Nuwogau 16:8 - Buki Kimaasabaina

⁸ Iya go anerose aivasina itaoya ina níyala goi ina noko ikalisiwoi. Tuwo mana tagona yeu goi tomota isupidi.

Nuwogau 16:8 ပူးပေါင်းရင်းမြစ်များ

Iyona 4:8

Niga go níyala ituko, Yaubada yágira bomatu yaviyavina ietune ina Iyona yaina goi. Tuwo níyala Iyonayana dabana ivayavisi gagaina, e imataginigini nakae latuwona ikámasa. Tuwo tauyana mana egamogamogu idigo kana, ‘Ámasa dedevina yaigu go, ma yawoigu yaigu geya idedevineta.’

Madiu 13:6

E níyala ituko, iidimoidi simémala unana lamdi sitetalamo.

Luke 21:25

Yábana osasaina goi aba kinana bei sisowóduwo níyala, tukówana be utuna yaidi goi. Poyapoya ana dadava osasa goi aivaya butukaodi gagaidi sidududu go, Totuyoyowo nuwodi siwówana, e sikateyova.

Nuwogau 14:18

Niga anerose ainima tayamoina goi isowóduwo ima. Tauyana yeu ana tolovina. Niyana gagaina goi iduduwo anerose mana sisi ilatuwoko idigo kana, ‘Oine keuwoina poyapoya goi bogina sibólika. Tauna im sisi goi sipulina kutaupeupēdi be kusevēdi.’

Nuwogau 6:12

Tutayana Lamiyana aba kaipaki ainima tayamoina ikitaki, akandobala, e nikuniku gagaina isowóduwo. Tuwo níyala ikamamaníwana kwama kalaakovina toina nakae. Tukówana madabokina ivakayakaya ikaika nakae.

Nuwogau 7:16

Tuwo Lamiyana kebana esaaesaina kikina goi iitaoya moe adi tomatakavata. Tauyana bei ivakededi sina bwae maa yawoina goi sinim be nakae Yaubada mataiudi bei isekukudi. Tauna geya tuwaina bei loga o dava sikamakámasa be nakae geya tuwaina níyala o yaviyavi silootowoidi.’

Nuwogau 8:12

Iya go anerose aivasina ina síula iuwe, níyala dadava tayamo be tukówana dadava tayamo ibugoyaidi go, dadava aiyuwo dedevidi. Utuna nakae, neta tawotaidi kiwota aito, e kiwota tayamo ibugoyaidi go, aiyuwo dedevidi. Tauna maliyalina tayamo neta tawotai kiwota aito, e kiwota tayamo níyala geya ininimeta go, kiwota aiyuwo sininínima. Sabamgo nakae, kiwota tayamo tukówana be utuna geya sininimeta go, kiwota aiyuwo sininínima.

Nuwogau 9:2

Tuwo ki ikabi masiyana ikatupáeve, e tobuna goi aubowo gagaina isowóduwo ituko ina limou neta taagabudi aubowoina nakae. Tauna aubowo ivakaigaga, nakae níyala be poyapoya ana madabokina sikamamaníwana.