Nuwogau 2:3 - Buki Kimaasabaina

³ Bogina aayagoi komi komesayágana. Mou kobabanedi unana yau yoigu ikaaiyaka yaimi go, geya kotameyeta.

Nuwogau 2:3 ပူးပေါင်းရင်းမြစ်များ

Maki 15:21

E sinavenave go, enao goi koroto tayamo guma Sairini sibabane yoina Saimoni. Saimoniyana Alekisanda be Rupuso tamadi. Tauyana ina tánuwo goi imamaima. Imamaima go, tovayaviya siyoisi, silovinae bego Yeisu ina kerose ikavale.

Luke 14:27

Avatauwa neta geya sitagoneta bei toinidi idi kerose sikavale be nakae sisabokuliyegu, geya itoboinedita bei simalatovatotówana yau yaigu.

Luke 18:1

E livalakaibala ilatuwokoidi go, ivatulukoidi awanoi goi taabu nukotodi sitopatōpa, go sem tuta liliuna sikaawanoi.

Luke 21:19

Imi taoyakavata goi yawoimi vata bei kobabane.

Luke 5:5

Go kina Saimoniyana idigo kana, ‘Go Tomoya, sabamgo ana madabokiina goi kapooisógana go, geya kada tayaamo kaga kakone geya. Go kom im livala pasina ima úwata bei kalavedi.’

Luke 8:15

E kidi go kutukutuyadi poyapoya dedevina goi sisou sitabo, moe nakae tomota maniyedi neta ma katedi dedevidi Yaubada ina livala sinovedoko, siyoisikavate be madi meesayágana sikeuwo dókana.’

Iyoni 15:21

go sem moe dogoiyadi bei siguinuwedi yaimi goi unana yau yoigu ikaaiyaka yaimi. Idi guinuwayadi unana guna Toetuna geya siyagoiyeta, tauna nakae siguinuwe.

Roma 12:12

Imi lotuta ami yava pasina kouyaōne. Imi mou goi koaaramāitana. Kokasalēmi awanoi goi.

Roma 16:12

Guna yabobona Terupaina be Teruposa yaidi. Vevinayadi ida Tomoya manuna sipoisógana gagaina. Guna yabobona ida kalo Pesisi yaina. Vavinayana ida Tomoya manuna ipoisógana gagaina.

Roma 2:7

Avatauwa neta madi mesayágana be madi guinuwa dedevidi Yaubada ina taimámina be ina wowoina be aiyako vata sisokiikinedi, e yawoidi vata bei sibabane.

Roma 8:25

Go neta kaga geya tagiteyeta talotutae, e mada mesayágana be mada uyáwana tatuuyaosi.

1 Korinta 13:7

Tomatakoi vaita goi geya ikawoowoteya, ina numisa tomota yaidi geya iikalave, ina lotuta tomota adi dedevina manuna geya iikavava, be nakae tomota idi guinuwa pasidi nuwona geya itopatopa.

1 Korinta 16:16

bego komi nakae kokasalēmi tauyadi yaidi be nakae ava tovaita tauyadi nakae neta sipaaisewa o Yeisu manuna sipooisógana yaidi goi.

2 Korinta 10:15

Ituli ta boda idi poisógana ta kaba lovina goi manuna geya kagagaseta. Ego tutayana imi numisa ibibíbina, kalotuta bego itoboinema imi vaita goi ima paisewa kakidedede gagaina nakae ama lovina ana tagona,

2 Korinta 11:23

Manakae? Kidi bego ina tovaitayao? Yau ina tovaita moitamo toina. (Ame guna bóbwara goi nakona dabagu bogina igoyo!) Go akalisavedi ame nakae: Guna poisógana Guyau manuna atogagasavedi. Deri goi akaaiyaka tuta badabadaina go, kidi geya. Agu láuwo sivavina ababanedi, geya ayagoiyeta. Tuta badabadaina giyakainava bei akámasa go, kidi geya.

2 Korinta 4:1

Moe pasina nukotoma geya itopeta unana ame ama kawoi Yaubada ina nuwokapisi goi inumisema ivinima kaguuinuwe, tauna nukotoma geya itopeta.

2 Korinta 4:16

Tauna nukotoma geya itopeta, go sem nakona wowoda sidaudáura go, maliyalina tamo tamo nuwoda Yaubada iyoolimedi.

2 Korinta 5:9

Tauna nakona ida vada wowoda goi takaiyaka o takalave go, ida nuwonúwana gagaina bego Yaubada tavauyaone.

2 Korinta 6:5

o ama láuwo goi, o ima tuta deri goi, o ama vakaleya goi, o ima poisógana gagaina goi, o nakae geya kamasiisi dókana, o ima loga goi. Go madabokidi goi mama togaga.

Galetiya 6:2

Semiyao adi mou goi kovaitēdi. Neta moe nakae koguuinuwe, e ina lovina bogina kokiibobosi.

Galetiya 6:9

E taabu ida guinuwa dedevidi goi takawoowotēya. Neta nukotoda geya itopeta, e tuta Yaubada iupae goi ida dibayoya dedevina bei tababane.

Pilipai 2:16

unana ina Maliyalina goi yau itoboinegu aedidigu bei asamolai bego guna paisewa yaimi goi vavalákuna nakae geya kada alokoina besobeso o guna poisógana yaimi goi geya keuwoinamo geya.

Pilipai 4:3

U, nakae. Kom guna tosavaiyuwo be guna kalo, kom nakae akawanoiyem ame vevinayadi kuvaitēdi bei nuwodi tayamo. Ame vevinayadi, Kerementi be guna tosavaiyuwo liliudi taiyao bogina sivaitegu guna tokuma manuna. Moe tauyadi yoidi yawana vau bukina goi sikaaiyaka.

Kolose 1:11

ina togaga madabokina goi ikitogagemi nakae ana tomoeeyalina ana togaga ana kakainaki. Moe nakae bego itoboinemi tuta liliuna imi egamogamogu manukaina, kotaoyaakavata nakae ina togaga ana kakainaki be mami uyáwana

1 Tesalonáika 1:3

komi imi paisewa imi numisa pasina be imi poisógana imi yaina pasina ida Yaubada Tamada matana goi kanuwokaavatedi.

1 Tesalonáika 2:9

Ame moitamo, segowo. Neta konuuwaisi ima poisógana be ima valitulítuwo yaimi goi. Sabamgo be maliyalina toinima nimama goi kapaaisewa bego ami yogala geya kayatoeta go, Yaubada ina Vala Dedevinayana katalavaite yaimi goi.

1 Tesalonáika 5:12

E kakawanoi yaimi, segowo, avatauwa yaimi goi neta idi ida Tomoya taiyao pasina sipooisógana be sivakumgooiyemi be nakae sikatusiinapumi, e kowowooinēdi

2 Tesalonáika 3:13

E komi go semaoyami guinuwa dedevina manuna taabu kokawoowokāi.

2 Tesalonáika 3:5

Kakawanoi Yaubada yaina bego ida Tomoya nuwomi ivaakededi, e bei komaatakoi nakae Yaubada imaatakoi be nakae kotaoyaakavata nakae boi itaoyakavata tutayana tomota siyogeedegede.

2 Tesalonáika 3:8

Toinima avama manuna kaeemaisimi. Geya tayaamo kaga komi yaimi kakaabibeso, go sem mama poisógana be mama valitulítuwo sabamgo be maliyalina goi kapaaisewa, govila bei ami yogala kayato.

1 Timoti 4:10

Mae manuna mada salau tapooisógana be taakokoila! Bogina kuyagoi. Taalotuta Yaubada maa yawoina bei iguinuwe nakae idige. Tauyana tomota liliudi adi Toyava. Go moe moitamo toina kita ana tonumisayao manuda.

1 Timoti 5:17

Imi tugúguna ana tovakumgoyao neta sivakumgo dókana, kowowoinedokōidi be koemaisīdi. Ame moitamo toina neta madi poisógana Yaubada ina livala siliwolae be nakae sivatulúkwana.

Iberiu 10:36

Neta latuwomi ami vaiwowanayana kobabane, itoboinemi komesayágana bego tutayana Yaubada ina nuwonúwana bogina koguinuwe, kaga ikaatotule bei kobabane.

Iberiu 12:1

Tauna kita nakae mada kaba gita amo tauyadi badabadaidi goi. Kidi moe numisa ana totalavaitayadi yábana goi sitaoyakobuda gaota nakae. Tauna goyo aba sanaboda nakae taabu taadanīda, e kwama nakae tavalilivīdi takalavēdi go, mada mesayágana vavalákuna matada goi taalokōine.

Iberiu 13:13

Tauna ida tunagu goi tasowōduwo, e Tauyana moetala goi tanōko ada yava manuna go, mada tagona aba omayamaya talotōwo Tauyana nakae.

Iberiu 6:10

Ame moitamo. Yaubada Totakinona vavasa, tauna imi paisewa be nakae imi Tauyana yaina goi geya inuwoilavedita. Matakoiyana bogina kovagitakoe tutayana Yaubada ina kimasabayao boi kovaaitedi be nakae ame tuta nava kovaaitedi.

Iberiu 6:12

Moe nakae kopooisōgana, govila bei kosumoya. Geya latuwogu kosumoya, go sem tauyadi madi numisa be madi mesayágana atótula keuwoidi sibaabanedi kovatotoowonedi.

Iberiu 6:15

Tuwo Eberamoyana mana mesayágana ituyáwata go, kaga Yaubada ikaatotule, e keuwoina Eberamo ibabane.

2 Pita 1:6

E imi nanamsayana goi toinimi imi kabikúnuwo kovaaitūwe. E imi kabikunuwoyana goi imi mesayágana kovaaitūwe. E imi aramaitanayana goi yábana sinapuna kovaaitūwe.

Nuwogau 1:9

Yau Iyoni, siyami be nakae imi tosavaiyuwo ida Yeisu taiyao pasina ame nakae: Ada gedageda tayamo, ida Tomoya ina kalibúbuna goi taiyao takaaiyaka be nakae ida mesayágana tayamo ida mou pasina. E, boi tomota siyoisigu, sinavegu simla Patimo goi sikaisobuyegu akaaiyaka unana Yaubada ina livala, moe Yeisu ina talavaita, ataalavaite.

Nuwogau 3:10

Guna livala mesayágana manuna bogina koyoisiikavate, tauna yau nakae nava vakakona ana tuta bei ima poyapoya ana madabokina goi da poyapoya adi vakakona sibabane, go komi sem bei vakakonayana yaina goi avagagalemi.