Nuwogau 13:6 - Buki Kimaasabaina

⁶ Tuwo moitamo ivatowo Yaubada itagiwoi go, moe nakae Yaubada yoina, ina be nakae yábana ana tokaiyakoyao itagiwoidi.

Nuwogau 13:6 ပူးပေါင်းရင်းမြစ်များ

Madiu 12:34

Komi moteta nakae! Manakae? Komi toogoyoimi itoboinemi bóbwara dedevidi kovatoidi gea geya? Geya! Bogina koyagoi. Kaga neta nuwoda ivakayaodei, e sopada nakae sivatoi.

Madiu 15:19

Tomota nuwodi goi nuwogau goyogoyoidi, aumata, roerata, masisi goyogoyoina, vaináwana, totalavaita polapola be nakae tagíwaya sisowóduwo.

Iyoni 1:14

Livalayana imalasakava, e yaima goi ikaaiyaka. Tauyana yaina goi Yaubada ina togaga ana sivakayaodei.

Roma 3:13

Tobudi valiwoga katupaaevaina nakae, tauna idi bóbwara ibówana. Maedi goi sipolapola. Same 5:9 Sopadi goi moteta bolaausina nakae, e idi bóbwara goi tomota sikaogoyoedi. Same 140:3

Kolose 1:19

Moe unana Yaubada mana uyáwana iilovina bego toinina aderina madabokiina Natunayana goi ikaaiyaka

Kolose 2:9

Guna nuwonúwana ame nakae: Guyau wowona goi Yaubada aderina madabokiina ikaaiyaka go,

Iberiu 9:2

Guna nuwonúwana alumavivisi. Yaubada ina Kaba Kaiyaka yoyouyana siyowo go, vabodaupa kaarekoina ivabodaupe, dadava aiyuwo. Dadavayana vakuumgoina goi rampa adi kaba yata be .

Iberiu 9:24

Moitamo. ikaikaina itoboine. Tauyana Tukunu Kimaasabaina toina siyowoyowo goi geya isiuta. Moe Tukunuyana Tukunu mooitamoina yábana goi ana tapata, go sem Tauyana yábana toina isiu ina ame tuta Yaubada matana goi ikaaiyaka kita manuda.

Nuwogau 11:12

Ago níyana tayamo gagaina yábana goi sinove, adi taiyuwokova ilatuwokoidi idigo kana, ‘Kotūko kōma ameko!’ Tuwo moitamo gaota goi situko sina yábana go, adi kaleyayao sikandolaga sigitedi situkotuko.

Nuwogau 12:12

Tauna komi yábana ana tokaiyakoyao kouyāwana! Totagíwaya mana egamogamogu gagaina bogina isou iwo komi poyapoya be négwasa adi tokaiyakoyao yaimi. Bogina iyagoi ina tuta ikakupi bego itoboine ipaisewa. Tauna komi poyapoya be négwasa adi tokaiyakoyao ami toovalugo!’

Nuwogau 15:5

Amo dogoiyadi bogina sikavava, akandobala sikaaiyaka. Tukunuyana agite ikatupáeva,

Nuwogau 18:20

Níyana tayamo anove idigo kana, ‘Komi yábana ana tokaiyakoyao, Yaubada ina kimasabayao, ina be nakae ina , Asayana Yaubada bogina itakino asa goyogoyoina, tauna imi gedageda asayana goi koobabane Yaubada bogina ikatumapu. Tauna asayana ina vailai manuna komi kouyāwana!’

Nuwogau 21:3

Amo ikavava, níyana tayamo kébana esaaesaina goi anove kana, ‘Kunōve! Yaubada ina tomota yaidi goi ikaaiyaka. Tuwo yaidi goi bei ikaaiyaka. Kidi go tomotayadi bei ina bodao go, iya bei idi Yaubada; tauyadi taiyao sikaaiyaka.

Nuwogau 4:1

Amo dogoiyadi bogina sikavava, akandolaga go, konōve! Totom tayamo yábana goi agite ikatupáeva! Ago niyanayana boi anovenove síula nakae idigo kana, ‘Kutūko kūma bei kaga itoboine nava isowóduwo akaiwoduwe yaim goi.’

Nuwogau 4:4

Ago kébana esaaesaina adi badabada tuwentipoa (24) situkobu, yatadi goi tomoyamoya adi badabada tuwentipoa (24) situlaagalaga, tauyadi madi kwama poowoudi be madi dabayogigi esaaesaina dabadi goi.

Nuwogau 5:13

Sivesi ikavava, madágina liliudi yábana goi, poyapoya goi, tokámasa idi kasa goi be négwasa goi anovedi sivesivesi kadi, ‘Tauyana kébana esaaesaina goi itulagalaga be nakae Lamiyana aba kauyagu, aba wowoina, aba taimámina be aba kalika ame tuta be nakae tuta simamaima!’

Nuwogau 7:15

Moe pasina Yaubada kebana esaaesaina matana goi sikaaiyaka go, ina Vada Kimaasabaina sinaena goi sitaaimámina maliyalina be sabamgo. Tolovina kebana esaesainayana goi itulaagalaga bei ivainuugonedi.

Nuwogau 7:9

Amo dogoiyadi sikavava, e akandobala boda gagaaina agitedi. Geya vatau tayaamo itoboine ikatuyaividi. Tauyadi aba lovina tamo tamo goi, dala tamo tamo goi, boda tamo tamo goi be aníyana tamo tamo goi sima kébana esaaesaina matana goi be nakae matana goi siitaoya. Tomotayadi madi kwama maanawedi be poowoudi go, nimadi goi magimagi libidi siyooisidi.