Nuwogau 2:18 - Buki Kimaasabaina

¹⁸ Tuwaina Tauyana idigo kana, ‘Anerose aivasina Tomoya ana totugugunayao Tuwatira goi imatakaavatedi ana leta totugugunayadi manudi kugīni kam, “Yau Yeisu Yaubada Natuna matagu yeu sabeninimina nakae. Aegu barasa aiigabuna be yaayaina ina námala nakae. Ame nakae alatuwokoimi:

Nuwogau 2:18 ပူးပေါင်းရင်းမြစ်များ

Madiu 17:5

Pita nava ibobóbwara go, gaota maavadaina iumaidi. Ago gaotayana goi níyana tayamo sinove idigo kana, ‘Ame Natugu, guna kakaya, auyaonedoko. Tauyana konōve!’

Madiu 27:54

E kina go tovayaviya adi tovakumgo taiyao sikaaiyaka Yeisu simataakavate go, nikuniku be nakae kaga liliuna sisowóduwo sigitedi, tuwo sikainaopa gagaina kadi, ‘Moitamo, ame Tauyana Yaubada Natuna.’

Madiu 3:17

Níyana tayamo matabuwona yábana goi itumasobu idigo kana, ‘Moe natugu guna kakaya. Tauyana auyaonedoko.’

Luke 1:35

Go aneroseyana idigo kana, ‘Baloma Kimaasabaina bei iwokoim o tadigo kada “Tokanayatanatoina ina togaga gaota nakae bei iumaim kukéuwama.” Moe pasina tauna natum kuveenatuni bei sivayoko , Yaubada Natuna.

Iyoni 1:14

Livalayana imalasakava, e yaima goi ikaaiyaka. Tauyana yaina goi Yaubada ina togaga ana sivakayaodei.

Iyoni 1:49

Natanielayana idigo kana, ‘Tovatulúkwana Toolagaim, kom Yaubada Natuna! Kom kai Isileli tubunao ima !’

Iyoni 10:36

tauna kaga unana komi kowowokoigu kodigo kami, “Kom kudigoopopóita”, tutayana kagu, “Yau Yaubada Natuna”? Yau Tamagu ikimasabegu nakae ietunegu ama poyapoya ame goi.

Iyoni 3:16

Ame moitamo. Yaubada imatakoiyeda ame nakae: Natuna kaakesaina ikasale bego avatau neta inumise, bei geya ikamaseta, go sem maa yawoina vata.

Iyoni 3:18

Avatauwa neta Natunayana siinumise, itakinoidi todedevidi. Ego avatauwa neta Yaubada Natuna kaakesaina geya sinumiseyeta, bogina itakinoidi toogoyoidi.

Iyoni 5:25

Guna bóbwara moitamo, tauna ame alatuuwokoimi konōve: Tuta tayamo imamaima o tadigo kada, “Bogina ima” bei tomota neta balomaidi kaamasidi, e Yaubada Natuna niyana bei sinove go, neta sikabikaone, yawoidi vau bei sibabane.

Guinuwa 16:14

Tayamo vavina ikaaiyaka; tauyana yoina Lidiya guma Tuwatira. Lidiyayana areko esaesa ana tokaigimona. Tauyana Totuyoyowo go, Yaubada ana totaimámina tayamo. E tauyana ikaaiyaka Paulo ina livala itaaiyakeke. Atena Tomoya ikatupáeve, tauna latuwona Paulo ina livala inumise.

Guinuwa 8:36

E enao goi sinonoina, bwae sibabane, tuwo yunikayana idigo kana, ‘Kwandosōbu. Bwae gotono! Manakae? Avatau itoboine sayóyova ivagagalakoigu? Geya ae?’ ‘U. Nakae’, Pilipo kaena.

Roma 1:4

Ina taoyamna tokámasa yaidi pasina Yaubada ivayoko Tauyana Natuna mana togaga. Natunayana moe ida Tomoya Yeisu Guyau. Go ana vayokwanayana moe goi, Tauyana ada kimasaba Yaubada umana unana.

Roma 8:32

Yaubada toinina Natuna geya ivagagaleyeta, go sem kita madabokiida manuda ikasale ámasa goi. Neta Natunayana itagone yaida, manakae? Bei kaga liliuna ivinibesoida gea geya? Moitamo bei ivinibesoida!

Nuwogau 1:11

Niyanayana idigo kana, ‘Kaga kuugitedi buki bilibilina goi kuginīdi. Ikavava, kuetunēdi sina Tomoya ana totugugunayao ame asayadi goi: Epeso, Simona, Pegamasi, Tuwatira, Sadesi, Piladelipiya, Laodiseya.’

Nuwogau 2:1

Tauyana idigo kana, ‘ Tomoya ana totugugunayao Epeso goi imatakaavatedi ana leta totugugunayadi manudi kugīni kam, “Yau ana kaba yata ainima aiyuwo nauyayanaidi goi aaketoiya, ame nakae alatuwokoimi:

Nuwogau 2:24

Go komi da Tuwatirayami, avatauwa komi neta amo sinapu goyogoyoidiyadi geya kosabokuliyedita be nakae vatulúkwana sivayou Kaleya ina vatulúkwana nikuunikudi geya koyagoidita, e lovina tuwaina geya avinimita.