Nuwogau 2:25 - Buki Kimaasabaina

²⁵ Go lovina tayamo toito avinimi moe koyoisiikavāte ana kadókana akaluvilamna ao.

Nuwogau 2:25 ပူးပေါင်းရင်းမြစ်များ

Iyoni 14:3

Neta ana imi kaba kaiyakoyadi akatubayasidi, niga bei akaluvilamna ama akabimi yau yaigu goi kokaaiyaka bego nako goi yau akaaiyaka, e komi taiyao takaaiyaka.

Guinuwa 11:28

E tokabivalavalayadi yaidi goi tayamo yoina Agabo. Tauyana itaoya, Baloma Kimaasabaina goi itaalavaita idigo kana, ‘Loga gagaina moitamo ina kaba lovina madabokina goi bei isowóduwo.’ Ame logayana isowóduwo Sisa Kiladiyasi ina lovina ana tuta sinaena.

Roma 12:9

Ame guna lovina yaimi goi. Komatakoi dōkana ame nakae: Kaga goyogoyoina kokatāe. Kaga dedevina koyoisiikavāte.

1 Korinta 11:26

Bogina koyagoi. Tuta tamo tamo beredi ame takakáika be keiga goi tanimnim, moe nakae ida Tomoya ina kámasa tatalavaite ana kadókana ikaluvilamna ima.

1 Korinta 4:5

Tauna geya vatau tayaamo kootakīno. Ame tuta geya Tomoya ina tuta toina geya. Ina tuta toinayana moe bei ima toinina itakínona. Kaga liliuna vamoounidi mamaníwana goi sikaaiyaka bei itapasigidi. Nakae tomota idi nuwogau bei ikaiwoduwedi. Moe tutayana Yaubada tomota tamo tamo idi paisewa manudi bei iyapaliyedi. Tauna ame tuta taabu kootakīnona.

1 Tesalonáika 5:21

E kaga liliuna kovakakonēdi. Kaga neta dedevina, koyoisiikavāte

Iberiu 10:23

Ida lotuta Yeisu yaina goi takamooitamoe, geya ida nanayuwomo tayoisikavāte. Tauyana ada tokatótula moe . Tauna ida lotuta Yeisu yaina tayoisikavāte.

Iberiu 3:6

E kina go aba numisa, tuwo Yaubada ina vada irugwausidoko geya kada kitom nakae geya, go sem Natuna nakae. Vadayana moe kita, neta moitamo ida katepatu Yaubada yaina manuna be nakae ida uyawana gagágasa ida lotuta ina katótula manudi tayoisikaavatedi.

Iberiu 4:14

E kita mada Toolagaina; Tauyana Yeisu, Yaubada Natuna, bogina ituko yábana. Tauna ame takamoitamōe go, ida kamoitamoyana tayoisiikavāte.

2 Pita 3:10

E moitamo bei ima go, tovaináwana nakae bei ivatoopa. Maliyalinayana goi kaga liliuna yábana osasaina goi ma buutukáona gagaina bei sisáwala. E poyapoya ame Yaubada bei yeu goi ikaigoyai go, kaga liliuna poyapoyayana goi bei ikaiwoduwedi takínona manuna.

Nuwogau 1:7

Konōve! Tauyana gaota goi isou imamaima. Tomota liliudi, nakae kidi Tauyana ana toginubasinayao, bei sigite. Boda liliudi Tauyana manuna bei sitáiya. Moitamo! E nakae!

Nuwogau 22:20

Moe livalayadi adi totalavaita idigo kana, ‘Moitamo! Giyakainava bei ao!’ E nakae! Tomoya Yeisu, kūma!

Nuwogau 22:7

Iya go idigo kana, ‘Konōve! Giyakainava bei ao! Avatau neta buki ame ana talavaita ikabikaaonedi, e ana dedevina bei ibabane.’

Nuwogau 3:11

Giyakainava bei awowoiwo, tauna mami numisa kotaoyaakavāta bego geya vatau tayaamo itoboine imi vaiwówana ivasebukoimi.

Nuwogau 3:3

Tauna konuwookavāte manakaemi boi konove be nakae bogina kokabi. Valayana koyoisiikavāte go, kotugavīla. Tauna matamasimasisi koyāto go, koyauyāusa! Go neta geya, yau bei tovaináwana nakae avatoopemi, tauna geya koyagoiyeta ava lava goi bei ao.