Maki 9:17 - Buki Kimaasabaina

^17-18 Ago koroto tayamo bodayadi sinaedi goi idigo kana, ‘Tovatulúkwana, idi kaumakimaki unana ame: boi isiu ikaaiyaka natugu sinaena, tauna maena imoumou. Neta dimoniyana ikiinagove, e ilave isou poyapoya goi be nakae tobuna goi polu iisowóduwo. Aiyuwoina iikagúguta be nakae wowona ikaalitola. Tauna maine tauyana ame bego kuvaite. Go ama, kom geya, tuwo im tovatotowanayao akawanoiyedi bego dimoniyana sivatapiye go, geya itoboinedita.’

Maki 9:17 ပူးပေါင်းရင်းမြစ်များ

Madiu 12:22

E niga koroto tayamo tomota sime Yeisu yaina. Korotoyana naagovaina go, matana kebokeboina be nakae maena moumouna. E sime go, Yeisu ikidedevine, tauna korotoyana itoboine ibóbwara be nakae igita.

Madiu 17:15

idigo kana, ‘Tomoya, natugu koroto ina vísiya goi ma taatavina, tauna visiyayana ibunenete. Nakae tuta maniyena ikapusi isou yeu goi go, tuta maniyena ikapusi isou bwae goi. Aiyuwoina maine bogina ame im tovatotowanayao yaidi goi bego sivaite go, geya itoboinedita sikidedevine. Tauna tauyana kunuwokapisīye.’

Madiu 9:32

E Yeisu kai taiyao bego kasowóduwo kana go, tomota maniyedi matabuwodi koroto tayamo maena ikiigavile sime Tauyana yaina. Sime, Yeisu igite, dimoniyana ivatapiye isiya.

Maki 10:13

Niga tomota maniyedi natudiyao giyaidi siimemedi Yeisu yaina goi bego ibisikonedi . Go kidi ina tovatotowanayaoyadi sitaoya sibowoidi kadi, ‘Taabu kononōina Yeisu yaina.’

Maki 5:23

ikawanoi makimaki idigo kana, ‘Natugu vavina gómana giyaina giyakainava bei ikámasa. Neta kūma gomanayana dabana goi nimam kuyatōidi, kukidedevīne, e bei ma yawoina.’

Maki 7:26

Ego vavinayana tayamo, tauyana Poinike vavinaina. E ima ikawanoi Yeisu yaina idigo kana, ‘ tayamo natugu ikiinagove go, akawanoi yaim bego dimoniyana kuvatapiye isiya.’

Maki 9:16

Ago ilumadadedi idigo kana, ‘Kaga kokaumakiimakiye ame tauyadi taiyao?’

Maki 9:25

E Yeisu boda igitedi silokoina simamaima, tauna dimoniyana ilovinae idigo kana, ‘Kom pasim gómana maena imoumou nakae taiyana patupatuna, tauna alovinaem kukalavevatāe, e geya tuwaina kusiusīu!’

Luke 11:14

tayamo ikaaiyaka koroto tayamo yaina goi, tuwo korotoyana maena imou. Ago dimoniyana, kina Yeisu ivaatapiye isiya. E tutayana isowóduwo, korotoyana itoboine ibobwara dókana. Ago boda sigite, sikainaopa.

Luke 9:38

Ago koroto tayamo bodayadi sinaedi goi iduduwo idigo kana, ‘Tovatulúkwana, ame natugu koroto tayamo toito, tauna akawanoi makimaki yaim bego kugite.

Iyoni 4:47

Ame tauyana livala inove bego Yeisu Yudiya Parovinisi goi bogina ima Galili Parovinisi goi. Tuwo itaoya ima Yeisu yaina ikawanoi kana, ‘Natugu koroto giyakainava bei ikámasa. Neta itoboinem, kusōu kūma tauyana kukidedevīne.’