Nuwogau 5:8 - Buki Kimaasabaina

⁸ Tutayana ikabi, dogoiyadi adi taivasi maa yawoidi be nakae tomoyamoyayadi tuwenti poa (24) sikanakabobo Lamiyana matana goi sisakululu. Tomoyamoyayadi tamo tamo madi . Insensiyadi moe Yaubada ina kimasabayao idi kawanoi.

Nuwogau 5:8 ပူးပေါင်းရင်းမြစ်များ

Iyoni 1:29

Vanuwo itomo Iyoni ikandobala, Yeisu igite imamaima, tuwo tomota ilatuwokoidi idigo kana, ‘Gwa! Yaubada ina ! Tauyana kita da poyapoya liliuda ida goyo ikabidi ikalavedi.

Iyoni 5:23

bego tomota liliudi siwowoine nakae Tamana bogina siwowoine. Avatauwa neta Natuna geya siwowoineyeta, e nakae ina Toetuna, moe Tamana, geya siwowoineyeta.

Iberiu 1:6

E tuwaina, tutayana Yaubada ina totubukumgo ivamoleye ima poyapoya ame goi, Yaubada idigo kana, ‘Latuwogu guna aneroseyao madabokidi Tauyana yaina sisakulūlu.’ Same 97:7

Nuwogau 13:8

Da poyapoya liliudi bei woiwoiyana yaina sisaakululu. Amo da poyapoyayadi yoidi Yaubada ina madágina kunu goi go, ima ame tuta goi yawana vata bukina sinaena geya iginidita. Amo bukiyana moe ina buki. Lamiyana boi nimatu sikaaumate.

Nuwogau 15:2

Amo ikavava, akandosobu dogoi tayamo agite ana kaigigita négwasa daaumorina gerasi momooyasuna nakae go, yeu sabeninimina taiyao. Negwasayana kikina goi tomota siitaoya agitedi Yaubada ivinidi sikaavaledi. Tauyadi boi woiwoi sitogagasave. Moe nakae ina tokwalu yaina goi geya sisakululuta be tauyana yoina ana namba geya sikabiyeta.

Nuwogau 15:7

Dogoi maa yawoidi adi taivasi sikaaiyaka go, tayamo itaoya Yaubada, Tauyana Tokaiyako vata, ina egamogamogu ma nokoidi ainima aiyuwo goura ikabidi, aneroseyadi ainima aiyuwo ivinidi.

Nuwogau 19:4

Tuwo tomoyamoyayadi tuwenti poa (24) be nakae dogoi maa yawoidi adi taivasi aedi sivatugúyala Yaubada kebana esaaesaina goi itulagalaga sisakululu, sidigo kadi, ‘E nakae! Yauwe kayapaliyem!’

Nuwogau 4:10

Tutayana nakae siguinuwe, e tomoyamoyayadi tuwentipoa (24) aedi sivaatugúyala kébana ana totusobu yaina. Totusobuyana moe Tokaiyako vata, e yaina goi sisaakululu. Idi sakululuyana goi idi lovina dabayogigina esaaesaina dabadi goi sikabidi, Tauyana kebana matana goi sikaisobuyedi, e sivesi kadi,

Nuwogau 4:4

Ago kébana esaaesaina adi badabada tuwentipoa (24) situkobu, yatadi goi tomoyamoya adi badabada tuwentipoa (24) situlaagalaga, tauyadi madi kwama poowoudi be madi dabayogigi esaaesaina dabadi goi.

Nuwogau 4:6

Nakae matana goi dogoi tayamo ikaaiyaka ana kaigigita négwasa daaumorina gerasi momooyasuna nakae, e inamanámala go, maavadaina toina. Kebanayana kikina goi dogoi maa yawoidi adi taivasi sitaaoyakobu go, sakavaidi madabokina mátana kaka.

Nuwogau 4:8

Dogoiyadi maa yawoidi adi taivasi tamo tamo ma panepanedi ainima tayamo. Sakavaidi goi be nakae panepanedi ogalaoidi goi mátana kaka. Tuwo tuta liliuna, maliyalina be sabamgo, sivesivesi kadi, ‘, iya toina. Tauyana Tokaiyako vata: Boi nimatu ikaaiyaka, ame ikaaiyaka nakae nava bei ikaaiyaka.’

Nuwogau 5:11

Sivesi ikavava, akandobala anerose badabadaaidi niyadi anovedi. Adi badabada aivina tausani nakae; geya itoboineguta akatuyaividi. Aneroseyadi agitedi Tolovina kebanayana, dogoiyadi maa yawoidi be nakae tomoyamoyayadi sitaoyaakobudi go, anovedi,

Nuwogau 5:12

niyadi gagaina goi sivesivesi kadi, ‘Lamiyana boi bogina sikaumate itoboine togaga, esaesa, nanamsa, alika, wowoina, taimámina be nakae auyagu ibaabanedi!’

Nuwogau 5:14

Sivesi ikavava, dogoiyadi maa yawoidi adi taivasi sidigo kadi, ‘U nakae.’ Kidi go tomoyamoyayadi aedi sivatugúyala sisakululu.

Nuwogau 5:6

Tolovina kebana esaaesaina kikina goi go, dogoiyadi maa yawoidi adi taivasi be nakae tomoyamoya nauyayanaidi goi adi badabada moe ainima aiyuwo be nakae matana adi badabada moe ainima aiyuwo. Matanayadi moe Yaubada Balomainao ainima aiyuwo bogina ietunedi sina poyapoya ana madabokina goi.

Nuwogau 6:1

Sivesi ikavava, agite tutayana aba kaipaki tayamo buki goi ikitaki go, dogoiyadi maa yawoidi adi taivasi yaidi goi tayamo niyana anove palapala nakae idigo kana, ‘Kūma!’