Nuwogau 9:2 - Buki Kimaasabaina

² Tuwo ki ikabi masiyana ikatupáeve, e tobuna goi aubowo gagaina isowóduwo ituko ina limou neta taagabudi aubowoina nakae. Tauna aubowo ivakaigaga, nakae níyala be poyapoya ana madabokina sikamamaníwana.

Nuwogau 9:2 ပူးပေါင်းရင်းမြစ်များ

Aba Vatowo 15:17

E níyala isaliu, e bogina ikamamaníwana go, Eberam ikandobala igite vaega tayamo isowóduwo. Vaegayana tobuna goi aubowo itukotuko be nakae dúgala ininínima, e yoguyogu boboyuwoidi talaidi nauyayanaidi goi sinonoina.

Aba Vatowo 19:28

Ikandosobu Sodoma be Gamora be nakae Iyoridani butumina madabokina igitedi, aubowoidi itukotuko limou aubowoina nakae.

Tateta 19:18

E Yauwe yeu goi isou ima Sainai koyaina yatana goi. Koyayana aubowo gagaina iumai ina kaiyaka pasina go, aubowoyana ituko ina nakae neta vaega siigabudi. Koyayana madabokina itátava gagaina.

Guinuwa 2:19

Aba kainaopa yábana osasaina goi bei amadagidi. Aba kainaopayadi moe níyala bei ikamamaníwana be nakae tukówana matana ivakayakaya ikaika nakae. Aiyuwoina aba kinana poyapoya goi bei amadagidi. Aba kinanayadi moe ikaika, yeu sabeninimina be aubowo gagaina. Moe dogoiyadi sikavava, namlieta baige gagaina nakae dedevina bei isowóduwo.

Nuwogau 14:11

Ago yeuyana siilotowo aubowoina bei ituko vata go, maliyalina be sabamgo geya itoboinedita gedayana goi siwaiwasi, go sem ikaiyako vata. Tauna nakae bei isowóduwo tauyadi yaidi neta woiwoiyana be ina tokwalu yaidi sisaakululu o yoina nimadi o dabadi goi sikaupaakiyedi.’

Nuwogau 16:10

Iya go anerose ainimaina itaoya ina woiwoiyana vakuumgoina kebana esaaesaina goi ina noko ikalisiwoi. Amoko goi woiwoiyana ina kaba lovina ikamamaníwana, e ina bodao saladi sikakavatedi adi geda pasidi.

Nuwogau 8:12

Iya go anerose aivasina ina síula iuwe, níyala dadava tayamo be tukówana dadava tayamo ibugoyaidi go, dadava aiyuwo dedevidi. Utuna nakae, neta tawotaidi kiwota aito, e kiwota tayamo ibugoyaidi go, aiyuwo dedevidi. Tauna maliyalina tayamo neta tawotai kiwota aito, e kiwota tayamo níyala geya ininimeta go, kiwota aiyuwo sininínima. Sabamgo nakae, kiwota tayamo tukówana be utuna geya sininimeta go, kiwota aiyuwo sininínima.

Nuwogau 9:1

Iya go ainimaina ina síula iuwe, utuna tayamo agite; utunayana boi yábana osasaina goi bogina isou ima poyapoya goi. Masi gagaina toina poyapoya goi ikaaiyaka go, ana ki Yaubada ikabi utunayana ivini, tauna mana tagona masiyana ikatupáeve.

Nuwogau 9:11

Adi tolovina moe anerose tayamo, tauyana masi gagaina toina ana torugwáuta go, yoina moe niyadi goi kadi, ‘Abadoni.’ Go kidi da Giriki niyadi goi kadi, ‘Apoliyoni.’

Nuwogau 9:17

Guna goi osi madi tosowoyayaoyadi agitedi adi kaigigita ame nakae: Tosowoyayadi madi tabodaboda kasikasidi goi siyatoidi, maniyedi kayakayaidi yeu nakae go, maniyedi buruu go, maniyedi yaoyaoidi. Osiyadi bulubuludi moe laiyoni bulubuludi maisiyadi go, yeu sabeninimina, aubowo be poiseni mokauna tobudi goi siisowóduwo.