Maki 7:5 - Buki Kimaasabaina

⁵ Tauna Parisi be Yaubada ina Katukeda ana tovatulukwanayao Yeisu silumadade sidigo kadi, ‘Kom im tovatotowanayao manakae idi sinapu goi tubudao idi gulagula geya siguinuweta, go sem nimadi geya kimasabaidimo sikakáika?’

Maki 7:5 ပူးပေါင်းရင်းမြစ်များ

Madiu 15:2

‘Kaga unana im sikapipilavedi? Tutayana bego sikáika go, nimadi geya siinikidi. Kaga unana nakae siguuinuwe?’

Maki 7:13

Moeko goi imi gulagulayadi tomota kovatuulukoidi sikabikaaonedi pasidi Yaubada ina livala kovayoko dogoi besobeso. Ago guinuwa badabadaidi moe nakae koguuinuwedi.’

Maki 7:8

Komi nakae. Yaubada ina lovina kokalavedi go, tomota idi gulagula kokabikaaonedi.’

Maki 7:9

Aiyuwoina idigo kana, ‘Komi koyagoidoko manakaemi Yaubada ina lovina kokataedi bego toinimi imi gulagula kokailagasidi ae?

Guinuwa 21:21

E valem bogina sinove bego woi Diyuu madabokidi Totuyoyowo yaidi goi sikaaiyaka kom kuvatulukoidi itoboinedi Yaubada ina Katukeda boi Mosese ivinivini sikapipilave. Aiyuwoina kadi, “Paulo idigodigo bego Diyuu natudiyao sakavaidi taabu siikupōidi be nakae ida sinapu taabu sisabookulīye.”

Guinuwa 21:24

Ame korotoyadi adi taivasi kwabīdi kunavēdi Vada Kimaasabaina goi kosīu taiyao kokimasabēmi Yaubada yaina. Korotoyadi idi vininabeso yoguyogu maisadi kuemaisīdi bei itoboinedi toinidi kunudi siteuidi nakae atotulayana ana lovina, e bei tomota liliudi siyagoi talavaitayana bogina sinove moe talavaita polapola. Tauna bei siyagoi Yaubada ina Katukeda geya kwapipilaveyeta, go sem kom moitamo nakae Atukedayana goi kuketooiya dókana be nakae kukabiikaone.

Roma 4:12

Aiyuwoina Yaubada nakae iguinuwe bei Eberamoyana moe kidi sakavaidi kuuponidi tubudi nakae. Tauyadi moitamo sakavaidi bogina sikupoidi go, tuwaina tubudi Eberamoyana ina numisa kiyaena sivaekuli. Ina numisayana tagite tauyana yawoina goi tutayana sakavaina nava geya ana kupwanamo.

Galetiya 1:14

Tuwaina, kai Diyuu ima tapwaroro ana vatulúkwana akibobosidoko. Nakae segowo badabadaidi guna malamalágata goi akalisavedi unana tubumao goi ima magu salau ayoisikavatedokoidi.

2 Tesalonáika 3:11

Lovinayana unana valemi bogina kanove bego maniyemi suumoyaimi, nakae paisewa geya, geya toina, go sem koketooiya beso tomota idi paisewa goi koyoobosedi. Tauna lovinayana kavinimneimi.

2 Tesalonáika 3:6

E ida Tomoya yoina goi kalovinaemi bego avatau neta suumoyaina be nakae vatulúkwana boi kavatuulukoimi geya isabokuliyeyeta, e tauyana kovasiyaasiyāe.