge owáowana go, madabokidi sitaoya nuwodi tayamo goi sina Paulo ina tovakitaunayao da Mesadoniya yoidi Gaiyo be Aristako siyoisidi sibiusalesaledi sinavedi idi kaba tugúguna goi.

Guinuwa 27:2

E oga tayamo ikaaiyaka moe da Adaramteno idi oga. Ogayana bei ikailova ina asa tamo tamo Esiya ana dadava goi. Tuwo ogayana goi kasowoya go, Aristako taiyao. Tauyana Mesadoniya korotoina guma Tesalonáika. E tuwo kakailova kalokoina. E sabamgo ana madabokina goi kaalokoina.

2 Korinta 8:23

Taito kina neta tomota silumadade, kolatuwokoidi kami, ‘Tauyana Paulo ina tosavaiyuwo nakae taiyao sipaaisewa kita manuda.’ Go kidi sedao adi taiyuwokova neta tomota latuwodi siyagoidi, kolatuwokoidi kami, ‘Tauyadi Yaubada ana totugugunayao idi ana kaba taimámina.’

Pilipai 2:25

E anuwonúwana bego itoboine Epapirodito aetunemnei iwo yaimi. Tauyana siyagu, guna tosavaiyuwo be nakae tovayaviya tayamo yau taiyao Vala Dedevina ana vabodaboda manuna. Ego tauyana boi koetune ima imi yabobona ivinigu. Tauyana imi be nakae imi katumapu yau yaigu, e ivaitegu.

Pilipai 4:3

U, nakae. Kom guna tosavaiyuwo be guna kalo, kom nakae akawanoiyem ame vevinayadi kuvaitēdi bei nuwodi tayamo. Ame vevinayadi, Kerementi be guna tosavaiyuwo liliudi taiyao bogina sivaitegu guna tokuma manuna. Moe tauyadi yoidi yawana vau bukina goi sikaaiyaka.

Kolose 4:10

Aristako, tauyana deri ana tokaiyako yau taiyao, ina yabobona yaimi. Banabasi nubaina Maki nakae ina yabobona yaimi. Makiyana manuna ami lovina bogina avinimi. Neta iwo, kouyaōne.

Kolose 4:14

Ida kalo doketa Luke be Demasi idi yabobona yaimi.

1 Pita 5:13

Natugu Maki be kidi Babiloni goi Yaubada ina kinavayao komi nakae idi yabobona sietune iwo yaimi.

3 Iyoni 1:8

Tauna kita tonumisayao itoboineda bei toliwola dedevidi amo toliwolayadi nakae tavaaitedi bego kita tauyadi adi tosavaiyuwoyao Yaubada ana Nanamsa Mooitamoina manuna.