Pilemoni 1:19 - Buki Kimaasabaina

¹⁹ Yau Paulo ame toinigu nimagu goi agini! Madabokina bei yau amapusave. Kunuwokavāte yau pasigu yawoim vata bogina kubabane. Moe nakae am rowaga go, geya latuwogu rowagayana manuna akavilevilem.

Pilemoni 1:19 ပူးပေါင်းရင်းမြစ်များ

Aba Vatowo 43:9

E yau akatótula toinigu gomanayana bei arugwausi. Tauyana yau guna puwoya. Neta ama gómana geya akaluvileyeta nakae matam goi geya ayatoeta, e yawoigu ana madabokina goi kuwowokōigu.

Roma 16:22

Yau Teritiyo ida Tomoya ana tosabokuli tayamo leta ame agini Paulo manuna, e guna yabobona yaimi.

1 Korinta 4:15

Nakona komi imi manuna boi bogina konove, e Guyau Yeisu taiyao bogina kospwagógana. Moeko goi avanatunemi. Tauna yau agutava tamami.

2 Korinta 10:1

E yau Paulo magu sakululu be magu mesayágana nakae, toinigu akawanoi makimaki yaimi. Ame yau Paulo tomota maniyedi siidigegu bego matooisigu neta taiyao takaiyaka go, magu katepatu leta goi neta atumasaba.

2 Korinta 3:2

unana komi ama leta aba kamoitamo, bei komi goi tomota siuyaonema. Letayana atema goi ikaaiyaka bei tomota liliudi itoboinedi sikatuyaivi siyagoima o tadigo kada, ‘Imi sinapu sigite, ima paisewa siyagoi dedevina.’

2 Korinta 9:4

Latuwogu ayagoi komi bogina kokatubayasi, govila bei kidi da Mesadoniya maniyedi neta yau taiyao kao go, kababanemi geya kokatubayasita, e kai oma imayamaya ima uyawana gagagasayana pasina. Go kai ametava geya, go sem komi nakae bei omi imayamaya gagaina.

Galetiya 5:2

Konovēgu! Yau Paulo alatuwokoimi neta ina guinuwa geya ivaitemita!

Galetiya 6:11

Ameko toinigu nimagu goi ami leta ame alukavave. Kogīte. Leta matadi gagaidi goi agini.

Taito 1:4

Taito, ida numisa tayamo pasina kom natugu toina nakae, e leta ame agini aetune iwo yaim. Tamada Yaubada be ada Toyava Yeisu idi kanuwóiya be idi tuboina bei sivinim.

Pilemoni 1:18

Go neta kaga nakae boi ina goyo o ana rowaga yaim, e kuyāto, bei yau amapu.