Nuwogau 11:8 - Buki Kimaasabaina

⁸ Ikaumatedi ikavava, asa gagaina sinaena enao goi wowodi bei sikaaiyaka go, moe aba omayamaya. Ago toni kasa idi sinapu igoyo nakae kidi da Sodoma be nakae tomota mou sivinidi nakae kidi da Itipita. Tauna livalakaibala goi amo asayana yoina moe Sodoma be Itipita. Asayana goi boi idi Tomoya kerose goi situpatuko.

Nuwogau 11:8 ပူးပေါင်းရင်းမြစ်များ

Aba Vatowo 13:13

Ego kidi da Sodomayadi totapepeko toidi Yauwe matana goi.

Aba Vatowo 19:24

E kina go Yauweyana yeu mana poiseni mokauna ibisilave yábana goi isou ina Sodoma be Gamora yaidi.

Tateta 20:2

‘Yau go, yau ataligeimi.

Tateta 3:7

E Yauwe idigo kana, ‘Guna bodao Itipita goi idi kaiyakomou moitamo bogina agitedoko be idi taiyaduduwo adi tolovinayao pasidi bogina anovedoko. Adi gedageda bogina alotowo.

Madiu 10:15

U, moe nakae koguinūwe go, ame alatuuwokoimi konōve: Takínona ana tuta tomota amo asayana goi adi liuna gagaina bei sibabane namlieta kidi da Sodoma be nakae da Gamora.’

Guinuwa 9:4

Itapasigi go, tauyana ikapusi isou poyapoya goi. Tutayana ikapusi, níyana tayamo inove ilatuwoko idigo kana, ‘Saulo, Saulo, kaga unana kuvakaleyegu? Moe tuwo kuyāto!’

Iberiu 13:12

Tauna kina go Yeisu nakae. Asa moetala goi geda ibabane bego toinina ikaikaina goi ikimasabeda Yaubada umana.

2 Pita 2:6

Sodoma be Gamora nakae konuwaisidi? Boi nimatu Yaubada itakinoidi asa goyogoyoidi be igabusavedi simalaselekau. Tauna ame aba gita kidi Yaubada sikaaolilive yaidi bego ava liuna bei sibabane.

Yuda 1:7

Kidi da Sodoma be da Gamora be nakae tomota asayadi kikidi goi sikaaiyaka koonuwēdi. Kidi idi kapipilova amo aneroseyadi nakae. Ame asayadi goi tomota maniyedi latuwodi simasisi goyogoyo vevina taiyao go, maniyedi koroto koroto taiyao. Tauna Yaubada adi liuna ivinidi; liunayana moe yeu sabenínima vaatayaina. Go adi liunayana moe aba gita tayamo kita yaida Yaubada ina lovina moumouna apipilova manuna.

Nuwogau 11:13

Amo tutayana goi nikuniku gagaina itátava go, asayana dadava tayamo itauwe go, dadava ainima aivasi dedevidi. Ago nikunikuyana goi tomota ana badabada ainima aiyuwo tausani (7,000) sikámasa. Go ava tomotava nava maa yawoidi simatoita gagaina, e Yaubada totobukukui yábana goi ina togaga ana sikamoitamoe.

Nuwogau 11:9

Koroto adi taiyuwo wowodiyadi sikaaiyaka go, tomota badabadaidi nakae boda liliudi be nakae kantri liliudi goi, dala liliudi be aníyana liliudi bei sima siigitedi maliyalina aito be nakae tupwana goi. Siigitedi go, geya vatau tayaamo sitagone bego wowodiyadi ikabidi, tukubu goi ivaliwogedi.

Nuwogau 14:20

Aba vavetavetayana asa moetala goi ikaaiyaka. Tuwo oine keuwoina aedi goi sivavetevetedi go, aba vavetavetayana goi ikaika idau mluwa nakae. Ana niku ovatayamo go, idau ina aduwanau toina. Moe tu andedi naintisikisi (296) kilomita nakae.

Nuwogau 14:8

Amo ikavava, aneroseyana mlina anerose aiyuwoina ivámliya ima idigo kana, ‘Babiloni bogina ivailai! Asayana gagaina bogina ivailai dókana! Ina sinapu masisi goyogoyoina moe nakae go, bodao liliudi ivaanimdi oineyana goi, tauna sinapuyana sivatotowone. Ego amo oineyana pasina Yaubada ina egamogamogu asayana bei ibabane.’

Nuwogau 16:19

Tuwo asa gagaina iwotai dadavato. ma keigaina ivanimdi.

Nuwogau 17:1

Amo ikavava, ainima aiyuwo maadi noko yaidi tayamo ima ilatuwokoigu idigo kana, ‘Kūma! Asayana gagaina vavina tomatagogoli toogagaina nakae ana liuna bei avatulukoim. Tauyana bwae badabadaidi kikidi goi iitusobu iilovina.

Nuwogau 17:18

Iya go vavinayana kugitegite moe asa gagaina poyapoya ana tolovina madabokidi iloviinaedi.’

Nuwogau 17:5

Dabana goi you tayamo boi ana yagoina vamoounina sigini kadi, ‘Babiloni Gagaina, tomatagogoli sinadi be nakae kaga liliuna aba kalagíwala poyapoya goi unadi.’

Nuwogau 18:10

Madi matoita asayana ina gedageda pasina, tauna masigava goi bei sitaoya, sidigo kadi, ‘Da Babiloni, Komi imi kasa gagaina. Imi kasa toogagaina go, geya ivamumugoneta ami liuna bogina kobabane. Oiyoi, oiyoi! Ami toovalugo!’

Nuwogau 18:18

go, asayana aubowoina sigite, siduduwo kadi, ‘Geya tayaamo asa ipate amo asayana gagaina nakae.’

Nuwogau 18:2

Niyana gagaina goi iduduwo idigo kana, ‘Da Babiloni moe vavina tomatagogoli nakae, e ina boda liliudi ivanimdi, oineyana moe masisi goyogoyoina! Tuwo poyapoya ana tolovina asayana taiyao simasisi goyogoyo. Go ina kaiyaka owáowana ana vikaiya goi pasina totalamapu simalaguyau. Tauna asayana bogina ivailai! Asayana gagaina bogina ivailai dókana! Tomota bogina sikavava, tauna asayana moe , mánuwo vaatabudi, yoguyogu vaatabudi be nakae aba kasilali idi kaba kaiyaka.’

Nuwogau 18:21

Amo ikavava, tayamo anerose toogagaina gurewa gagaina toina ikabi, ilave isou négwasa goi go, idigo kana, ‘Amo gurewayana nakae, e asa gagaina Babiloni bei ivailai dókana go, tomota geya tuwaina itoboinedita asayana sigite unana itagau vata.

Nuwogau 18:24

Aiyuwoina Yaubada ina tokabivalavalayao, ina kimasabayao be nakae tomota liliudi poyapoya ana madabokina goi neta sikámasa, e ikaikaidi da Babiloni nimadi goi ikaaiyaka. Tauna moe pasina asayana bei ivailai.’