Nuwogau 10:5 - Buki Kimaasabaina

⁵ Iya go aneroseyana agitegite négwasa be poyapoya yaidi goi iitaoya nimakakataina ikatulagasi yábana ivasakikinako,

Nuwogau 10:5 ပူးပေါင်းရင်းမြစ်များ

Aba Vatowo 14:22

E kina Eberamyana idigo kana, ‘Akatótula Yaubada Tokanayatanatoina matana goi, Tauyana yábana be poyapoya adi tomadágina.

Tateta 20:11

Maliyalina ainima tayamo goi Yau Yauwe yábana be poyapoya be négwasa be nakae kaga liliuna sinaedi amadagidi go, maliyalina ainima aiyuwoina goi awaiwasi. Tauna maliyalina ainima aiyuwoina aba waiwasi Yau Yauwe bogina be nakae akimasabe umagu.

Tateta 6:8

go, avakedemi koma poyapoyayana goi boi nimagu akatuulagasi akatótula bego Eberamo, Aisake be Yakobo avinidi. Ame poyapoyayana bei komi imi poyapoya. Yau Yauwe.”’

Guinuwa 14:15

sidigo kadi, ‘Tawou, ame kaga koguuinuweko? Kai koroto; tomota komi nakae. Kita tavavasa! Kai Vala Dedevina kataalavaite yaimi. Komi imi yaubada polapolayao geya basabasaidimo kotugavilēdi go, Yaubada maa yawoina komēko. Unana Tauyana yábana, poyapoya, négwasa be nakae kaga liliuna sinaedi goi imadagidi.

Guinuwa 17:23

Moe moitamo. Tutayana imi kasa goi aaketoiya, imi kaba sakululu adovaatusidi go, tayamo nakae ababane mana gínina idigo kana, “Ame yaubada tayamo geya tayagoiyeta ina kaba kasala.” Tauna yaubadayana yaina mami tamogemoge kosaakululu, e ame tauyana yau ataalavaite yaimi.

Roma 1:20

Manakaena ikaiwoduwe? Boi poyapoya ana madágina kunu goi go, ima ame tuta nakona Tauyana ina sinapu, nakae ina togaga aiyako vaatayaina be nakae aderina, geya tagitedita. Ago ina madágina liliudi goi itoboineda tagitedokoidi, tauna togoyoidiyadi geya itoboinedita idi kapipilova manuna sivakibala.

Iberiu 6:13

Eberamo aba gita tayamo numisa be mesayágana manudi. Eberamoyana yaina goi Yaubada ikatótula go, geya vatau yoina Yaubada yoina ikalisave, tauna toinina yoina goi ikatótula bei atotulayana iguinuwe.

Nuwogau 1:18

Yau maa yawoigu. Boi bogina akámasa go, kunōve, maa yawoigu akaiyako vata. Magu lovina ámasa be nakae tokámasa idi dadava adi ki ayoyoisi.

Nuwogau 10:2

Aneroseyana nimana goi tayamo buki giyaina be bilibilina go, bogina katupaaevaina. Aena kakataina négwasa goi ivakavata go, aena kekelina moe poyapoya goi ivakavata.

Nuwogau 14:7

Livalayana niyana gagaina goi itaalavaite idigo kana, ‘Mami matoita Yaubada ina togaga ana kokamoitamōe! Takínona ana tuta bogina ima be tomota liliudi da poyapoya itakinoidi. Tauna kotugavīla go, Tauyana ina togaga ana káeyana kokamoitamōe! Tauyana yábana, poyapoya, négwasa be nakae bwae liliudi imadagidi, tuwo yaina kosakulūlu!’

Nuwogau 16:17

Iya go anerose ainima aiyuwoina itaoya, yábana osasaina goi ina noko ikalisiwoi go, tayamo níyana gagaina kébana esaaesaina Tukunu Kimaasabaina Toina goi anove kana, ‘Bogina ikavava.’

Nuwogau 4:11

‘Ima Tomoya Yaubada, Kaga liliuna kom kumadagidi be nakae im nuwonúwana pasina sikaaiyaka. Tauna itoboinem bei taimámina, wowoina be nakae togaga kubabanedi.’

Nuwogau 4:9

Tauyana Tokaiyako vata kebana esaaesaina goi itulaagalaga go, kidi dogoiyadi maa yawoidi sikamoitamo Tauyana itoboine sitaaimamine, siiwowoine be nakae yaina sikaauyagu.