Nuwogau 13:7 - Buki Kimaasabaina

⁷ Aiyuwoina woiwoiyana mana tagona Yaubada ina kimasabayao ivayaviyedi be itogagasavedi. Go mana lovina tomota liliudi yaidi iilovina. Tomotayadi moe dala liliudi, boda liliudi, aníyana liliudi be nakae kantri liliudi yaidi goi.

Nuwogau 13:7 ပူးပေါင်းရင်းမြစ်များ

Tateta 9:16

Go ame pasina atagonem maa yawoim: Latuwogu guna togaga avatulukoim go, aiyuwoina bei valegu inúnuwo ina poyapoya ana madabokina goi.

Luke 4:6

Tuwo Totagiwayayana idigo kana, ‘Yau magu lovina tauna avatau neta latuwogu aba lovinayadi adi lovina madi esaesa avini, itoboinegu avini. Tauna bei avinim, e yoim bei gagaina.

Iyoni 19:11

Go iya Yeisuyana idigo kana, ‘Geya im lovinamo yau yaigu neta Tauyana maeko geya ivinimta. Moe pasina korotoyana kom nimam goi bogina iyatoigu ina goyo ivakaigaga namlieta kom im goyo.’

Nuwogau 10:11

Akáika ikavava, aiyuwoina ilatuwokoigu idigo kana, ‘Aiyuwoina itoboine Yaubada ina livala boda liliudi, kantri liliudi, aníyana liliudi be nakae tolovina liliudi yaidi kukabivalevale.’

Nuwogau 11:18

Tuwo kidi go Totuyoyowoyadi siegamogamoguyem gagaina. Kom im egamogamogu ana tuta bogina isowóduwo. Tokámasa adi tuta bogina ima bei kutakinoidi ame nakae: Tokamasayadi moe im tokabivalavala, nakae im kimasabayao madi wowoina simatoitem, moe youtagau be nakae kidi maa yoidi gagaina. Ame tauyadi idi tuta bogina ima bei adi vaiwówana kwaiguyauyedi! Go da poyapoya adi tomtulayao idi tuta nakae bogina ima bei kumtulidi!’

Nuwogau 11:7

Tutayana idi talavaita silukavave, woiwoi masiyana gagaina goi bei isowóduwo ima ivayaviya adi taiyuwokova yaidi goi go, bei itogaga, e ikaumatedi.

Nuwogau 12:17

Tuwo gigimetayana gamona igoyo toina vavina yaina. Tuwo itaoya ina ivayaviya vavinayana natunao liliudi yaidi. Natunaoyadi moe tauyadi Yaubada ina lovina adi tokabikawanayao be nakae ina talavaita ana toyoitakavatayao.

Nuwogau 17:15

Tuwaina aneroseyana kana, ‘Bwaeyadi bogina kugitedi kikidi goi vavina tomatagogoli iitusobu, e moe boda liliudi, dala liliudi, kantri liliudi be nakae aníyana liliudi.

Nuwogau 5:9

Sisaakululu go, vesi vau sivesiye kadi, ‘Boi kom bogina sikaumatem be nakae ikaikaim goi tomota kutakonedi Yaubada manuna. Tomotayadi moe dala liliudi, aníyana liliudi, boda liliudi be nakae kantri liliudi yaidi goi kulamgogoidi sieboda tayamo. Nakae kuguinuwe bei kidi Yaubada ina bodayauwo goi sikaaiyaka be nakae kidi Yaubada ina togudalayao. Tuwo poyapoya goi bei sikalibúbuna. Tauna kom mam lovina itoboinem bukiyana kwabi be ana kaba kaipaki kukitakidi.’