Maki 9:24 - Buki Kimaasabaina

²⁴ Tuwo mainao korotoyana iduduwo kana, ‘Moitamo anumisa go, geya anumisadokoneta. Go neta guna numisa kuvāite!’

Maki 9:24 ပူးပေါင်းရင်းမြစ်များ

Maki 9:23

E kina go Yeisu kana, ‘Im nanayuwo goi kom kam, “Neta ikakapu yaim.” Iyaa! Kaga liliuna ikakapu tonumisa yaina.’

Maki 9:25

E Yeisu boda igitedi silokoina simamaima, tauna dimoniyana ilovinae idigo kana, ‘Kom pasim gómana maena imoumou nakae taiyana patupatuna, tauna alovinaem kukalavevatāe, e geya tuwaina kusiusīu!’

Luke 17:5

Tuwo Tomoya ina sidigo kadi, ‘Tomoya, ima numisa kuvaitūwe.’

Luke 7:38

ima Yeisu mlina goi go, aena kikina itaoya, itaitáiya. Itaitáiya go, mataiuna sitakapusi Yeisu aena ivakanapoivedi. Tuwo kununa ivaligei isakululu Yeisu aenayadi iseekukudi namlieta iyowoiidi. Ikavava, ina putumayana ikabi, Yeisu aena ikatukoisidi.

Luke 7:44

Tuwo ikandovila vavinayana igitegite go, Saimoni ilaatuwoko idigo kana, ‘Saimoni, vavina ame kugite? Kom im vada goi asiu go, aegu ana bwae geya kuviniguta. Ego ame vavinayana toinina mataiuna goi yau aegu ivakanapoivedi. Ikavava, kununa goi isekukudi.

Guinuwa 10:19

E kina go Pita nava ina kalayausayana inuwoleléuye go, idigo kana, ‘Pita! Koroto adi taito bogina sima siluusalem.

Guinuwa 10:31

Itaoya idigo kana, “Koniliasi, im kawanoi Yaubada bogina inove be nakae im vaita tookaidi yaidi bogina inuwaisidi.

2 Korinta 2:4

Amo letayana magu yogedageda gagaina be magu kategeda gagaina be magu táiya gagaina agini. Ago letayana aetune iwo geya bego kokategeda geya, go sem bego guna gagaina yaimi goi koyagoi.

Epeso 2:8

Moitamo. Yaubada ina kanuwóiya goi bogina iyaveda numisa pasina go, yavayana unana moe geya kita toinida ida guinuwa goi geya. Moe Yaubada ina yabobona goi.

Pilipai 1:29

unana komi yabobona aiyuwo goi ikanuwoiyemi Guyau manuna ame nakae: Itagonemi Guyau konumise go, numisa kaka geya, go sem itagonemi Tauyana manuna yogedageda nakae kobabane.

2 Tesalonáika 1:11

Imi yapaliyana pasina tuta liliuna komi manumi kakaawanoi ida Yaubada yaina bego tutayana idovatusimi, bei igitemi komi imi ketoiya itoboine nakae boi bogina iduduwemi ina bodao. Aiyuwoina kakawanoi bego ida Yaubada ina togaga goi ikitoogagemi bei komi imi sinapu dedevina nakae latuwomi be nakae itoboinemi imi guinuwa imi numisa pasina koguuinuwedi.

2 Tesalonáika 1:3

Semao, itoboinema tuta liliuna kakaauyagu Yaubada yaina goi komi manumi. Ima kauyaguyana itoboine unana imi numisa nava ibibíbina nakae imi sedao yaidi goi kovaaituwe.

2 Timoti 1:4

Im táiya boi tutayana akalavem anuwookavate, tauna akatukuuwonem agitemneim bego uyáwana ivakayaodeigu.

Iberiu 12:17

Bogina tayagoi bego niga Isoyana latuwona tamana ina go, tamanayana ikatae. Moe moitamo. Tauyana mana táiya isokikina makimaki bego tamana ikaipakuye go, geya itoboineyeta tamanayana nukotona ibugavile.

Iberiu 12:2

Ida lokoinayana ame nakae: tadumaakavāte; Tauyana ida numisa ana Tokaimatana be ana Tokimatuwo. Tauyana matana goi aba uyáwana ikaaiyaka, tauna kerose ana gedageda goi itogaga go, keroseyana ana omayamaya itanisi. Ikavava, ituko ina yábana go, kébana esaesa wowooinina moe Yaubada kakataina goi itusobu.

Iberiu 5:7

Guyauyana, tutayana poyapoya ame goi ikaaiyaka, mana duduwo gagaina be mana táiya ikawanoi Yaubada yaina unana iyagoi Tauyana itoboine ámasa goi iyave. Ikawanoi, e ina wowoina pasina Yaubada inove.