Nuwogau 6:12 - Buki Kimaasabaina

¹² Tutayana Lamiyana aba kaipaki ainima tayamoina ikitaki, akandobala, e nikuniku gagaina isowóduwo. Tuwo níyala ikamamaníwana kwama kalaakovina toina nakae. Tukówana madabokina ivakayakaya ikaika nakae.

Nuwogau 6:12 ပူးပေါင်းရင်းမြစ်များ

Madiu 11:21

‘Komi da Korasini be komi da Betesaida konovēgu! Da Taya be da Saidoni tomota goyogoyoidi. Neta guna guinuwa toogagaidi boi komi bogina koogitedi kidi nakae sigitedi, boi nimatu e, bogina situgavila go, idi tugavilayana ana kaba kinana siguinuwe moe silosidi be selekau dabadi goi siyatoidi. Komi boi itoboinemi nakae kotugavila go, geya koguinuweyeta. O komi da Korasini be da Betesaida ami toovalugo!

Madiu 24:29

E mouyadi adi maliyalina mlidi goi geya mgoninamo ame nakae bei isowóduwo: Níyala bei ikamamaníwana, tukówana ina mavada bei isayata, utuna yábana osasaina goi bei sisou be nakae baloma toogagaidi yábana osasaina goi Yaubada bei ikiikudi.

Madiu 24:7

Ame moitamo. Nava bei ta boda ta boda sitaoya taiyao sivayaviya. Nakae ta kaba lovina ta kaba lovina bei sitaoya taiyao sivayaviya. Asa liliuna goi loga bei sisowóduwo be nakae nikuniku sitátava.

Madiu 27:45

E bogina dine, asa madabokina ikamamaníwana go, amamaniwanayana ikaaiyaka ana kadókana lavilavi.

Madiu 27:54

E kina go tovayaviya adi tovakumgo taiyao sikaaiyaka Yeisu simataakavate go, nikuniku be nakae kaga liliuna sisowóduwo sigitedi, tuwo sikainaopa gagaina kadi, ‘Moitamo, ame Tauyana Yaubada Natuna.’

Madiu 28:2

Sima go, matabuwona nikuniku gagaina itátava. Bogina kuyagoi. yábana goi bogina isou ina tukubuyana ana kauboda gurewa ipuli. Ikavava, gurewayana yatana goi itulaga, ikaaiyaka.

Maki 15:33

Bogina dine, asa madabokina ikamamaníwana go, amamaniwanayana ikaaiyaka ana kadókana lavilavi.

Nuwogau 11:13

Amo tutayana goi nikuniku gagaina itátava go, asayana dadava tayamo itauwe go, dadava ainima aivasi dedevidi. Ago nikunikuyana goi tomota ana badabada ainima aiyuwo tausani (7,000) sikámasa. Go ava tomotava nava maa yawoidi simatoita gagaina, e Yaubada totobukukui yábana goi ina togaga ana sikamoitamoe.

Nuwogau 16:18

Tuwo ávila, butukáwana gagaina, palapala be nakae nikuniku gagaina sisowóduwo. Boi nimatu tutayana tomota poyapoya goi sigimisowóduwo go, ima ame tuta geya tayaamo nikuniku ana togaga nakae amo nikunikuyana ana togaga; nikuniku gagaina toina.

Nuwogau 16:8

Iya go anerose aivasina itaoya ina níyala goi ina noko ikalisiwoi. Tuwo mana tagona yeu goi tomota isupidi.

Nuwogau 8:12

Iya go anerose aivasina ina síula iuwe, níyala dadava tayamo be tukówana dadava tayamo ibugoyaidi go, dadava aiyuwo dedevidi. Utuna nakae, neta tawotaidi kiwota aito, e kiwota tayamo ibugoyaidi go, aiyuwo dedevidi. Tauna maliyalina tayamo neta tawotai kiwota aito, e kiwota tayamo níyala geya ininimeta go, kiwota aiyuwo sininínima. Sabamgo nakae, kiwota tayamo tukówana be utuna geya sininimeta go, kiwota aiyuwo sininínima.

Nuwogau 8:5

Ikavava, insensi ana kaba kaigábuna ikabi, pokova aba kasalayana goi ikabidi, aba kaigabunayana goi idodoidi. Idodoidi, ilavedi sisou poyapoya goi. Tuwo palapala, ávila, butukáwana be nakae nikuniku amoko goi sisowóduwo.