Nuwogau 5:5 - Buki Kimaasabaina

⁵ Ataitáiya go, tomoyamoyayadi yaidi goi tayamo ilatuwokoigu idigo kana, ‘Taabu kutaitāiya. Kunōve! Devida tubuna Toolagaina sivayoko . Tauyana ma Yuda boi ina kaleyayao itogagasavedi, tauna mana lovina itoboine bukiyana ana kaba kaipaki ikitakidi, ikimalelei bei sinaena igite kaga ikaaiyaka.’

Nuwogau 5:5 ပူးပေါင်းရင်းမြစ်များ

Luke 23:28

E kina Yeisu itaoya, itugavila vevinayadi ilatuwokoidi kana, ‘Yerusalema vevinaimi, tuta simamaima bei mou gagaidi sisowóduwo, e tomota bei sidigo kadi, “Avatauwa komi vevina neta kaagalimi o geya natumimo, ami dedevina bogina kobabane.” Tauna taabu kotaitāiya yau manugu, go sem toinimi manumi be nakae natumiyao manudi kotāiya.

Luke 7:13

Tomoya ivalobodedi go, kobuyayana igite, inuwokapisiye idigo kana, ‘Taabu kutaitāiya!’

Luke 8:52

Ego gomanayana manuna boda madabokidi sitaitáiya be nakae sitaiyamsimsi. E Yeisu ilatuwokoidi idigo kana, ‘Taabu kotaitāiya. Gomanayana geya ikamaseta, go sem ikanaamatáiya.’

Iyoni 20:13

Tuwo Meriyana silatuwoko kadi, ‘Vavina, kaga unana kutaitáiya?’ ‘Guna Tomoya sikabi sinave go, geya ayagoiyeta nako goi siyato’, Tauyana kaena.

Roma 1:3

Valayana moe Natuna Valena. Sakava goi Natunayana ibíbina Devida ina yaina.

Roma 15:12

Aiseya nakae, idigo kana, ‘Diyesi tubuna tayamo bei ibíbina. Tauyana bei itaoya, Totuyoyowo ikalibubudi, e manuna bei siilotuta.’ Aiseya 11:10

Iberiu 7:14

Ame moitamo. Bogina tayagoi ida Tomoya tubuna moe Yuda go, ame dalayana manuna geya tayaamo kaga Mosese idige bego koroto amo dalayana goi itoboine ietonúwala.

Nuwogau 1:1

Buki ame moe Yaubada ina nuwogau , Tauyana ina pákwana, yaigu, e aba kinana goi nuwogauyadi ivatulukoigu.

Nuwogau 22:16

Tuwaina idigo kana, ‘Yau Yeisu guna anerose bogina aetune iwo yaimi bei moe talavaitayadi italavaitedi komi Yaubada ana totugugunayao yaimi. Yau Devida ina tayamo, tauyana yau tubugu. Yau kubona tapaasigigu.’

Nuwogau 3:21

Avatauwa komi neta kootogaga, bei atagonemi yau taiyao kebagu esaaesaina goi tatulaga talovina nakae boi yau atogaga, e Tamagu kebana esaaesaina goi yau taiyao katulaga kaalovina.

Nuwogau 4:10

Tutayana nakae siguinuwe, e tomoyamoyayadi tuwentipoa (24) aedi sivaatugúyala kébana ana totusobu yaina. Totusobuyana moe Tokaiyako vata, e yaina goi sisaakululu. Idi sakululuyana goi idi lovina dabayogigina esaaesaina dabadi goi sikabidi, Tauyana kebana matana goi sikaisobuyedi, e sivesi kadi,

Nuwogau 4:4

Ago kébana esaaesaina adi badabada tuwentipoa (24) situkobu, yatadi goi tomoyamoya adi badabada tuwentipoa (24) situlaagalaga, tauyadi madi kwama poowoudi be madi dabayogigi esaaesaina dabadi goi.

Nuwogau 5:4

Tuwo atáiya gagaina unana geya vatau tayaamo mana lovina itoboine bukiyana ikimalelei be nakae igite kaga sinaena ikaaiyaka, tauna atáiya.

Nuwogau 6:1

Sivesi ikavava, agite tutayana aba kaipaki tayamo buki goi ikitaki go, dogoiyadi maa yawoidi adi taivasi yaidi goi tayamo niyana anove palapala nakae idigo kana, ‘Kūma!’

Nuwogau 7:13

Tomoyamoya yaidi goi tayamo ilumadadegu idigo kana, ‘Amo tauyadi adi kwama maanawedi be poowoudi avatauwa? Nako goi sima?’