Nuwogau 1:11 - Buki Kimaasabaina

¹¹ Niyanayana idigo kana, ‘Kaga kuugitedi buki bilibilina goi kuginīdi. Ikavava, kuetunēdi sina Tomoya ana totugugunayao ame asayadi goi: Epeso, Simona, Pegamasi, Tuwatira, Sadesi, Piladelipiya, Laodiseya.’

Nuwogau 1:11 ပူးပေါင်းရင်းမြစ်များ

Guinuwa 16:14

Tayamo vavina ikaaiyaka; tauyana yoina Lidiya guma Tuwatira. Lidiyayana areko esaesa ana tokaigimona. Tauyana Totuyoyowo go, Yaubada ana totaimámina tayamo. E tauyana ikaaiyaka Paulo ina livala itaaiyakeke. Atena Tomoya ikatupáeve, tauna latuwona Paulo ina livala inumise.

Guinuwa 18:24

E tayamo Diyuu yoina Apolosi, tauyana Alekisandira korotoina go, tauyana tobóbwara tayamo, ana bóbwara maavadaina. itoboine mana togaga italigeidokoidi. E tauyana ima Epeso goi.

Guinuwa 20:17

E tuwo kavaiu Mileto goi, e Pauloyana livala ietune ina Epeso goi Tomoya ana totugugunayao adi tomoyamoyayao iduduwedi sima.

1 Korinta 15:32

Boi Epeso goi akaaiyaka go, tomota woiwoi nakae avayaviyedi go, kita tomota ida nuwonúwana goi moe kaga kaaigiyana? Geya. Neta kita tonumisa nava bei ámasa goi geya tataoyamneta, ame tuta itoboine ida sinapu nakae tomota maniyedi idi bóbwara kadi, ‘Mada uyáwana takāika be tanīm! Itomo nakona bei takámasa.’ Aiseya 22:13

1 Korinta 16:8

Go ameko Epeso goi bei akaaiyaka ana kadókana ana tuta ikavava, namlieta baige ao.

Epeso 1:1

Komi Yaubada ina kimasabayao Epeso goi kokaaiyaka nakae taiyao pasina, Yau Paulo, tayamo Yaubada ina nuwonúwana goi, e leta ame aetune iwo yaimi.

Kolose 2:1

Moitamo. Aakokoila boda liliudi manudi go, latuwogu koyagoi guna kokoilayana komi manumi be da Laodiseya manudi be avatauwa tuwaina nakae maisigu geya sigiteyeta manudi moe kokoila gagaina.

1 Timoti 1:3

Tomota maniyedi moeko Epeso goi sikaaiyaka, ituli ta vatulukwana polapola sivaatulúkwana. E leta ame goi akatuliwolem nakae tutayana boi bogina bei atulavem anonoina Mesadoniya parovinsi akatuliwolem bego moeko goi kwaaiyaka bei moe tomotayadi kulovinaēdi ituli ta vatulúkwana taabu sivaatulūkwana.

Nuwogau 1:17

Tutayana Tauyana agite, aena goi akanakabobo yau kaamasigu nakae. Go nimakakataina goi ibisikonegu idigo kana, ‘Taabu kuumatōita. Yau Totukumgo be Totumliya.

Nuwogau 1:19

Tauna kaga kuugitedi buki goi kuginīdi. Moe dogoiyadi ame tuta sisowóduwo be nakae dogoiyadi nava bei sisowóduwo.

Nuwogau 1:2

Yaubada ina livala, moe Yeisu Guyau ina talavaita, atalavaite, e nakae kaga liliuna aagitedi atalavaitedi.

Nuwogau 1:20

Utunayadi ainima aiyuwo nimakakataigu goi kuugitedi be nakae rampa ana kaba yata goura ainima aiyuwo adi yagoina vamoounidi kom yaim, tauna bei adi yagoina ataligei. Utunayadi moe Tomoya ana totugugunayao asa ainima aiyuwo adi aneroseyao. Rampa ana kaba yatayadi ainima aiyuwo moe totugúguna adi tugugunayadi ainima aiyuwo.’

Nuwogau 1:4

Yau Iyoni buki ame agini iwo komi Tomoya ana totugugunayao asa ainima aiyuwo Esiya ana dadava goi yaimi. Yaubada, Baloma ainima aiyuwo, be nakae Yeisu Guyau idi kanuwóiya be idi tuboina bei sivinimi. Yaubadayana Tokaiyako vata: Ame ikaaiyaka, boi nimatu ikaaiyaka go, tuta simamaima nakae bei ikaaiyaka. Balomayadi ainima aiyuwo Yaubada kebana esaaesaina matana goi sikaaiyaka.

Nuwogau 1:8

‘Yau Alipa be Omega’, Yauwe Yaubada kaena. Tauyana Tokaiyako vata: Ame ikaaiyaka, boi nimatu ikaaiyaka go, tuta simamaima nakae nava bei ikaaiyaka. Tauyana Tokalika.

Nuwogau 10:4

Tutayana palapalayadi ainima aiyuwo sibóbwara, bego aginidi go, yábana goi níyana tayamo anove idigo kana, ‘Kaga palapala ainima aiyuwo siidigedi kuvamōudi o tadigo kada, “Tabu kuuginīdi.”’

Nuwogau 14:13

Amo ikavava, níyana tayamo yábana goi anove idigo kana, ‘Ame nakae kugīni kam, “Ame tuta be nakae tuta simamaima avatauwa neta ida Tomoya taiyao sispwagógana go, sikámasa, adi dedevina bei sibabane.”’ ‘U nakae! Itoboine bei adi mou goi siwaiwasi. Moitamo. Idi guinuwa dedevidi Yaubada bei inuwaisidi’, kaena.

Nuwogau 19:9

Amo ikavava, ilatuwokoigu idigo kana, ‘Livala ame kugīni kam, “Avatauwa komi neta Yaubada iduduwemi Lamiyana ina nai aikanina manuna, e ami dedevina bei kobabane.”’ Tuwaina kana, ‘Ame livalayadi moe Yaubada ina livala mooitamoidi!’

Nuwogau 2:1

Tauyana idigo kana, ‘ Tomoya ana totugugunayao Epeso goi imatakaavatedi ana leta totugugunayadi manudi kugīni kam, “Yau ana kaba yata ainima aiyuwo nauyayanaidi goi aaketoiya, ame nakae alatuwokoimi:

Nuwogau 2:12

Tuwaina Tauyana idigo kana, ‘Anerose aitonina Tomoya ana totugugunayao Pegamasi goi imatakaavatedi ana leta totugugunayadi manudi kugīni kam, “Yau Yeisu magu sisi matana aiyuwo go, sooinina. Ame nakae alatuwokoimi:

Nuwogau 2:18

Tuwaina Tauyana idigo kana, ‘Anerose aivasina Tomoya ana totugugunayao Tuwatira goi imatakaavatedi ana leta totugugunayadi manudi kugīni kam, “Yau Yeisu Yaubada Natuna matagu yeu sabeninimina nakae. Aegu barasa aiigabuna be yaayaina ina námala nakae. Ame nakae alatuwokoimi:

Nuwogau 2:24

Go komi da Tuwatirayami, avatauwa komi neta amo sinapu goyogoyoidiyadi geya kosabokuliyedita be nakae vatulúkwana sivayou Kaleya ina vatulúkwana nikuunikudi geya koyagoidita, e lovina tuwaina geya avinimita.

Nuwogau 2:8

Tuwaina Tauyana idigo kana, ‘Anerose aiyuwoina Tomoya ana totugugunayao Simona goi imatakaavatedi ana leta totugugunayadi manudi kugīni kam, “Yau Yeisu Totukumgo be Totumliya, boi akámasa go, ame tuta maa yawoigu. Ame nakae alatuwokoimi:

Nuwogau 21:5

Niyanayana ibóbwara ikavava, kébana esaesainayana ana totulagalaga idigo kana, ‘Kunōve! Dogoi liliudi ayolimemmneidi.’ Tuwaina kana, ‘Livalayadi be nakae mooitamoidi, tauna kuginīdi.’

Nuwogau 22:10

Tuwaina kana, ‘Taabu buki ame ana talavaitayadi kuuvamōudi. Moitamo. Giyakainava bei sisowóduwo.

Nuwogau 22:16

Tuwaina idigo kana, ‘Yau Yeisu guna anerose bogina aetune iwo yaimi bei moe talavaitayadi italavaitedi komi Yaubada ana totugugunayao yaimi. Yau Devida ina tayamo, tauyana yau tubugu. Yau kubona tapaasigigu.’

Nuwogau 3:1

Tuwaina Tauyana idigo kana, ‘ ainimaina Tomoya ana totugugunayao Sadesi goi imatakaavatedi ana leta totugugunayadi manudi kugīni kam, “Yau yaigu goi Yaubada Balomaina ainima aiyuwo be nakae utuna ainima aiyuwo sikaaiyaka. Ame nakae alatuwokoimi: Imi sinapu bogina ayaagoidi. Komi valemi bego balomaimi maa yawoidi go, komi woi balomaimi kaamasidi!

Nuwogau 3:14

Tuwaina Tauyana idigo kana, ‘Anerose ainima aiyuwoina Yaubada ana totugugunayao Laodiseya goi imatakaavatedi ana leta totugugunayadi manudi kugīni kam, “Yau Yeisu Aba Kamoitamo o kada, ‘Yau Totalavaita dókana be Mooitamoina, nakae Yaubada ina madaginao unadi.’ Ame nakae alatuwokoimi:

Nuwogau 3:4

Geya kada madabokimi Sadesi goi imi sinapu kwama baailidi nakae bogina sigoyo geya, go sem ami taiyuwomo nava imi sinapu dedevina kwama maavadaina nakae, tauna komi mami toboine yau taiyao mada kwama poowouna taketoiyaa vavasa.

Nuwogau 3:7

Tuwaina Tauyana idigo kana, ‘Anerose ainima tayamo Tomoya ana totugugunayao Piladelipiya goi imatakaavatedi ana leta totugugunayadi manudi kugīni kam, “Yau Yeisu . Yau tubugu Devida ina ki nimagu goi ayoyoisi. Neta totom akatupáeve, geya vatau tayaamo itoboine bei ikatunibode, e nakae neta akatunibode, geya vatau tayaamo ikatupáeve. E ame nakae alatuwokoimi: