Maki 6:56 - Buki Kimaasabaina

⁵⁶ Neta Tauyana asa giyaidi o gagaidi goi isiu, tomota liliudi idi tokatowanayao sikabidi simedi aba maketi goi siyatoidi go, sikawanoi makimaki Tauyana yaina kadi, ‘Kutagonema am kwama kikina kaka kabisikone?’ Tuwo moitamo itagonedi go, avatauwa neta sibiisikone, e siboboina.

Maki 6:56 ပူးပေါင်းရင်းမြစ်များ

Madiu 14:36

Go sikawanoi makimaki Tauyana yaina kadi, ‘Kutagonema am kwama kikina kaka kabisikone?’ Tuwo moitamo itagonedi go, avatauwa neta sibisikone, e siboboina.

Madiu 9:20

Kanonoina go, tayamo vavina ima. Vavinayana tala yawou aiyuwo goi ikaikaina idaudau go, nava idaudau. E tauyana ivalabelabena Yeisu mlina goi ibisibala ana kwama kikina ibisikone.

Maki 3:10

Moitamo boda gagaina. Tokatówana badabadaidi bogina ikidedevinedi, tauna tokatówana liliuudi siketoiya vagivagígina sima latuwodi Yeisu sibisikone.

Maki 6:55

Tuwo tomotayadi silokoina sina asa liliudi amo dadavayana goi idi tokatowanayao sikabidi, sivaliyaliyakedi go, nako goi sinove Yeisu ikaaiyaka, e sinavedi amoko goi.

Luke 22:51

Go kina Yeisuyana idigo kana, ‘Tuwo! Koyāto!’ Ibisibala pakoninayana taiyana ibisikone, ikidedevine.

Luke 6:19

Togaga Tauyana yaina goi isowóduwo, e tomota liliudi siboboina, tauna kidi boda madabokidi sipoikíkina Tauyana sibisikone.

Luke 8:44

Tuwo ivalabelabena Yeisu mlina goi ibisibala ana kwama kikina ibisikone. Ibisikone, ikaikainayana ina dau mainao isayata.

Guinuwa 4:12

Aiyuwoina geya vatau tayaamo goi itoboineda ada yava tababane, go sem Yeisu anetava goi. Moe moitamo. Geya vatau tayaamo tuwaina poyapoya ana madabokina goi ikaaiyaka itoboine iyaveda geya, go sem Yeisuyana anetava Yaubada ietune ima bei Tauyana goi ada yava tababane.’

Guinuwa 4:9

nakona ame kai ima kotuyana unana topem kavaite. Go manakae? Komi latuwomi koyagoi ame tauyana manakaena idedevina ae?

Guinuwa 5:15

Tauna vamoleyanayao idi guinuwa badabadaidi pasidi tomota sediyao madi vísiya idi liyaliyaka goi sikavaledi simedi enao goi siyatoidi bego Pita ina ketoiya goi nakona nugonina ibisikonedi ikidedevinedi.