Nuwogau 7:9 - Buki Kimaasabaina

⁹ Amo dogoiyadi sikavava, e akandobala boda gagaaina agitedi. Geya vatau tayaamo itoboine ikatuyaividi. Tauyadi aba lovina tamo tamo goi, dala tamo tamo goi, boda tamo tamo goi be aníyana tamo tamo goi sima kébana esaaesaina matana goi be nakae matana goi siitaoya. Tomotayadi madi kwama maanawedi be poowoudi go, nimadi goi magimagi libidi siyooisidi.

Nuwogau 7:9 ပူးပေါင်းရင်းမြစ်များ

Aba Vatowo 13:16

Im boda bei akisailidi badabadaaidi! Nakae geya vatau tayaamo itoboine ikatuyaividi.

Aba Vatowo 49:10

Kom mam lovina go, lovinayana bei ikaiyako vata am dala yaina. Koroto tayamo am dalayana goi bei ilovina ana kadókana Tokalibubunayana ima ikalibúbuna be nakae tomota liliudi sopana sikabikaone.

Luke 12:1

Tuta amo goi boda gagaina toina nakona aivina tausani bogina sitaligógana, tauna sivatuvagivagígina. Go yaidi idigo kana, ‘Ami dodōkana kidi goi. Istiyana moe idi pola. Tauyadi sinuwonúwana idi numisa polapola itoboinedi sivamou.

Luke 21:36

E tuta liliuna matami silala koyauyāusa. Imi yausayana goi kokawanōi Yaubada yaina bego kotogaga bei itoboinemi amo mouyadi giyakainava siisowóduwo kosiyaedi be nakae itoboinemi Tomalatomota matana goi kotaoya.’

Iyoni 12:13

Tuwo magimagi libidi sikabidi, asa goi sisowóduwo sima Tauyana sivalobode. Sima siiduduwo kadi, ‘Tauyana yoina takilagāsi! Tauyana ! Tauyana kita ida Tokalibúbuna!’ Same 118:25-26

Roma 11:25

Moitamo bei isavimneidi. Segowo, geya latuwogu bego Yaubada ina nuwogau ame kotamogemogeye, govila bei mami nuwatue toinimi imi nuwonúwana goi konuwonúwana komi tonanamsa. Nuwogauyana ame nakae: Bego Isileli tubunao maniyedi yaidi goi dabakasa ikaaiyaka ana kadókana Totuyoyowo adi duduwo bogina ikavava.

Epeso 6:13

Moe pasina tauna Yaubada konana yaviya konanidi madabokidi kokabīdi bego tuta goyogoyoina goi itoboinemi kovadókana. Aiyuwoina tutayana bogina kokatubayasi, kotaoyakavāta.

Iberiu 11:12

Tauna Eberamo koroto tayamo wowona bogina ipanunu nakae go, tauyana yaina goi boda gagaina toina isusáila. Bodayadi adi badabada yábana utunaina ana badabada nakae be nakae ediédila ana badabada mamaya goi nakae.

Iberiu 12:22

E moe geya komi nakae geya, go sem komi bogina koma Saiyoni Koyaina goi. Moe Yaubada maa yawoina ina kasa o tadigo kada, ‘Yerusalema yabanina.’ Aiyuwoina bogina koma badabadaaidi guugunidi madi uyáwana yaidi goi.

Nuwogau 11:15

Amo ikavava, anerose ainima aiyuwoina ina síula iuwe, e yábana goi níyana gagaidi sidigo kadi, ‘Ame tuta da poyapoya idi lovina bogina ikavava! Ida Tomoya bogina sietokalibúbuna. Bei sikalibubuna vata: Ame tuta be nakae tuta simamaima.’

Nuwogau 22:3

Tuwo amoko goi Yaubada ina katubolata bei ikavava. Go asayana goi Yaubada be Lamiyana kebadi esaesa ikaaiyaka, e Yaubada ina bei sitaimámina Tauyana yaina.

Nuwogau 3:18

Tauna akatuliwolemi maavadaina yeu goi yaigu kogimōne bego koetoesaesa. Kwama poowoudi kogimonēdi bego kokotedi, imi pawaku ina omayamaya ana tabodaboda. Mátana ana medisini kogimōne be matami komigīdi bego kogita dókana.

Nuwogau 4:4

Ago kébana esaaesaina adi badabada tuwentipoa (24) situkobu, yatadi goi tomoyamoya adi badabada tuwentipoa (24) situlaagalaga, tauyadi madi kwama poowoudi be madi dabayogigi esaaesaina dabadi goi.

Nuwogau 5:11

Sivesi ikavava, akandobala anerose badabadaaidi niyadi anovedi. Adi badabada aivina tausani nakae; geya itoboineguta akatuyaividi. Aneroseyadi agitedi Tolovina kebanayana, dogoiyadi maa yawoidi be nakae tomoyamoyayadi sitaoyaakobudi go, anovedi,

Nuwogau 5:9

Sisaakululu go, vesi vau sivesiye kadi, ‘Boi kom bogina sikaumatem be nakae ikaikaim goi tomota kutakonedi Yaubada manuna. Tomotayadi moe dala liliudi, aníyana liliudi, boda liliudi be nakae kantri liliudi yaidi goi kulamgogoidi sieboda tayamo. Nakae kuguinuwe bei kidi Yaubada ina bodayauwo goi sikaaiyaka be nakae kidi Yaubada ina togudalayao. Tuwo poyapoya goi bei sikalibúbuna. Tauna kom mam lovina itoboinem bukiyana kwabi be ana kaba kaipaki kukitakidi.’

Nuwogau 6:11

Tuwo tamo tamo adi kwama maanawedi be poowoudi ivinidi. Ikavava, ilatuwokoidi idigo kana, ‘Itoboine tuta kaakupina kowaiwasi ana kadókana imi kaleyayao sina semiyao sikaumatedi nakae boi komi sikaumatemi Yaubada ina livala ana talavaita pasina. Go semiyaoyadi Yaubada ina adi badabada bogina yoiyana, baige togoyoidiyadi adi katumapu sibabane.’

Nuwogau 7:8

Dala Sebuloni goi tuwero tausani (12,000). Dala Iyosepa goi tuwero tausani (12,000). Dala Beniyamina goi tuwero tausani (12,000). Tauna nakae madabokidi katukatuyana dabadi goi sikaupakiyedi.