Maki 7:34 - Buki Kimaasabaina

³⁴ Ikavava, ikandolaga yábana goi mana nuwokapisi ikalayawoi go, idigo kana, ‘Epapāta!’ Moe ana kaigavila kada, ‘Kutapōra!’

Maki 7:34 ပူးပေါင်းရင်းမြစ်များ

Tateta 2:23

E tala maanawena Midiyani goi akaaiyaka go, amo talayadi mlidi da Itipita adi tolovina ikámasa go, tuwo segowo idi kogúyala moumouna pasina sikalayawoi be nakae sitaiyaduduwo vaita manuna. Idi taiyaduduwoyana ituko ina Yaubada yaina goi,

Maki 1:41

Tuwo mana nuwokapisi nimana iyosale toleperoyana ibisikone idigo kana, ‘Guna nuwonúwana nakae. Kumavāda!’

Maki 15:34

Asa lavilavi nakae, Yeisu niyana gagaina goi iduduwo idigo kana, ‘Eloi, Eloi, lema sabakatani?’ Moe ana yagoina kada, ‘Guna Yaubada, guna Yaubada, kaga unana kwalavegu?’

Maki 5:41

Sinaena goi Yeisu ibala ina gomanayana nimana iyoisi, idigo kana, ‘Talita kumi!’ Moe ana kaigavila kada, ‘Gómana alatuwokoim kutāoya!’

Maki 6:41

Ago berediyadi ainima be iyanayadi aiyuwo Yeisu sivini. Tuwo ikabidi, ikandolaga yábana goi, manudi ikauyagu Yaubada yaina. Ikavava, berediyadi ikivisidi, ina tovatotowanayao ivinidi bego sina sikaiguyauyedi bodayadi yaidi. Ikavava, iyanayadi nakae ikivisidi ivinidi sikaiguyauyedi.

Maki 7:35

E korotoyana taiyana sitapora nakae maena idedevina, tauna ibobwara dókana.

Maki 8:12

Go Yeisu mana kategeda ikalayawoi idigo kana, ‘Tomota ame tomotayadi nakae manakae aba kinana siilusale? Moe sinapu igoyo go, ame alatuuwokoimi konōve: Yaubada geya tayaamo aba kinana bei ivinidi!’

Luke 18:42

Kina go Yeisuyana idigo kana, ‘Kugita dōkana! Im numisa pasina bogina matam sidedevina.’

Luke 19:41

Yeisu ibóbwara ikavava, inonoina go, tutayana Yerusalema ivakakana, asayana igite, manuna itáiya

Luke 7:14

Yeisu ibala ina tokamasayana ina liyaliyaka ibisikone, e tokavalayadi sitaoya, tuwo idigo kana, ‘Tubuwau, kom alatuwokoim kutāoya!’

Iyoni 11:33

E Yeisu ikandobala Meri ina taiyakuwokúwala igite nakae Diyuuyadi taiyao simamaima idi taiyakuwokúwala igite, tuwo gamona igoyo be nakae nukotona taitáiya iuyoi.

Iyoni 11:35

Tuwo Yeisu itáiya.

Iyoni 11:38

E iya go Yeisuyana inove, aiyuwoina gamona igoyo, ima valiwoga tukubuyana goi. Ego valiwogayana moe tukubu go, tobuna goi gurewa paaevaina sikaubode.

Iyoni 11:41

E tuwo moitamo gurewayana sipuli. E iya go Yeisuyana matana idolaga ikawanoi idigo kana, ‘Tamagu, akauyagu yaim bego bogina kunovegu.

Iyoni 11:43

Tuwo Yeisu amo nakae ikawanoi ikavava, niyana gagaina goi iduduwo idigo kana, ‘Lasalo e! Kusowōduwo!’

Iyoni 17:1

Moe livalayadi ilukavavedi, matana idolaga yábana goi ikawanoi Yaubada yaina idigo kana, ‘Tamagu, guna tuta bogina ima. Lovina boi bogina kuvinigu tomota madabokidi yaidi goi bego tomota liliudi bogina kuuvinigu yawoidi vata avinidi. Tauna im togaga ana yau Natum goi kuvagitakōe bego avagitakoe tomotayadi yaidi.

Guinuwa 9:34

Tuwo Pita ina Aineyayana ilatuwoko idigo kana, ‘Aineya, Yeisu ikidedevinem! Tauna kutāoya go, im baseko kununūmi.’ Tuwo mainao itaoya.

Guinuwa 9:40

E kobuyayadi liliudi Pita ivalilivedi sina moetala go, kina aena ivatugúyala, ikawanoi. Ikawanoi ikavava, e itugavila vavinayana wowona ivadigo, idigo kana, ‘Tabita, kutāoya!’ E Tabitayana matana ilala Pita igite, e masisi goi itaoya itusobu.

Iberiu 4:15

Moe itoboine. Kita mada Tonúwala Toolagaina go, geya kada Tonúwala Toolagaidi liliudi nakae geya. Kidi Tonuwalayadi liliudi geya itoboinedita ida neneta silotowoidi. Go sem kita ida Tonúwala ida nenetayadi ilotowoidi. E Tauyana vakakona liliudi kita nakae bogina ibabanedi go, geya ina goyomo.