Maki 8:12 - Buki Kimaasabaina

¹² Go Yeisu mana kategeda ikalayawoi idigo kana, ‘Tomota ame tomotayadi nakae manakae aba kinana siilusale? Moe sinapu igoyo go, ame alatuuwokoimi konōve: Yaubada geya tayaamo aba kinana bei ivinidi!’

Maki 8:12 ပူးပေါင်းရင်းမြစ်များ

Madiu 12:38

Tuwo Yaubada ina Katukeda ana tovatulukwanayao maniyedi be nakae Parisi maniyedi Yeisu ina vatulúkwana sinove, sidigo kadi, ‘Tovatulúkwana, latuwoma aba kinana tayamo kuvatulukoima kagite bei kayagoi kom moitamo Yaubada goi kuma.’

Madiu 16:4

Tomota neta goyo sinadi be nakae Yaubada situgavile, e aba kinana siiyaledi. Ago Yaubada aba kinana tayamo toito bei ivinidi go, tuwaina geya. Aba kinanayana moe Iyona.’ Ibóbwara ikavava, itaoya ikalavedi.

Maki 3:5

Tuwo Yeisu mana egamogamogu imatavilavila go, nuwona imou gagaina idi dabakasa pasina. Tuwo itugavila korotoyana ilatuwoko idigo kana, ‘Nimam kuyosāle!’ Tuwo moitamo nimana iyosale go, bogina idedevina.

Maki 6:6

Ago nuwona iwówana unana geya idi numisamo. Tuwo ina ivanibiníbita asa tamo tamo goi ivaatulúkwana.

Maki 7:34

Ikavava, ikandolaga yábana goi mana nuwokapisi ikalayawoi go, idigo kana, ‘Epapāta!’ Moe ana kaigavila kada, ‘Kutapōra!’

Maki 8:13

Ibóbwara ikavava, itaoya, ikalavedi go, iiwo ina oga goi aiyuwoina isowoyamna mana tovatotowanayao sikailova silokoina sina ituli ta dadava.

Maki 9:19

Go Yeisu idigo kana, ‘Komi tomota manakae? Moitamo numisa geya ae? Tuta maanawena taiyao bogina takaaiyaka go, ava tuta bei konumisedokoigu? Tuta maanawena imi dabakasa aatogage, tauna ava tuta bei konovegu? Tuwo gomanayana kōme!’

Luke 19:41

Yeisu ibóbwara ikavava, inonoina go, tutayana Yerusalema ivakakana, asayana igite, manuna itáiya