Nuwogau 7:3 - Buki Kimaasabaina

³ idigo kana, ‘Taabu poyapoya, négwasa be alova kobuugoyāidi ana kadókana ida Yaubada ina dabadi goi katukatu bogina kakaupakiyedi!’

Nuwogau 7:3 ပူးပေါင်းရင်းမြစ်များ

Tateta 12:13

Lamiyadi ikaikaidi moe komi ami kaba kinana vadayadi goi kokaaiyaka. Tutayana ikaikayana agite, bei abasitaoimi, tuwo komi geya kada tayaamo vísiya bei iwo ilauimi geya, tutayana da Itipita alauidi.

Tateta 12:23

Yauwe Itipita goi bei isiu ivaníbita, e da Itipita ilauidi. Go tutayana ikaikayana ida vada totomdi dadavina dadavina be diligaemaina goi igite, e vadayadi bei ibasitaoidi go, ina tómtula geya itagoneyeta isiu ilauida.

Madiu 24:22

Neta maliyalinayadi Yaubada geya ikatukakupidita, e geya vatau tayaamo ana yava bei ibabane. Go ina kinavayao pasidi moitamo ikatukakupidi.

Madiu 24:31

Síula bei iuwe, e ina bei ietunedi sina poyapoya ana madabokina goi ina kinavayao sitaligogoidi.

Iyoni 12:26

Avatauwa neta latuwodi bego yau guna tovaita, itoboine sisabokuuliyegu. Nako goi akaaiyaka, amoko goi bei guna tovaita nakae ikaaiyaka. Avatauwa neta sivaaitegu, Tamagu bei iwowooinedi.’

Iyoni 3:33

Avatauwa neta ina talavaitayana siuyaone, e sikamoitamo bego Yaubada .

Roma 6:22

E ame tuta go Yaubada goyo ana togaga yaina goi bogina italigeimi go, komi Yaubada ina pakonayao. Tauna keuwoimi kobabane moe kimaasabaimi Yaubada umana namlieta yawoimi vata kobabane.

Nuwogau 13:16

Tuwaina tomota liliudi, tauyadi youtagau be tauyadi maa yoidi gagaidi, guyaguyauwo be tookaidi, tauyadi be tauyadi taliigavidi, e madabokidi woiwoi aiyuwoina ilovinaedi bego nimakakataidi o dabadi goi katukatu sikaupakiyedi.

Nuwogau 13:17

Aiyuwoina ilovinaedi bego avatauwa madi katukatu itoboinedi kónana sigimona o sikaigimona. Ago avatauwa neta katukatuyana geya sikaupakiyedita, amo tauyadi geya itoboinedita siigimona o sikaaigimona ana kadókana katukatuyana mainao nimakakataidi o dabadi goi sikaupakiyedi. Katukatuyana moe woiwoi vakuumgoina yoina o yoina ana namba.

Nuwogau 14:1

Amo ikavava, akandobala, agite mana bodao Saiyoni koyaina yatana goi siitaoya. Bodaoyadi ana badabada tayamo andedi potipoa tausani (144,000). Dabadi goi Lamiyana yoina be nakae Tamana yoina sikaaiyaka.

Nuwogau 14:9

Amo ikavava, aneroseyadi aiyuwo mlidi goi anerose aitonina ima niyana gagaina goi idigo kana, ‘Avatauwa neta sisaakululu woiwoiyana be nakae ina tokwalu yaidi o ina katukatu dabadi goi o nimadi goi sikaupaakiyedi,

Nuwogau 19:2

Ida yapaliyana unana ina takínona kivaavasaina be mooitamoidi. Ina takinonayana ame nakae: Tomatagogoli gagaina boi ina masisi goyogoyoina goi da poyapoya ibugoyaidi, tuwo Yaubada itakino toogoyoina. Tomatagogoliyana nimana goi Yaubada ina ikaikaidi sikaaiyaka, tuwo Yaubadayana ikatumapu. Tauna Tauyana ina takinonayana pasina tayapalīye!’

Nuwogau 20:4

Amo ikavava, kébana esaaesaidi agitedi go, tauyadi yatadi goi situlagalaga madi tagona silovina. Aiyuwoina tomotayadi balomaidi agitedi. Boi adi kaleyayao sitaoya, nukotodi sikupoidi unana taiyao siilovina tala tayamo tausani (1,000) goi.

Nuwogau 22:4

Tauyana maisina bei sigite go, Tauyana yoina dabadi goi bei ikaaiyaka.

Nuwogau 6:6

Dogoiyadi adi taivasi nauyayanaidi goi níyana tayamo anove tomota niyadi nakae, idigo kana, ‘Loga gagaina bei isowóduwo. bwaena taabu kubuugoyāidi!’

Nuwogau 7:1

Amo dogoiyadi bogina sikavava, adi taivasi agitedi poyapoya ana dadava; dadavavasi goi siitaoya go, yágira aivasi siyooisidi bego yagirayadi geya itoboinedita sitowo poyapoya goi, négwasa goi be alova goi.

Nuwogau 7:2

Ituli ta anerose agite bomatu dadavina goi ituko ima go, tauyana Yaubada maa yawoina ina katukatu ana kaba láuwo iikavale. Niyana gagaina goi iduduwo, aneroseyadi adi taivasi madi tagona poyapoya be négwasa sibuugoyaidi, e ilatuwokoidi

Nuwogau 9:4

Ivinidi ikavava, ilatuwokoidi idigo kana, ‘Limou, alova be nakae kaga vakalakalaoina taabu kobuugoyāidi, go sem avatauwa neta guna katukatuyana dabana goi geya, e amo tomotayadi mami tagona kobugoyaidi.’