Nuwogau 3:20 - Buki Kimaasabaina

²⁰ Konōve! Yau imi totom goi aataoya akaukeeyakeya. Avatauwa komi neta niyagu konove be imi totomyadi kokatupaevedi, e imi vada goi bei asiu yau komi taiyao takáika vavasa.

Nuwogau 3:20 ပူးပေါင်းရင်းမြစ်များ

Madiu 24:33

Moe tauna komi nakae. Tutayana amo mouyadi liliudi koogitedi, e koyagōi Tauyana totom goi ikaaiyaka.

Luke 17:8

Go sem bei kolatuwoko ame nakae kami, “Avagu kuvaipōlu. Ikavava, am kwama dedevina kulōsi, kuvaidēda bei akáika nakae anim. Akáika ikavava baige kom kwāika be kunīm.”

Iyoni 10:3

Ame tauyana manuna totom ana tomatakavata sipi idi kali ana kaba siu ikatupáeve. Sipi ana torugwautayana toinina ina sipiyao niyana sikinane; tauyana yoidi tamo tamo ivaatoidi iduuduwedi simamaima be ivaakededi siisowóduwo.

Yemesa 5:9

Imi mou goi taabu semiyao kokuuluīdi, segowo, govila bei takínona ana tuta goi liuna kobabane. Konovēgu! Totakinonayana bogina iyookabúbuna, totom goi iitaoya.

Nuwogau 19:9

Amo ikavava, ilatuwokoigu idigo kana, ‘Livala ame kugīni kam, “Avatauwa komi neta Yaubada iduduwemi Lamiyana ina nai aikanina manuna, e ami dedevina bei kobabane.”’ Tuwaina kana, ‘Ame livalayadi moe Yaubada ina livala mooitamoidi!’